Isaiah 65:4 - Hawaii Pidgin Bible

⁴ Nite time, dey sit inside da graveyard. Dey stay all nite inside da secret places. Dey eat da pig meat dat stay kapu, An make stew outa odda kine kapu meat Dat make dem so dey no can pray.

Isaiah 65:4 ပူးပေါင်းရင်းမြစ်များ

Outa Egypt 23:19

Wen you guys harves da firs tings dat come up on top you guys land, bring da bestes stuffs by me, Da One In Charge, yoa God. No use da milk from da muddah goat fo cook da meat from da bebe goat.

Outa Egypt 34:26

“You guys gotta bring da bestes firs tings you harves from yoa land ery year, my house, cuz I yoa God, Da One In Charge. “No cook da meat from one bebe goat wit da milk from da muddah.”

Isaiah 66:17

“Get peopo dat make religious kine ceremonies Fo make um come spesho fo dea idol kine gods, An fo go in front dea gods Inside da places wit trees wea dey pray. Dey follow one leada guy fo go inside da middo. Den dey eat da kine stuff togedda dass kapu fo dem, Pig meat an rats. An dey all goin mahke togedda.” Az wat Da One In Charge tell.

Isaiah 66:3

But da odda kine guys, Dey do wat dey goin do, An feel real good inside Wen dey stay do dat kine pilau stuff. Wit dem, wen dey kill one cow fo make sacrifice, Az bad, cuz az jalike dey wen kill one guy. Wen dey kill one bebe sheep fo make sacrifice, Az bad, cuz az jalike dey wen broke one dog neck. Wen dey give one wheat offering, Az bad, cuz az jalike dey wen give pig blood fo make sacrifice. Wen dey burn incense fo God no foget dem, Az bad, cuz az jalike dey stay talk good bout dea idol kine god.

Ezekiel 4:14

I tell, “Ho! I no can! Da One In Charge, you da boss! But I neva eva come pilau so I no can come in front you! From small kid time till now I neva eat da kine meat from one mahke animal dat somebody find, o dat one wild animal wen rip up. I neva eat rotten kine meat.”

Prieses 11:7

Da pig, he get split kine hoof all da way, but he no chew da food ova an ova. If you guys eat um, you guys no can come in front me.

Zekariah 9:7

I goin make um no eat meat wit da blood still inside um, An no eat da meat from da sacrifices dey kill fo dea gods. Da Filisha peopo dat still yet stay alive, God goin own dem. Dey goin come jalike one a da small Judah ohanas. Da Ekron peopo goin come togedda wit my peopo, Jalike da Jebus peopo wen come togedda wit dem.

Census 19:11

“Wen somebody mahke, whoeva touch da mahke body, dey no can come in front me fo seven day.

Matthew 8:28

He go da odda side a da lake, ova dea wea da Gadara peopo get dea land. Had two guys dea dat da bad kine spirits take um ova. Dem guys, dey ack so wild, jalike dey pupule. Dass why nobody strong enuff fo go dat road. Dey live ova dea wea da mahke peopo stay buried. Da two guys come outa dea, an den dey go by Jesus.

Luke 8:27

Jesus go on top da beach. One guy from dat town come dat get some bad kine spirits in charge a him. Long time dat guy neva wear clotheses o stay inside one house, but he stay inside da caves wea dey put da mahke guys.

Rules Secon Time 14:21

No eat notting dat you guys find dat awready stay mahke. You guys can give um to one guy from anodda place dat live inside yoa town, o sell um to one guy from anodda place dat go thru yoa town, an fo dem eat um. But you guys stay spesho fo yoa God, Da One In Charge. Az why you no can eat um. Wen you guys cook one young goat, no boil um wit da muddah milk.

Rules Secon Time 14:3

No eat pilau kine stuff, notting.

Rules Secon Time 14:8

Same ting fo da pig: you guys no can come in front God if you eat um, even if get split in da hoof all da way, cuz da pig no chew da food ova an ova. You guys no can eat dea meat o touch dea body wen dey mahke.

Rules Secon Time 18:11

No hang out wit da guys dat use spesho kine words fo make um so odda peopo no can do notting. No try talk to da spirits, o da guys dat get secret kine powa, o dat aks da mahke guys wass goin happen.