Isaiah 65:6 - Hawaii Pidgin Bible

⁶ “Look! Wat dey do stay write down in front me! I no goin stay quiet bout wat dey do. No, I goin pay dem back fo eryting! I goin pay um back plenny,

Isaiah 65:6 ပူးပေါင်းရင်းမြစ်များ

Songs 107:17

Some a dem wen come stupid An get one attitude, Cuz dey like beef wit God, An cuz dey stay do Any kine bad kine stuff, Plenny trouble come to dem cuz a dat.

Songs 109:14

Da One In Charge, no foget how come You wen poin finga his ancesta guys. No hemo da shame Fo da bad tings dea muddahs wen do.

Songs 50:21

Wen you do all dat kine stuff, You tink I no goin say notting?! No way! You tink I stay jalike you?! Not even! I stay tell you right now, Dat you stay do wass bad, An I goin be in yoa face Bout all da bad tings you wen do.

Songs 50:3

Wen oua God come, He no goin stay quiet. Goin be jalike one fire go in front him An burn up eryting! Goin be jalike get one hurricane Stay aroun him!

Songs 56:8

Awready you wen count all da times I gotta run away. Put my tears inside yoa watta bag Fo you no foget how plenny I wen cry. Fo shua all dis stay Inside yoa book.

Songs 79:12

Boss, fo erytime Da peopo dat live nea us Talk harsh kine to you, Go do bad tings to dem, Seven mo times!

Outa Egypt 17:14

Da One In Charge tell Moses, “Eh! I goin tell you one ting. Write dis inside one book, so nobody goin foget! Tell Joshua dis wen you write um: ‘Da Amalek peopo, I goin wipe out dea name, so nobody all ova da world no goin foget who dem!’ ”

Isaiah 26:21

Cuz you know wat?! Da One In Charge stay come out from his place Fo punish da peopo on top da earth Fo all bad kine stuff dey do. Den da earth goin show All da peopo dat wen bleed an mahke dea, Da ones dat wen murda dem No can hide um no moa.

Isaiah 3:11

Bummahs! fo da guys dat do bad kine stuff, Cuz eryting goin come out bad fo dem! Jalike wat dey do, Dass wat dey goin get.

Isaiah 42:14

Da One In Charge tell, “From long time I no say notting. I stay quiet an no talk. But now, time fo me talk strong, Jalike one wahine wen she born one bebe, An she make plenny noise, An breave hard, jalike no can get enuff air.

Isaiah 59:18

He goin pay um back Same same jalike dey wen do: I like bad tings happen to da guys dat hate him, An pay back da guys dat stay agains him, Even da peopo on top da far islans!

Isaiah 64:12

So den, Da One In Charge, afta all dese tings happen, You still yet goin hold back, o wat?! You still yet no goin talk notting, o wat?! You still goin make us guys get presha Mo den we can handle, o wat?!

Isaiah 66:6

Lissen up! Get plenny noise from da town, An from da Temple. Az da noise Da One In Charge stay make Wen he pay back da guys dat stay agains him!

Jeremiah 16:18

Befo I bring back my peopo, I goin pay dem back double fo all da wrong kine tings an da bad kine stuff dey do. Cuz dey wen make my land come pilau wit dea bad kine idol kine gods dat I hate—gods dat no stay alive. Dey make da land dat I own come full wit uku pile a idol kine gods.”

Ezekiel 11:21

But da peopo dat tink ony bout da pilau kine idol gods an odda haunas kine tings dat I hate, I goin pay dem back fo da way dey live. Az wat me Da One In Charge, da Boss, tell.”

Ezekiel 22:31

Az why I goin show dem dat I stay huhu, an burn dem up cuz I stay mad, jalike da fire burn dem up. I goin wipe um out fo all da bad kine stuff dey wen do. Az wat me Da One In Charge, da Boss, tell.”

Ezekiel 9:10

So me Da One In Charge, I no goin pity dem o let um go. I goin make shua bad kine stuff goin happen to dem cuz a all da bad kine stuff dey do.”

Joel 3:4

“You Tyre an Sidon peopo, an all you Filisha districks, how come you guys stay agains me Da One In Charge? You guys figga you stay pay me back cuz a someting I wen do, o wat?! Cuz if you guys stay pay me back, I goin turn aroun right den an dea, an pay you guys back an make you come shame fo all da tings you guys wen do.

Malakai 3:16

But den, get da odda peopo dat stay feel jalike dey real sked wen dey in front Da One In Charge. All dem talk wit odda guys dat tink da same ting jalike dem. Da One In Charge, he lissen plenny an hear wat dose guys tell. He write down eryting on top one paypa dat stay in front him, fo no foget wat da peopo tell. Da One In Charge do all dat fo da ones dat stay feel jalike dey real sked in front him, an dat tink plenny bout wat kine god he stay.

Luke 6:38

Give stuff to da odda guy. Den God goin give stuff to you. He goin fill um up, shake um, fill um up some moa, plenny goin even run ova, an he goin pour um all inside yoa bag. Cuz da way you give to peopo, same way he goin give to you.”

Rules Secon Time 32:34

“Me, eryting I make one plan fo do, I keep um in one good place wit me An lock um up wea I put all my rich stuffs.

Jesus Show 20:12

An I see all da big an litto mahke guys, standing in front da throne. An da angel guys open da books. Den dey open anodda book, da one dat tell erybody dat get God kine life. Den da Judge check out wat erybody wen do, jalike da book tell.