Isaiah 7:18 - Hawaii Pidgin Bible

¹⁸ Dis how goin be dat time. Da Boss, Da One In Charge goin bring big armies agains da Judah land. He goin whistle fo call all da flies from da Nile Riva an from all da watta ditch far away inside Egypt. An he goin whistle fo all da bees fo come from Assyria.

Isaiah 7:18 ပူးပေါင်းရင်းမြစ်များ

Songs 105:31

God tell fo plenny flies come, An dey come, da kine dat bite. Den come gnats From one side a da country To da odda side.

Songs 118:12

Dey surroun me Jalike da bees stay attack. But dey goin pio, Jalike one brush fire Dat burn out quick. I bus um up, cuz Da One In Charge Give me his powa!

Outa Egypt 8:21

Cuz if you no let my peopo go way, I goin sen by you uku plenny bugs dat fly togedda an bite. Dey goin go all ova you, yoa palace peopo, da odda peopo, an da houses. All inside da houses wea da Egypt peopo live goin come full a bugs dat fly togedda an bite. Same ting, all ova da groun too.

Outa Egypt 8:24

An dass wat Da One In Charge do. All kine flies go inside da palace wea da Pharaoh guy live. Dey even go inside da houses wea da palace peopo live. All ova da Egypt land, da land come poho cuz a da flies.

Isaiah 13:5

His army guys all stay come from one far place, From unda da mos far part a da sky. Az Da One In Charge stay coming wit dem, An he goin use dat army Fo punish da peopo he stay huhu wit. Da One In Charge goin wipe out da whole land!

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 5:26

God goin put up one flag Fo all da peopo inside da lands dat stay far see um. He goin whistle fo dem fo come, Fo dem come togedda fas from one real far place.

Isaiah 7:17

Da One In Charge, Da Boss, goin make you, an yoa peopo, an yoa faddah guy ohana, suffa plenny, mo plenny den you guys eva suffa befo, from da time wen da Israel peopo dig out from da Judah peopo. He goin bring da king from Assyria fo make you suffa!”

Zekariah 10:8

I goin make one signal fo dem come, An bring da Efraim peopo togedda. I goin pay da price fo get um outa trouble, An dey goin come mo an mo plenny jalike befo time.

Rules Secon Time 1:44

But da Amor peopo dat live inside dose hills come outa dea towns fo fight you guys. Dey make you guys run away, jalike dey plenny bees. Dey bus up you guys all da way from da Seir Range to Hormah town.

Rules Secon Time 28:49

“Da One In Charge goin bring one peopo agains you guys from one far place, from da mos far part a da earth. Dey goin come real quick, jalike one eagle dat dive down real fas fo grab one small animal. You no goin undastan dea language.

Rules Secon Time 7:20

An anodda ting—Oua God Da One In Charge goin make dem lose fight, till even da peopo dat stay dea still yet an stay hide from you guys, dey goin come wipe out.

Joshua 24:12

Jalike I wen sen yellowjacket bees in front you guys, dat push dem guys out in front you, an da two kings fo da Amor peopo too. You guys no push da Amor peopo out wit yoa swords an bow an arrow, but was da yellowjacket bees.