Isaiah 64:6 - Hawaii Pidgin Bible

⁶ All us guys wen come Jalike somebody dat do pilau kine stuff An no can come in front you, Da One In Charge, cuz a dat. All da tings we do fo show we stay do da right ting, Jalike pilau an dirty kine rags. We all lose fight, jalike one dry up leaf. An da bad kine stuff we do, wipe us out Jalike wen da wind blow away da leaf.

Isaiah 64:6 ပူးပေါင်းရင်းမြစ်များ

2 Samuel 22:46

Dey lose fight, all dose peopo from odda countries. Dey come outa da places wea dey hide fo no mahke, An dey sked an shaking!

Job 14:4

Wen get somebody dat no mo da right fo go in front you, No mo nobody can give um dat right, ony you.

Job 25:4

So! How can one guy get um right wit him, aah?! Erybody dat wen born, how dey goin stay clean inside?!

Job 40:4

“Me, I one nobody! No ways I can ansa back you. I shut my mout!

Songs 1:4

Da guys dat broke da Rules from God, Dey not like God peopo. Dey jalike da junks from da wheat Dat da wind blow all ova da place.

Songs 14:4

Dem guys dat stay do wass wrong, How come dey neva learn notting? Dey still do wass wrong! Easy fo dem eat up my peopo, Jalike easy fo dem eat bread. An dey no pray to Da One In Charge.

Songs 51:5

Fo shua, from da time I born, I stay do da wrong kine stuff, Even from da time my muddah Was hapai wit me, Dass how I stay.

Isaiah 1:28

But da peopo dat go agains me An da ones dat stay do bad kine stuff, I goin bus up all dem. Me, Da One In Charge, an I goin wipe all dem out!

Isaiah 1:30

Cuz a dat, you guys goin come jalike one oak tree Wit leaf dat stay come all dry up. An jalike one garden Dat no mo watta.

Isaiah 43:22

“You Jacob ohana peopo! No was me you guys wen aks fo help you. You Israel peopo! You guys neva bus ass an come tired Fo do stuff fo me.

Isaiah 46:12

Lissen to me, you hard head guys, You guys dat no even like try Fo do da right kine stuff!

Isaiah 48:1

You Jacob ohana peopo, Lissen wat I goin tell you guys. You guys get da Israel name too, from yoa ancesta, An you Jerusalem peopo all come from Judah. Wen you guys make one strong promise, You use Da One In Charge name. You tell da God dat Israel wen pray to Fo him make shua you do wat you wen promise fo do. Still yet, you guys no mean wat you tell, An you no do wass right.

Isaiah 50:1

Dis one spesho message from Da One In Charge: “You guys tink yoa muddah get one divorce paypa Dat I wen make Fo tell dat I wen dump her an sen her away, o wat?! No mo da kine paypa cuz I neva do dat! You tink I owe somebody money An I sell you guys to dem fo pay dem, An az why now you dea slave?! I neva do dat too! Fo shua, I wen sell you guys, But ony cuz you wen do bad kine stuff! I wen sen away you guys muddah But ony cuz you guys go agains me!

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Isaiah 53:6

We all go all ova da place jalike da sheeps. All us guys, we go wea we like go. But Da One In Charge, he let da guy dat work fo him Take da blame fo da bad stuff all us guys do.

Isaiah 6:5

Den I wen yell, “Bummahs! I stay wipe out awready! Da way I stay talk, An da way da peopo I stay wit stay talk, No way us can come in front God! But still yet, I wen see Da One In Charge, da King, Da God Ova All Da Armies.”

Isaiah 8:17

Az why I goin wait, cuz I stay shua Da One In Charge goin come. Right now, he stay cova his face so da Jacob ohana peopo no can see him. But me, I goin stay wait fo him.

Daniel 9:13

Jalike Moses wen write inside da Rules, all dis bad kine stuff wen happen to us guys. But still yet we no come back to you, oua God, Da One In Charge a us. Us guys still yet stay do da bad kine stuff. An we no tink bout how eryting you tell stay true.

Hosea 4:19

One whirlwind goin blow dem away. Wen dey make dea sacrifices to da idols, dey goin come shame cuz a dat.”

Hosea 7:7

Dey all stay huhu jalike one oven dat still stay real hot. Dey wipe out dea leada guys. Dey kill all dea kings cuz a dat. But not even one a da king guys call to me, Da One In Charge, fo help um.

Prieses 13:12

“If da sick come out all ova da guy skin, an da pries see dat da sick go cova da skin from da head to da feets,

Zekariah 3:3

Joshua get pilau kine clotheses on, standing in front da angel messenja guy.

Rome 7:18

I know fo shua dat no mo notting good stay inside me. Erytime I like do bad kine stuff. I like do good kine stuff too, but den, I donno how fo do um!

Rome 7:24

Sad! I stay all hamajang inside! I like fo somebody free me up fo no get cut off from God!

Philippi 3:9

I like erybody know dat I stay tight wit Christ. I do wat da Rules From God tell me fo do, but dat no make me get um right wit God. I get um right wit Christ cuz I trus him! Az why wen I trus him, God da One dat make me get um right wit him.

Titus 3:3

You know, befo time us guys was stupid too. We neva like do wat we suppose to do. We lissen wen odda peopo bulai us. We ack jalike we gotta do wateva we like do, watevas dat feel nice. All da time, we wen do bad tings to da peopo, an stay jealous a dem. Odda peopo wen hate us, an we hate dem too.

Jesus Show 7:13

Den one a da older leadas aks me, “Eh! Who da guys wit da white clotheses? An wea dey come from?”