Isaiah 7:2 - Hawaii Pidgin Bible

² Somebody tell da David ohana guys Judah side, “Da Aram army guys wen go by da Efraim ohana land inside Israel an stay make camp all ova da place wit da Israel guys.” So Ahaz an his peopo, dey come real sked inside. Dey stay shake jalike how da trees shake inside one fores wen da wind blow um.

Isaiah 7:2 ပူးပေါင်းရင်းမြစ်များ

2 Samuel 7:16

Yoa ohana goin stay solid foeva. Same ting fo da king guys in da line dat come from you. Da right you guys get fo be da king, goin stay solid foeva too.’ ”

1 Kings 11:32

Cuz I get respeck fo my worka guy David, an fo Jerusalem town, da place I wen pick from all da Israel ohana land, get one ohana goin stay wit da David ohana.

1 Kings 12:16

Wen all da Israel peopo see dat King Rehoboam no stay lissen dem, dey talk back to him. Dey tell um, “Eh! You king guys from da David ohana, You worth notting to us! Us no get notting from da Jesse ohana! Us Israel guys, we goin get outa hea! You David ohana guys Take kea yoa peopo, No bodda us!” So da Israel guys go home.

1 Kings 13:2

Da guy yell jalike he talking bad to da altar, cuz Da One In Charge wen tell um wat fo tell. He tell, “Eh you! Da altar! Dis wat Da One In Charge tell: ‘Bumbye one bebe boy goin born from da David ohana. His name goin be Josiah. On top dis altar, Josiah goin make one sacrifice. Firs ting, he goin kill da pries guys fo da places on top da hills wea da peopo make sacrifice. He goin kill dose dat burn sacrifice on top dis altar too. Den he goin burn bones from mahke peopo dea, so dis altar no goin be good no moa!’ ”

2 Records 25:10

So Amaziah let go da Efraim ohana guys dat wen come by him from da Efraim land, an sen dem back home. Dem guys come real huhu wit da Judah guys, an go back home wit plenny huhu.

2 Records 28:12

Den some a da leada guys fo da Efraim ohana: Azariah Jehohanan boy, Berekiah Meshillemot boy, Jehizkiah Shallum boy, an Amasa Hadlai boy, dey stan up agains da guys dat come back from da war.

Songs 11:1

I stay trus Da One In Charge fo no let me get hurt. So, wassamatta you guys stay tell, “Run away from yoa house to da mountains, Jalike you one bird dat fly!

Smart Guys 28:1

Da bad guys, dey run away Jalike somebody stay chase um, No matta no mo nobody chase um. But da peopo dat stay do wass right, Dey stay shua dey stay okay, Jalike one lion dat no sked notting.

Isaiah 11:13

Den da Efraim ohana guys no goin get jealous A da Judah guys no moa. An da Judah ohana guys No goin give da Efraim guys hard time no moa.

Isaiah 22:22

I goin give Eliakim da right Fo run da govmen fo da king, Jalike him da one carry da key fo King David palace An work fo da King David ohana. Wen Eliakim open someting, No mo nobody can shut um. Wen he shut someting, No mo nobody can open um.

Isaiah 37:27

An fo you make da peopo dat live dose towns Get ony litto bit powa. Dey lose fight an come shame. Dey come jalike da plants dat grow inside one field, Da young green grass O da grass dat grow on top da roof O on top wea you plow fo plant da wheat, Wea da sun burn um befo can grow.

Isaiah 37:35

I goin do all dat fo me, An fo da promise I wen make to King David, my worka guy. I goin get da peopo hea outa trouble!”

Isaiah 6:13

But even if still yet get ten percent a da peopo dat stay on top da land, Da army guys goin come back one mo time An burn eryting. But, jalike da terebint tree an da oak tree still ony get stump Wen somebody cut um down, Da peopo dat still stay dea, Goin come jalike one spesho seed fo God, Jalike da stump dat goin grow one mo time.”

Isaiah 7:13

Den Isaiah tell, “Lissen, you peopo dat come from David ohana. Not enuff you guys try fo make odda peopo come piss off wit you. Now you stay trying fo make my God come piss off wit you too!

Isaiah 7:17

Da One In Charge, Da Boss, goin make you, an yoa peopo, an yoa faddah guy ohana, suffa plenny, mo plenny den you guys eva suffa befo, from da time wen da Israel peopo dig out from da Judah peopo. He goin bring da king from Assyria fo make you suffa!”

Isaiah 7:5

But cuz dey stay huhu, da Aram peopo stay make one plan wit da Israel peopo an dea king, Remaliah boy, fo do bad tings to you.

Isaiah 8:12

He tell, “No go tink you an yoa frenz stay make one plan fo do someting bad, Jus cuz dis peopo stay tell you guys dey stay making plan fo do someting bad! Wen dis peopo stay sked bout someting, You guys no need come sked bout dat, O let dat ting make you come real sked an shaking!

Isaiah 9:9

All da peopo dea goin know wat God tell, Da Israel peopo, an da peopo inside Samaria town. But dey come high nose, an get big head. Az why dey talk lidis:

Jeremiah 21:12

You David ohana guys, dis wat me, da Boss, tell: “ ‘Wen you guys judge da peopo, Do wass right ery morning. No let da guys dat rip off peopo Put presha one mo time fo da ones dey wen steal from. If you no do dat, I goin come real huhu jalike fire, Cuz you guys do bad kine stuff. An no mo nobody goin pio dat fire!

Hosea 12:1

Da Israel peopo, dey ack jalike da wind stay dea food. All day dey chase da east wind. Dey bulai mo an moa, an dey beef mo an moa. Dey make one deal wit da Assyria peopo. Den dey sen olive oil Egypt side.

Matthew 2:3

Wen King Herod hear dat, he come all shook up an sked. All da peopo inside Jerusalem, dey all come shook up an sked too.