Isaiah 66:23 - Hawaii Pidgin Bible

²³ All da time, ery new moon time an ery Res Day, all da peopo all ova da world goin come an go down in front me.” Az wat Da One In Charge tell.

Isaiah 66:23 ပူးပေါင်းရင်းမြစ်များ

2 Kings 4:23

Her husban aks, “How come you like go by him today? Dis not da sacrifice time fo da New Moon o da Res Day.” She tell, “Az okay.”

Songs 22:28

Cuz you Da One In Charge! You da king! You da One dat get da right Fo be in charge a all da nations!

Songs 65:2

You, da one dat lissen wen us guys pray. Az why all da peopo Goin come by you.

Songs 65:3

Wen peopo do bad kine tings Dat make me come bum out, Still yet, you hemo da shame Us get from go agains you.

Songs 86:9

You my Boss! You wen make All da diffren peopos. Dey all goin come by you An go down in front you. Dey show choke respeck fo you. Cuz dey know wat kine god you.

Isaiah 19:21

Da One In Charge goin let da Egypt peopo know who him. Wen dat happen, dey goin come tight wit him. Dey goin pray to him an bring animal sacrifices an wheat an barley sacrifices to him. Dey goin make strong promises to him, an dey goin do wat dey wen promise fo do.

Isaiah 19:23

Dat time, goin get one big road go from Egypt to Assyria. Da Assyria peopo goin go Egypt side, an da Egypt peopo goin go Assyria side. An dey goin work togedda fo Da One In Charge.

Isaiah 2:2

Bumbye, wen da world almos pau, God goin make da hill wea da Temple Fo Da One In Charge stay, Come da mos importan place in da whole world, Mo importan den da odda hills. Den all da peopo from odda countries Goin come dea.

Isaiah 27:13

Dat time, one big sheep horn trumpet goin blow. Da Israel peopo dat stay go all ova da place inside Assyria An da ones dey wen make go Egypt side, Dey all goin go God spesho hill inside Jerusalem town, An go down in front Da One In Charge Fo show love an respeck fo him ova dea.

Isaiah 49:7

Dis anodda spesho message from Da One In Charge. (He da One dat pay da price Fo get da Israel peopo outa trouble. He da Good An Spesho One fo da Israel peopo.) Dis message, fo da one Dat da peopo tink he no good inside, Da one dat all ova da country, Da peopo hate um, Da one dey figga ony one slave Dat work fo da leada guys. Dis wat Da One In Charge tell dat guy dat work fo him: “Wen da king guys see you, Dey goin stan up fo show you respeck! Wen da prince guys see you, Dey goin go down in front you Fo show you respeck! An all dat goin happen cuz a me, Da One In Charge. I da One you can trus. I da Spesho One fo da Israel peopo. An I wen pick you!”

Ezekiel 20:40

Me, Da One In Charge, da Boss, tell dis too: Ony get one place wea all da Israel ohana peopo come togedda fo do stuff fo me. Az on top da main Israel mountain, da one dat get da Temple on top fo show I good an spesho. Cuz on top my spesho mountain, ova dea inside da Israel land, all da Israel peopo goin work fo me. Dass da place wea I goin tell dat dey my peopo. Ova dea I goin tell you guys fo make sacrifices an give nice gifs, an make sacrifices dat goin be spesho fo me.

Ezekiel 45:17

Da prince suppose to give da animal fo da burn up kine sacrifices, da wheat o barley sacrifices, an da drink sacrifices fo da spesho religious ceremonies, da New Moons, an da Res days, fo all da spesho religious ceremonies fo da Israel ohana peopo. He goin give da stuff fo da sacrifices cuz a da bad kine stuff dey wen do too, da wheat o barley sacrifices, da burn up kine sacrifices, an da sacrifice fo show dat da peopo stay good wit me, dat make da Israel peopo come pono wit me.

Ezekiel 46:1

“ ‘Dis wat Da One In Charge, da Boss, tell: Da gate fo da inside open lanai dat go east goin stay shut fo six days wen da peopo work, but fo da Res Day, an da New Moon day goin stay open.

Ezekiel 46:6

Fo da New Moon spesho religious ceremonies, he goin give one young boy cow, six bebe sheeps, an one boy kine sheep, all wit no mo notting wrong wit um.

Zekariah 14:14

An da Judah peopo goin fight da peopo dat come agains Jerusalem too. Dey goin take all da rich kine stuffs from da odda peopos, plenny gold, silva, an clotheses.

Zekariah 14:16

Den all da peopo dat still yet stay alive from all da peopos dat wen go agains Jerusalem, dey goin come back ery year fo go down in front da King—Da One In Charge, Da God Ova All Da Armies. Da peopos goin go Jerusalem fo make Da Spesho Religious Ceremony Fo Live In Shacks.

Zekariah 14:18

If da Egypt peopo no go down in front him, dey no goin get rain. Da One In Charge goin bring da real bad kine sick on top dem too, jalike da sick dat he sen on top all da peopos dat no go Jerusalem fo make Da Spesho Religious Ceremony Fo Live In Shacks.

Zekariah 14:19

Dass how Da One In Charge goin punish da Egypt peopo an da odda peopo dat no make Da Spesho Religious Ceremony Fo Live In Shacks.

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

John 4:23

Garans da time goin come, an awready stay come now, wen da peopo go down an pray to da Faddah fo real kine. Dey goin show him plenny love an respeck cuz dey stay tight wit God Spirit, an dey goin know fo shua who God. Dass da kine peopo da Faddah like, da ones dat show him plenny love an respeck.

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”