Isaiah 8:15 - Hawaii Pidgin Bible

¹⁵ Jalike plenny peopo goin fall down ova dat big stone, An come all bus up. An jalike dey goin get stuck inside dat trap An come prisonas.

Isaiah 8:15 ပူးပေါင်းရင်းမြစ်များ

Isaiah 28:13

Az why, fo dem guys, wat Da One In Charge tell um Goin be jalike wat he tell befo time: “Do dis, do dat, One rule, anodda rule, Litto bit hea, litto bit dea.” An dey goin go way, But den dey goin fall on dea okole. Dey goin come all bus up. Da army guys goin grab dem An dey goin come prisonas.

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 59:10

We ack jalike guys dat no can see. We gotta touch da walls like peopo dat no mo eye. Noon time, we trip an almos fall down jalike almos dark. Wen we stay wit da strong guys, We feel jalike da mahke guys.

Isaiah 7:22

So from da cow an da goat, dey goin get milk, an da guy goin get enuff sof cheese fo eat. Da peopo dat da army guys no take away from inside da land, goin get sof cheese an wild honey fo eat.

Jeremiah 6:21

Az why Da One In Charge tell dis: “I da One goin make da peopo all jam up. Da faddahs an dea boys goin get wipe out same time. Frenz an peopo nea dem goin mahke.”

Matthew 11:6

An if da tings I do no bodda you, den you goin feel good inside.”

Matthew 15:14

Laytas wit dem awready! Dey jalike one blind guy stay go aroun, an show anodda blind guy wea fo go. Bumbye da two blind guys goin fall down inside one puka.”

Matthew 21:44

[Me, da main stone. Da guy dat trip an fall down on top dis stone, da stone goin broke him in small pieces. If dis stone fall down on top one guy, da stone goin make him jalike dus.]”

John 6:66

From dat time had plenny guys dat he teach befo time, but some a dem go back, an neva like go wit him no moa.

Rome 9:32

How come stay lidis? Dey neva get um right wit God cuz dey ony try get um right wit God by da stuff dey do. Dey neva trus God. Da Bible talk bout one “rock dat make peopo trip ova an fall down.” Dis wat Isaiah tell inside da Bible: “Eh! Right hea inside Zion Town, I goin put one Guy. He goin be jalike one rock Dat goin make peopo trip ova an fall down. But whoeva trus dat Guy, Dey no need come shame.” An az da Israel peopo wen trip ova dat rock an fall down!

1 Corint 1:23

But us guys dat tell da Good Stuff Bout God, dis wat we tell. We stay tell peopo all ova da place how God wen sen dis Spesho Guy Christ ova hea. We tell how odda guys wen hang um on top one cross fo kill um. Da Jew guys hear all dat, but dey no can handle, cuz dey tink God Spesho Guy no goin mahke fo shua. An da Greek peopo, wen dey hear um, dey tink, “Stupid!”