Isaiah 7:9 - Hawaii Pidgin Bible

⁹ Da main town inside Israel, dass Samaria, Da main guy inside Samaria, dass Remaliah boy. If you guys no stay shua bout dis, Az cuz you no stay solid bout um.”

Isaiah 7:9 ပူးပေါင်းရင်းမြစ်များ

2 Kings 15:27

Wen Azariah (dass Uzziah) stay da Judah king fo fifty-two year, Pekah, Remaliah boy, come da Israel king inside Samaria town. He stay king fo twenny year.

2 Records 20:20

Early morning time dey go from Jerusalem to da Tekoa Boonies. Wen dey all ready fo go, Jehoshafat stan up an tell, “You Judah an Jerusalem guys, lissen me! Trus yoa God, Da One In Charge, an he goin make you stay solid! Trus da guys dat talk fo him, an you guys goin come out okay!”

Isaiah 28:1

Bummahs! Samaria town, Efraim side, Look jalike get one nice haku lei On top a da Samaria hill, Ova one valley wea eryting grow good! But dat lei, jalike da good looking flowas Stay come all dry up now. Az cuz da Efraim peopo get big head An dey stay piloot all da time! Plenny rich stuff come from dat valley, But da peopo from dea ony drink up da wine, Till dey no can even stan up!

Isaiah 5:24

“Az why, wen dose peopo make lidat, Dey goin come poho, Jalike one plant wit da root all rotten, An da wind blow away all da flowas jalike dus, Jalike da fire burn up da junks from da wheat, An da dry grass no mo wen stay burn. Az cuz dey no take da Rules Dat Da One In Charge, Da God Ova All Da Armies, teach um, An dey ack jalike wateva Da One In Charge tell dem, Stay no good! No matta he da Good An Spesho God fo da Israel peopo,

Isaiah 7:10

Da One In Charge tell King Ahaz one mo time.

Isaiah 7:4

Tell Ahaz, ‘Watch out, but stay cool. No sked. Inside yoa heart, no lose fight! Fo shua, dose two kings, Rezin fo da Aram peopo, an Remaliah boy, dey stay all hot an huhu. But dey jalike two small stick inside da fire dat litto mo all burn out, but still yet dey get plenny smoke.

Isaiah 8:4

Az cuz befo dis small boy learn how fo tell ‘Daddy’ o ‘Mama,’ da Assyria army guys goin steal all da rich kine stuffs inside Damascus town an Samaria town. Dey goin bring um to da king fo Assyria.”

Isaiah 9:9

All da peopo dea goin know wat God tell, Da Israel peopo, an da peopo inside Samaria town. But dey come high nose, an get big head. Az why dey talk lidis:

Jeremiah 43:2

Azariah, Hoshaiah boy, an Johanan, Kareah boy, an all da odda guys dat get big head tell Jeremiah, “You bulaia! Oua God Da One In Charge neva sen you hea fo tell: ‘You guys betta not run away Egypt side an stay ova dea!’

Micah 1:5

All dis stuff goin happen, Cuz da peopo dat come from Jacob Go agains wat Da One In Charge Wen tell um fo do! Da peopo dat come from Israel Stay do bad kine stuff! Who get da blame cuz da peopo dat come from Jacob Go agains Da One In Charge, aah? Da Samaria peopo, in dea main town, Dey get da blame! Wea da peopo dat come from Jacob, Dey go make sacrifice to da odda gods, aah? Da Judah peopo, in dea main town Jerusalem, Dass wea dey go down in front da idol kine gods.

Jesus Guys 27:11

But da captain neva like lissen Paul. He do wat da local navigata guy an da boat owna tell um fo do.

Jesus Guys 27:25

You guys, no give up! Cuz I trus God dat he goin do jalike wat he tell me he goin do.

Rome 11:20

Dass wat wen happen, but God hemo dose branches cuz dey no trus him, az why. An you, you graf in cuz you trus God. Eh, no get big head! Mo betta you come sked!

Hebrews 11:6

An you know, whoeva no trus God, dey no can make God stay good inside. Cuz whoeva like come tight wit God, dey gotta stay shua dat God stay fo real. An if dey like know him fo real kine, dey gotta stay shua dat God goin give um someting spesho fo dat.

1 John 5:10

Whoeva trus God Boy know fo shua dat wat God tell bout his Boy stay true. But whoeva no trus God, jalike dey stay tell, “God, he bulai!” cuz dey no trus wat God tell bout his Boy.