Isaiah 64:7 - Hawaii Pidgin Bible

⁷ No mo nobody know wat kine god you, So nobody call you fo help um. No mo nobody try fo hang in dea wit you, Cuz you no like even look at us guys. You make us lose fight, So da bad kine stuff we do, take ova us.

Isaiah 64:7 ပူးပေါင်းရင်းမြစ်များ

Job 10:9

No foget dat you wen make me Jalike I da clay fo make one pot. Now you goin change me Fo come dirt one mo time, o wat?!

Job 8:4

Gotta be, yoa kids wen do bad kine tings God tell um not fo do! Az why he punish dem fo da bad kine stuff dey wen do.

Songs 100:3

Fo shua you gotta know dis: Da One In Charge, he God! He da One wen make us guys, An us guys his peopo! Jalike us da sheeps Dat he lead to da grass.

Songs 14:4

Dem guys dat stay do wass wrong, How come dey neva learn notting? Dey still do wass wrong! Easy fo dem eat up my peopo, Jalike easy fo dem eat bread. An dey no pray to Da One In Charge.

Outa Egypt 32:12

If you go wipe um out, da Egypt peopo goin tell, ‘Dat god fo da Israel peopo, fo shua he wen like make bad to his peopo. Cuz wen he take um outa oua Egypt land, was ony fo kill um inside da mountains an wipe um out fo dem no stay inside da world.’ “Cool head! No stay mad. Change yoa mind an no do bad tings to yoa peopo.

Isaiah 1:15

Wen you guys put up yoa hands fo pray to me I goin look da odda way. No matta you pray long time, I no goin lissen. Yoa hands stay dirty all ova From da blood a da peopo you wen kill.

Isaiah 27:5

But even da thorn an sticka kine peopo, Dey can come tight wit me An let me take kea dem too. Dass how dey no need fight wit me no moa, Cuz eryting goin come good wit me an dem.”

Isaiah 45:9

“Bummahs! fo anybody dat make argue Wit da One dat wen make dem! Dey notting. Dey jalike one piece from one broke pot, An anodda piece from broke pots Dat get all ova da groun. You tink da clay aks da guy dat make pots, ‘Wat you stay making, aah?! Da stuff you make Look jalike you no mo hands!’

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Isaiah 54:8

I wen get real mad, Jalike one flash flood, Cuz I no like wat you guys stay do dat time. I turn my face away so you no can see um Fo short time. But I get love an pity fo you guys, An I goin stay tight wit you foeva.” Dass wat Da One In Charge tell, Da One dat pay da price Fo get you guys outa trouble.

Isaiah 56:4

“Cuz dis wat Da One In Charge tell he goin do Fo da guys dat no can make kids, But still yet dey show respeck fo da Res Day Cuz dey my guys, An dey do wat I like um fo do, Cuz dass wat dey pick fo do, An dey stick wit da same deal Dat I wen make wit my peopo.

Isaiah 57:17

Wen dey do bad kine stuff, An dey come greedy fo get eryting fo ony dem, I punish dem, An no do notting good fo dem Cuz I real huhu. But still yet, dey do Wateva dey tink az good.

Isaiah 59:16

Da One In Charge, he see dat no mo nobody Stay go agains da bad kine stuff. He no can believe No mo nobody even pray fo his peopo! Dass why him da one do um An use his own powa Fo get his peopo outa trouble. Cuz he do da right ting erytime, He no need nobody fo help him.

Isaiah 59:2

So! How come you guys stay cut off from da God you pray to, Da One In Charge?! Az cuz you guys do bad kine stuff dat God goin punish you fo, az why! How come God no let you see his face An he no lissen?! Cuz you guys stay do bad kine stuff, az why!

Isaiah 59:4

No mo nobody fo tell peopo Dey betta do da right ting. Wen peopo talk in front da judge, Nobody tell um da trut. Dey tink az good, Fo tell stuff dat no mean notting, An talk bout wase time kine stuff, An make trouble, An cuz a dat, bad kine stuff happen. Jalike one wahine come hapai, An cuz a dat, she born one bebe.

Isaiah 63:16

But you, you oua Faddah! Cuz no matta Abraham an Israel Dey donno notting bout us guys, You Da One In Charge, you oua Faddah! You da One wen do wat you gotta do Fo get us guys outa trouble from befo time. Cuz dass wat kine god you, An dass yoa name, Get Us Outa Trouble!

Jeremiah 9:7

Az why dis wat Da One In Charge, da God Ova All Da Armies, tell: “Look! I goin tes dem Jalike wen peopo melt metal fo tes if stay good o no good. Dass da ony ting I can do! Cuz I get love an aloha fo my peopo. But dey wen go do plenny bad kine stuff!

Ezekiel 22:30

“Me, Da One In Charge wen look fo one guy from da Israel land fo build up da wall one mo time, an stan up fo me, inside da place wea da wall stay broke down, so I no gotta wipe out da land. But I no find nobody.

Ezekiel 24:11

Den put da empty pot on top da same coals, till da coppa pot come red hot fo burn up all da bad kine stuff an all da pilau stuff dat stick to da pot.

Hosea 5:15

Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

Hosea 7:14

Dey no call me wit one good heart. Dey ony lay on top dea beds an cry loud. Dey cut dea body Fo odda gods give um wheat an barley an new wine, But dey tell ‘Laytas’ to me!

Hosea 7:7

Dey all stay huhu jalike one oven dat still stay real hot. Dey wipe out dea leada guys. Dey kill all dea kings cuz a dat. But not even one a da king guys call to me, Da One In Charge, fo help um.

Malakai 1:6

Da One In Charge tell, “Eh, you pries guys dat talk bad bout me! Da boys, dey suppose to get respeck fo dea faddah guys, aah? An da worka guys, dey suppose to get respeck fo dea boss guys. So den! I da faddah fo you guys, but you guys no mo respeck fo me. I da boss fo you guys, but you not sked fo no do wat I tell you fo do. Me, Da One In Charge, Da God Ova All Da Armies, an dass wat I stay tell you guys.” But you pries guys tell, “Tell us, how us guys talk bad bout you?!”

Malakai 2:10

You no tink all us guys get da same faddah, o wat?! You no tink da one God wen make us guys?! How come all us guys ack So not even oua braddah trus us?! So! How come we ack jalike da deal pilau Dat God wen make wit oua ancesta guys?!