Isaiah 64:12 - Hawaii Pidgin Bible

¹² So den, Da One In Charge, afta all dese tings happen, You still yet goin hold back, o wat?! You still yet no goin talk notting, o wat?! You still goin make us guys get presha Mo den we can handle, o wat?!

Isaiah 64:12 ပူးပေါင်းရင်းမြစ်များ

Songs 10:1

Eh! You Da One In Charge! How come you no stay close to me?! How come, weneva tings come bad, you stay hide?!

Songs 79:5

Eh! You Da One In Charge! Wen all dis goin come pau?! You goin stay mad all da time, o wat? You goin stay jealous, An burn up inside, o wat?

Songs 83:1

God, no jus say notting! No go easy! No hold back fo do someting, God!

Isaiah 42:14

Da One In Charge tell, “From long time I no say notting. I stay quiet an no talk. But now, time fo me talk strong, Jalike one wahine wen she born one bebe, An she make plenny noise, An breave hard, jalike no can get enuff air.

Isaiah 63:15

Da One In Charge! Look down from da sky From da place you live up dea, Yoa Good An Spesho Place, Dat show how awesome you stay! Look down fo see wat stay happen! Befo time you wen go all out fo us guys. But now, you no give a rip! Befo time, you wen use yoa powa fo help us guys. But now, you no do notting. You wen feel plenny love an pity fo me befo time, But now, you stay hold back from me!

Isaiah 65:6

“Look! Wat dey do stay write down in front me! I no goin stay quiet bout wat dey do. No, I goin pay dem back fo eryting! I goin pay um back plenny,

Zekariah 1:12

Den da firs angel guy from Da One In Charge dat I talk to pray lidis: “You Da One In Charge, Da God Ova All Da Armies. Seventy year awready you stay real huhu wit da Jerusalem peopo. So, how long you no goin show pity fo dem, an fo da peopo inside da odda Judah towns?”

Jesus Show 6:10

Da peopo spirits talk loud, an tell, “Eh, you Da One In Charge! You get all da powa! You spesho, an you tell da trut! How long mo we gotta wait till you come fo judge all da peopo hea on top da earth an punish dem? Cuz dey wen kill all us guys!”