Isaiah 8:12 - Hawaii Pidgin Bible

¹² He tell, “No go tink you an yoa frenz stay make one plan fo do someting bad, Jus cuz dis peopo stay tell you guys dey stay making plan fo do someting bad! Wen dis peopo stay sked bout someting, You guys no need come sked bout dat, O let dat ting make you come real sked an shaking!

Isaiah 8:12 ပူးပေါင်းရင်းမြစ်များ

2 Kings 17:39

But fo me, yoa God, Da One In Charge, you gotta show plenny respeck! Cuz I da One goin get you guys outa trouble from all da peopo dat go agains you guys.”

Songs 53:5

Bumbye, someting goin happen ova dea Fo make dem guys come real sked, Mo plenny sked den was befo time. Cuz wen da peopo dat stay agains you Put dea army camp in front you, You goin make dem all come shame. An God goin kill um An throw dea bones all ova da place, Cuz he tell “Laytas” to wat dey do.

Isaiah 30:1

Dis, one message from Da One In Charge: “Bummahs! to da hard head peopo Dat stay go agains me! Dey make one plan an do um, But da plan, not from me. Dey make one deal wit peopo from anodda country, But my Spirit neva tell dem fo do dat. Dey do one bad ting, Den anodda mo worse ting.

Luke 21:9

You guys goin hear, ‘Dey fighting an get war all ova da place.’ No come bum out. All dat kine stuff gotta happen, but dat no mean eryting goin come pau yet.”

Joshua 1:9

I neva tell you awready? You gotta come real strong an no lose fight fo shua! No sked notting, an no come bum out! Cuz me, yoa God, Da One In Charge, I goin stay wit you wea eva you go.”

Joshua 10:7

So Joshua go wit all his army guys wit all da bestes guys fo fight an march from Gilgal.