Isaiah 66:10 - Hawaii Pidgin Bible

¹⁰ “All you peopo dat get love an aloha Fo da Jerusalem peopo, Dance an sing wit dem An stay good inside! Show erybody how you feel good jalike dem, No matta befo time you wen stay sad inside.

Isaiah 66:10 ပူးပေါင်းရင်းမြစ်များ

Songs 122:6

Tell God fo make eryting go good Fo da Jerusalem peopo. Tell dem, “I like fo da one Dat get love an aloha fo you guys Live so no mo worries.

Songs 137:6

If I no tink plenny bout Jerusalem, O if I no tink dat Jerusalem da place Wea I erytime stay good inside, Mo den all da odda place, Den I like fo God make my tongue Stick to da top a my mout Fo me no talk!

Songs 26:8

Eh! You Da One In Charge! Fo real kine, I like da house wea you live! Fo real kine, I like go da place Wea peopo see how awesome you stay!

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.

Isaiah 35:2

Goin get flowas all ova da place dea. Da peopo inside da boonies goin dance an sing, An yell cuz dey feel good inside. Goin come awesome dea inside da boonies, Jalike da Lebanon mountain, An jalike Mount Carmel an da Sharon plain. Da peopo dea goin see dat Da One In Charge stay real awesome Dey goin see dat he da king.

Isaiah 44:23

Dance an sing cuz you feel good inside, Erybody inside da sky! Yell plenny, erybody on top da groun! Yell cuz you feel good inside, Da mountains, an all da trees inside da fores, you can sing! Cuz Da One In Charge wen pay da price Fo get da Jacob ohana peopo outa trouble, An all da Israel peopo goin tell, he awesome!

Isaiah 51:3

“Az cuz Da One In Charge goin help da Jerusalem peopo So dey no stay sad no moa Bout all da stuff stay bus up ova dea. He goin make da boonies come Jalike how he wen make da place Eden side. Da dry up country goin come Jalike one garden fo Da One In Charge. Da peopo ova dea goin feel real good inside, An dance an sing. Dey goin tell Da One In Charge, ‘Mahalo plenny!’ an dey goin sing.

Isaiah 65:18

So now, stay good inside all da time, Wen you tink bout wat I goin make! Cuz I goin make Jerusalem da kine place Dat make you stay good inside wen you dea. An I goin make da Jerusalem peopo da kine peopo Dat make you like dance an sing wen you wit dem.

Isaiah 9:3

God, you goin make da Israel peopo come mo plenny peopo. You goin make da peopo come real good inside. Dey goin dance an sing in front you, Jalike wen da peopo harves da food inside dea fields An dey stay good inside, An jalike wen da army guys steal rich stuffs from da guys dey wen fight, An give dea frenz some a da stuff, Dey all stay good inside.

Ezekiel 9:4

Da One In Charge tell him, “Go all ova Jerusalem town. Go find all da peopo dat stay make sad kine noise an stay crying cuz dey sore inside from all da pilau kine stuff erybody stay do ova dea. Go make one mark on top dem. Put um on top dea forehead.”

Rules Secon Time 32:43

All you peopos, yell plenny Cuz you stay good inside Wen you tink bout da peopo a Da One In Charge! Cuz he goin pay back da ones dat wen kill his worka guys. He goin pay back da peopo dat stay agains him. He goin make his peopo an land Come pono wit him one mo time.