Isaiah 7:7 - Hawaii Pidgin Bible

⁷ But dis da ting Da One In Charge a me tell: “Wat dem guys stay tell, no goin happen. No goin be lidat.

Isaiah 7:7 ပူးပေါင်းရင်းမြစ်များ

Songs 33:11

Eryting Da One In Charge make one plan fo do, Dass how goin stay foeva. Wen he tink wat fo do, Dass how goin be foeva.

Songs 76:10

Wen peopo come real huhu, Dat show proof dat you da bestes. An if dey stay had it wit you still yet, Dat make you look good.

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Isaiah 28:18

Da deal you guys wen make fo no mahke, No goin be awready! Da promise somebody wen make to you guys Fo no go da Mahke Peopo Place, No goin work! Wen da army guys come thru dis place, No ways you guys even can stan up, Jalike wen da big watta come!

Isaiah 37:29

Cuz you stay mad agains me, An I hear how big head you get Cuz you tink you mo betta den me, Me, Da One In Charge, goin make you my prisona Fo do wateva I like you fo do, Jalike I put one hook inside yoa nose, An one bit inside yoa mout, jalike you one horse. An I goin make you go back yoa place On top da same road wea you wen come from.’ ”

Isaiah 7:1

King Ahaz was Jotham boy, an Jotham was Uzziah boy. King Pekah fo da Israel peopo was Remaliah boy. One time, King Rezin fo da Aram peopo, wit King Pekah fo help him, wen go fight da Jerusalem town peopo Judah side, wea Ahaz was da king. But dey no even can go nea dea fo start da fight.

Isaiah 7:6

Dey tell, “We go up country Judah side an bus up da Judah peopo. We goin fight an take um ova an make um come oua side. Den we goin make Tabeel boy da king inside Judah.” ’ ”

Isaiah 8:10

You goin talk an make plan, But dat no goin happen, cuz you no can do um. You talk bout wat fo do, But no goin happen lidat, Cuz God stay wit us. Dass wat ‘Immanuel’ mean!”

Sad Song 3:37

If da Boss no like fo someting happen, No mo nobody can make um happen.

Daniel 4:35

All da peopo inside da world, God see um, jalike dey notting. He do wateva he like do Wit da armies from inside da sky, An da peopo inside da world. No mo nobody can hold him back O aks him how come he do dat.