Isaiah 64:2 - Hawaii Pidgin Bible

² Jalike wen da fire make da dry wood burn An make da watta boil, I wen like fo you come down hea awready So da peopo dat stay agains you Goin know wat kine god you, An da diffren peopos Goin come sked an shaking in front you.

Isaiah 64:2 ပူးပေါင်းရင်းမြစ်များ

Songs 106:8

Still yet, God wen get his peopo Outa trouble, Fo erybody know wat kine god him, An how strong he stay.

Songs 46:10

He tell: “No fight! No foget dis: Me God! All da diffren nations goin know Dat I da main one. All ova da world Dey goin know dis!”

Songs 79:10

No good da odda peopos Dat donno you tell, “Eh! Dem guys god, wea he stay?!” Da odda peopos, dey wen make Da peopo dat stay work fo you Bleed an mahke. So pay um back plenny fo dat. Let dose peopo know, Dat you da one punish um lidat, An let us guys see you do um.

Songs 83:13

But you my God. Make dem guys jalike da loose weeds, An jalike da junks from da wheat Dat da wind blow all aroun.

Songs 9:20

Eh! You Da One In Charge! All da diffren peopos dat donno you, Make um come real sked. Let um know, dey ony peopo, Dey not God. (Time out fo da music.)

Songs 99:1

Da One In Charge, he da king! Az why all da peopos Stay sked an shaking! He get his throne Above da awesome angel watcha guys. Az why da groun shake too.

Outa Egypt 14:4

I goin make da Pharaoh guy come hard head, so he goin like go afta you guys. Wen he do dat, I goin use da Pharaoh guy an all his army guys fo show erybody how awesome I stay. Da Egypt peopo goin find out dat me Da One In Charge fo real kine!” So da Israel peopo do wat God tell um fo do.

Isaiah 28:21

Da One In Charge goin start fo do tings fo you guys, Jalike da time da Israel peopo wen fight da Filisha guys, Mount Perazim side. Da One In Charge Goin come real huhu an bus up peopo, Jalike da time dey wen fight da Amor peopo, Gibeon Valley. He goin do watevas he like do, No matta wat he stay do Goin make da peopo drop dea jaws, No matta nobody wen see him make lidat befo time.

Isaiah 37:20

Now, oua God, dass Da One In Charge a us, get us outa trouble an no let da Assyria king hurt us. Den all da kings an dea peopos all ova da world goin know dat you Da One In Charge, da ony God dass fo real!”

Isaiah 63:12

Wea da One dat wen use his awesome powa Fo go wit Moses fo help him?! Da One In Charge wen go open da watta on da two side Fo da peopo walk thru, Strait thru da middo. An dass how Da One In Charge make erybody know Wat kine God him, foeva!

Jeremiah 33:9

Den plenny peopo goin know wat kine god me cuz a wat goin happen Jerusalem town. Peopo goin stay good inside, talk good bout me, an respeck me plenny. All da diffren peopos on top da earth goin hear bout all da good kine stuff dat I stay do fo da Jerusalem peopo. Dey goin feel real good, cuz a all da good kine stuff I do fo da peopo inside Jerusalem, an cuz I make eryting come good fo dem.”

Jeremiah 5:22

Da One In Charge tell, “I da One you guys betta watch out! You betta come sked a me! Wen you stay in front me, You guys goin shake cuz you sked! I wen put da sand by da sea edge. Da sand make da ocean stay dea foeva. Da waves come in an go out, An dey no can do notting. Da wave make big noise, But dey no goin go ova da sand.

Amos 4:12

Da One In Charge tell dis: “Cuz a dat, I goin make all kine bad kine tings happen to you Israel peopo, Jalike I wen tell you guys awready. Eh! You Israel peopo! Get ready fo stan in front me, yoa God! Cuz I da Judge, an I goin punish you guys!”

Micah 1:4

Jalike da mountain melt unda him, Jalike da wax melt in front da fire. An jalike da valley bus open, Wen da watta come down da mountain real fas.

Zekariah 14:4

Wen dat happen Da One In Charge goin stan wit his feets on top da Olive Ridge, dat stay across Jerusalem da east side. An da Olive Ridge goin split, an make one wide valley dat go from da east side a da ridge to da west side. Cuz half da ridge goin move da north side, an half goin move da south side.

Rules Secon Time 2:25

From today, I goin make all da diffren peopos unda da sky come real sked a you guys. Dey goin hear bout you guys an come sked an shake, an worry plenny cuz a you guys.’ ”