Isaiah 66:11 - Hawaii Pidgin Bible

¹¹ Cuz bumbye, you guys goin be Jalike one bebe dat stay breas feed, An no worry bout notting no moa, Cuz get plenny fo drink, An feel good bout eryting.”

Isaiah 66:11 ပူးပေါင်းရင်းမြစ်များ

Songs 36:8

Inside yoa house, Get ony da bestes stuffs, An you give yoa peopo all dat. You give um plenny tings Dat make um feel real good inside, Jalike you give um watta fo drink From one riva Dat erytime get plenny watta.

Isaiah 49:23

You Jerusalem guys, You goin get king guys fo take kea yoa kids An be jalike dea hanai faddahs, An da alii wahines goin be Jalike da muddahs fo breas feed yoa kids. Dey all goin go down Wit dea face on top da groun Fo show respeck fo you Jerusalem guys, Jalike dey stay eating da dirt on top yoa feet. Den, you guys goin know dass me, Da One In Charge. Da peopo dat wait fo me, fo see wat I goin do, No way dey goin come shame!”

Isaiah 60:1

Da One In Charge tell: “You Jerusalem peopo, Stan up! Shine jalike one light! Cuz now, you get awesome light from me, Da One In Charge. I stay awesome, An I jalike da bright light Dat make you peopo come awesome too, Jalike wen da sun come up an shine light fo you.

Isaiah 60:16

Da peopo from odda countries an dea king guys Goin make you guys come strong, Jalike one muddah breas feed her bebe Fo make um come strong. An you guys goin know dat me, Da One In Charge, I da One dat get you guys outa trouble. I da One dat pay da price Fo you guys no come slaves no moa. I da Strong One fo da Jacob peopo.

Isaiah 60:2

Look! All ova da world stay dark, Jalike da dark cloud stay cova all da diffren peopos. But Me, Da One In Charge, I da One stay bring da light fo you guys. Wen peopo see how awesome you guys stay, Dey goin know az me, God, make you awesome lidat.

Isaiah 60:5

Wen you guys see all dat, You goin smile plenny! You goin shake cuz you feel real good inside, An yoa heart goin beat mo fas. All da kine stuffs da trader guys bring From da odda side a da ocean, Goin be fo you, an not fo odda peopo. An rich kine stuffs goin come fo you guys From all da diffren peopos.

Isaiah 62:2

Da peopo in all da countries goin see All da right kine tings you guys stay do. All da kings goin see Dat you guys stay awesome. You guys goin get one new name. Da One In Charge goin give um to you guys.

Joel 3:18

“Dat time, goin be jalike da mountains stay drip wit new wine. An jalike milk goin run down da hills jalike rivas. All da gulches inside Judah goin get plenny watta. One watta spring goin come outa da Temple Fo Da One In Charge, An goin give watta inside da gulch wea get koa trees.

1 Peter 2:2

Jalike da bebes dat jus wen born an try fo get da milk, you guys go get da kine stuff dat stay good fo yoa spirit. Dass fo make you guys come mo an mo strong inside erytime, an God still goin take you guys outa da bad kine stuff.