Isaiah 66:19 - Hawaii Pidgin Bible

¹⁹ “I goin do one awesome ting wea my peopo stay. Den I goin sen some a da peopo dat still yet stay alive to da odda countries: to Spain, an Libya, an Lydia (wea get plenny guys dat know how fo use da bow an arrow), an Tubal, an Greece. Dey even goin go to islans dat stay far away, wea get peopo dea dat neva hear bout me, an neva see how awesome I stay. Dey goin tell da diffren peopos ova dea, how awesome I stay.

Isaiah 66:19 ပူးပေါင်းရင်းမြစ်များ

Start 10:13

Mizraim, dass da guy da Egypt peopo come from. Da Lud peopo come from Mizraim too, an da Anam peopo, da Lehab peopo, da Naftuh peopo,

Start 10:2

Dis da ohana dat come from Jafet: Gomer, Magog, Madai, Javan, Tubal, Meshek, an Tiras.

Start 10:22

Dis da peopos dat come from Shem: Elam, Asshur, Arpakshad, anodda Lud guy, an Aram.

Start 10:4

Da ohana dat come from Javan: Elishah, Tarshish (dass da Spain peopo), Kittim (dass da Cyprus Islan peopo), an Dodanim (dass da Rhodes Islan peopo).

Start 9:27

I like God give da Jafet ohana all da land dat dey need! I like Jafet an his peopo live togedda wit da Shem ohana, But da Canaan ohana, dey goin come slaves fo da Jafet ohana!” (You know, “Jafet” soun kinda like how dey tell “give big place” Hebrew language.)

1 Records 1:11

Mizraim da faddah fo da Lud peopo, da Anam peopo, da Lehab peopo, da Naftuh peopo,

1 Records 1:7

Javan boys: Elishah, Tarshish, da Kittim peopo an da Rodanim peopo.

1 Records 16:24

Tell all da diffren peopos da One In Charge story bout How awesome Da One In Charge stay! Tell all da diffren peopos Da awesome tings he wen do Dat peopo no can do!

Songs 72:10

I like fo da king guys from Spain An all da islans Come back to oua king Fo give um gifs. I like fo da king guys From Yemen an Ethiopia Bring wat dey owe Fo show he da boss fo dem.

Isaiah 11:12

He goin hold up one flag so all da peopos know wea fo come. He goin bring togedda all da peopo Dat da odda kings wen throw outa da Israel land, An da Judah guys from far place all ova da world.

Isaiah 18:3

God tell dis: “All you peopo dat stay live inside da world, Wen I put up my war flag on top da mountains, You goin see um. An wen da trumpet make noise, You goin hear um.”

Isaiah 18:7

“Dat time, peopo goin bring gifs Fo Da One In Charge, Da God Ova All Da Armies. An who goin bring da gifs? Fo shua, dose same peopo from far places, Da tall guys dat get smooth skin, Dat erybody sked dem. An from da land even mo far still yet, Da real strong kine peopo ova dea Dat stay bus up erybody, Ova dea wea da big rivas cut thru dea land. “Dey da ones goin bring gifs to Jerusalem town fo him, cuz dass da place fo find out wat kine god Da One In Charge.”

Isaiah 2:16

If peopo tink dey strong jalike da big boats dat go Spain, Da nice looking boats, Da One In Charge can sink um.

Isaiah 29:24

Da peopo dat stay all mix up inside, Dey goin undastan. Da peopo dat grumble, Dey goin learn how fo figga out stuff.”

Isaiah 42:12

Let dem tell how awesome Da One In Charge. On top da islans, let dem tell Good stuff bout him!

Isaiah 42:4

He no goin hold back o lose fight, Cuz he goin make shua da peopo all ova da world Goin judge da right way erytime. Da peopo dat live on top da islans goin wait Fo hear da rules he goin teach um.”

Isaiah 43:6

I goin tell da peopo from da north side, ‘Let my peopo come!’ An I goin tell da peopo from da south side, ‘No hold dem back!’ Bring all my boys from far places, An my girls from da mos far place inside da world.

Isaiah 49:1

You peopo inside da islans, lissen me! You peopo inside da far countries, lissen up too! Befo I born, Da One In Charge, he da One call me fo be his guy. From da time I born, he tell peopo bout me Cuz he know who me.

Isaiah 49:12

Look! Da peopo goin come from far places. Some a dem come from da north, Some from da west, Some from da south side a Egypt.

Isaiah 49:22

Dis anodda spesho message from Da One In Charge, da Boss. He tell: “Look! I goin put up my hand To da peopo inside da odda countries, An put up my flag Fo all da diffren peopos know az time awready. Den dey goin bring yoa small kids inside dea arm An yoa girls on top dea shoulda.

Isaiah 51:5

I stay ready awready fo do wass right. I start fo get my peopo outa trouble. I get powa fo be da judge Fo all da diffren peopos. I da One dat da peopo Dat live on top da islans stay wait fo, Cuz dey stay shua I get powa fo help dem.

Isaiah 52:10

Da One In Charge goin show how strong him Cuz he good an spesho! An all da peopo inside all da countries, Even da ones inside da mos far places on top da earth, Dey goin see How oua God get his peopo outa trouble!

