Isaiah 64:11 - Hawaii Pidgin Bible

¹¹ Oua awesome Temple, dat stay spesho fo you, Wea oua ancesta guys wen tell Dat you da greates, Dat all burn down. All da nice tings we wen get, All one pile a junk now.

Isaiah 64:11 ပူးပေါင်းရင်းမြစ်များ

1 Kings 8:14

Wen all da Israel peopo stay stan dea togedda in front him, King Solomon turn aroun fo face dem. Den he tell God fo do good kine tings fo all da Israel peopo.

1 Kings 8:56

“Az good us guys tell, Da One In Charge do good tings fo us. All us Israel guys, us his peopo, An us can res now, Jalike he wen make one promise befo time. Da One In Charge wen make dat good promise To his worka guy Moses, An Moses wen tell us we can res too. An eryting Da One In Charge tell he goin do, He do um. Not even one word come poho.

2 Kings 25:9

He burn down da Temple Fo Da One In Charge, da king palace, all da houses inside Jerusalem, an ery importan building.

2 Records 36:19

Dey burn down da Temple Fo God an broke down da Jerusalem wall. Dey burn da big houses dat get strong wall, an wipe out eryting nice inside dea.

2 Records 6:4

Den Solomon tell: “I like tell good stuff bout Da One In Charge, da God fo da Israel peopo. He wen use his powa fo do all da tings he wen make one spesho promise to my faddah David fo do. Cuz Da One In Charge wen tell:

2 Records 7:3

All da Israel peopo see da fire come down, an da light dat show how awesome Da One In Charge stay shine all ova on top da Temple. An dey all go down on top da tile floor a da open lanai fo da Temple an put dea faces on top da groun. Dey show love an respeck fo Da One In Charge, an dey tell him “Mahalo plenny!” an tell, “Da One In Charge, he stay good! He stay tight wit his peopo foeva!”

2 Records 7:6

Had all da pries guys go da places dey suppose to stan. Da odda Levi guys hold da tings fo make music an sing fo Da One In Charge, da tings dat King David wen make fo dem use wen he tell Da One In Charge “Mahalo plenny!” Dey tell, “He stay tight wit his peopo foeva,” fo tell Da One In Charge he da greates. Da pries guys stan across da odda Levi guys, an blow sheep horn trumpets, an all da Israel peopo stay stan ova dea.

Isaiah 63:18

Ony short time, befo time, Da peopo dat stay spesho fo you Wen own da land. But now, da peopo dat stay make trouble fo us guys, Da Temple Dat Stay Spesho Fo You, Dey walk all ova um an broke um down, An make um fo nobody use um.

Jeremiah 52:13

Him an his guys burn down da Temple Fo Da One In Charge, da king palace, an all da houses inside Jerusalem, wea da importan peopo live befo time.

Sad Song 1:7

Wen da Jerusalem peopo get hard time an donno wea dey going, Dey no foget all da rich kine stuffs dey get befo time. Wen da guys dat wen fight da Jerusalem peopo catch um, No mo nobody help dem. Wen da guys dat wen fight dem look da town, Dey laugh cuz da Jerusalem peopo come wipe out.

Sad Song 2:1

Da Boss come huhu wit da Jerusalem peopo. He stay cova dem jalike wit one cloud! Da Israel peopo was awesome jalike da sky, But jalike he wen throw um down all da way to da groun. Wen he come huhu wit dem, He no even proteck his Temple.

Sad Song 2:7

Da Boss tell “Laytas” to his altar. He bag from da Place Dat Stay Spesho Fo Him. He let da peopo dat stay agains us guys Take ova da palace walls. Dey make noise inside da Temple Fo Da One In Charge Jalike wen get da spesho religious ceremonies.

Ezekiel 24:21

fo tell da Israel ohana peopo dis message: Lissen up! I almos ready fo make pilau da place dat stay spesho fo me. Dass my Temple! Az da place wea you guys feel proud, cuz you figga dat place goin proteck you, az da place you like da bestes, an az da place you get plenny love an aloha fo. But wen da Babylon guys make you guys prisonas an take you away, yoa boys an girls you no can take wit you, goin get kill wit swords!

Ezekiel 24:25

Den Da One In Charge tell me, “Eh! Fo Real Kine Guy! I goin take away dea Temple dat get strong wall dat da Israel peopo figga goin proteck dem, dea beautiful place dat make um stay real good inside, da place dey like see, da place dey get love an aloha fo—an I goin take away dea boys an girls too!

Zekariah 1:12

Den da firs angel guy from Da One In Charge dat I talk to pray lidis: “You Da One In Charge, Da God Ova All Da Armies. Seventy year awready you stay real huhu wit da Jerusalem peopo. So, how long you no goin show pity fo dem, an fo da peopo inside da odda Judah towns?”

Matthew 24:2

Jesus tell, “Eh, az right! An I like tell you guys dis too: You know all dis stuff? Bumbye no goin get one stone on top anodda stone ova hea. Eryting goin fall down.”

Rules Secon Time 29:23

Da whole land goin stay jalike was burn up from salt an sulfur. Nobody goin plant notting dea. No can make notting grow dea. No mo notting green come up. Goin be jalike wen Sodom an Gomorrah towns wen come wipe out, an wen Da One In Charge bus up Admah an Zeboiim towns cuz he real mad wit dem.