Isaiah 52:15

He goin shock erybody in plenny countries Cuz a da way he look. Cuz a dat, even da king guys Goin stay futless An no can say notting. Dey goin see stuff dat nobody tell um bout. Dey goin start fo undastan stuff dey neva hear bout.”

Isaiah 55:5

An den, I tell dat guy, ‘You goin tell da nations fo come, Dat you donno befoa. An da peopo in da odda countries Dat donno you, Dey goin run to you. Az cuz me Da One In Charge, yoa God, Da Good An Spesho One fo da Israel peopo, Da One make you come awesome.’ ”

Isaiah 60:9

Dey big boats wit sail, Cuz me, Da One In Charge, I da One Da peopo in da far islans stay wait fo. Da big boats from Spain come firs Fo bring yoa boys from one far away place Wit da silva an gold dey get. Dey come, cuz dey know Wat kine god me, yoa God, Da One In Charge, Da Good An Spesho God fo da Israel peopo, An I da One make you guys come awesome.

Isaiah 62:10

Go, pass thru da town gates. Make one place fo my peopo come back! Build up da big road. Take away da stones. Hold up one flag So da diffren peopos know wea fo go!

Isaiah 65:1

Da One In Charge tell: “I wen stay ready fo help da peopo But dey neva aks fo me help um. Da peopo dat neva go look fo me, I wen let dem find me. Dose peopo dat nobody call ‘da peopo a Da One In Charge,’ I tell dem, ‘I stay hea! I stay hea!’

Jeremiah 46:9

“Attack, you horse ridas! Go fo broke, you war wagon drivas! March, you guys dat fight— You guys from Sudan an Libya Dat carry one shield. You guys from Lydia Dat fight wit bow an arrow!

Ezekiel 27:10

Guys from Persia, Lydia, an Libya, Stay in yoa army too. Dey hang dea shields an helmets on top yoa walls, An dat make you guys look awesome!

Ezekiel 27:13

Da peopo from Greece, Tubal, an Meshek make trade wit you too. Dey trade slave guys an bronze kine stuffs fo da stuffs you get.

Ezekiel 30:5

“ ‘Da army guys inside Sudan, Libya, Lydia, Army guys from anodda place dat fight fo Egypt, da Libya coast, An even da Jew army guys dat get one deal wit me, Dey all goin mahke in da war.

Ezekiel 32:26

“Da Meshek an Tubal guys stay dea too, wit all dea choke plenny guys aroun da Meshek-Tubal tomb. No mo nobody from dem get da mark from God fo show dey his peopo. Dey get kill wit swords cuz dey make da peopo sked dat still stay alive.

Ezekiel 39:1

“Eh! Fo Real Kine Guy! Go talk fo me agains Gog. Tell dis: Dis wat Da One In Charge, da Boss, tell: Eh Gog! I stay agains you. You da main leada guy fo da Meshek an Tubal lands.

Ezekiel 39:6

I goin start one fire on top da Magog land, an on top da peopo dat live in da islans, wea dea figga nobody can hurt dem. An dey goin know dass me, Da One In Charge, do all dat.

Daniel 11:18

“Laytas, da Syria king goin attack da peopos dat live by da ocean an on top da islans. He goin make plenny a dem prisonas. “But goin get one army leada guy from anodda place dat goin make da Syria king change his plan, no matta he no mo respeck fo nobody. Cuz a dat, da Syria king goin come da guy dat nobody get respeck fo!

Zefaniah 2:11

Da One In Charge goin make awesome an unreal kine to dem, Wen he make all da gods all ova da world come weak. Den even da peopos dat live on top da far islans, Goin show Da One In Charge love an respeck inside dea land.

Zefaniah 3:10

From da odda side a da Sudan rivas, My peopo dat show me love an respeck, Da ones dat come from my peopo dat stay scatta all ova, Dey goin bring presents fo me.

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Matthew 28:19

So you guys, go all ova da world an teach all da diffren peopos fo dem learn bout me an come my guys. Baptize dem, an dey goin get da right fo come tight wit my Faddah, an wit me his Boy, an wit da Good An Spesho Spirit.

Mark 16:15

Den he tell um, “Go all ova da world, an teach da Good Stuff Bout Me to erybody in da world.

Luke 2:34

Simeon tell God fo do good tings fo dem too. He tell Jesus muddah Mary, “God wen sen dis boy, an plenny Israel peopo goin jam up cuz a him. But plenny odda Israel peopo, dey goin come good cuz a him. He goin be jalike one sign dat tell peopo fo watch out. Plenny peopo no goin like dat, an dey goin grumble bout him.

Rome 15:21

Jalike da Bible tell befo time, “Da peopo dat neva have nobody fo tell um bout God, Dey da peopo dat goin see him. Da peopo dat neva hear notting befo time, Dey da ones goin undastan.”

Efesus 3:8

All da odda peopo dat stay spesho fo God stay mo importan den me. Still yet, God wen pick me fo do dis job. Dis da job fo tell all da diffren kine peopos dass not Jew guys all da unreal an awesome kine stuffs bout Christ. Dat awesome kine stuff mo awesome den anybody can figga. Dis job, jalike one spesho gif God give me fo do.