Isaiah 64:1 - Hawaii Pidgin Bible

¹ Eh, Da One In Charge, I wen like fo you open da sky An come down hea awready! If you wen do dat, da mountains goin shake Jalike get earthquake, An fall down in front you!

Isaiah 64:1 ပူးပေါင်းရင်းမြစ်များ

Songs 46:6

Wen God tell someting, Soun jalike thunda. Da diffren peopos, Dey make plenny noise, cuz dey sked! Dea govmen guys, Dey no can stan up strait! Jalike da groun stay melt unda dem!

Songs 68:8

Da groun wen shake an wen rain Cuz you was dea, Da God dat stay on top Mount Sinai, Da God dat da Israel peopo pray to.

Songs 79:10

No good da odda peopos Dat donno you tell, “Eh! Dem guys god, wea he stay?!” Da odda peopos, dey wen make Da peopo dat stay work fo you Bleed an mahke. So pay um back plenny fo dat. Let dose peopo know, Dat you da one punish um lidat, An let us guys see you do um.

Outa Egypt 19:11

Da day numba three, dey gotta be ready! Cuz dat day, me, Da One In Charge, goin come down on da top a Mount Sinai, inside one heavy cloud in front all da peopo.

Outa Egypt 3:8

Az why now, I come hea fo get my peopo outa dea, fo da Egypt guys no make any kine no moa. I goin bring um outa dat land to one good land wea get plenny room fo erybody, an ery place get plenny milk an honey. I stay talk bout da place wea da Canaan peopo, da Het peopo, da Amor peopo, da Periz peopo, da Hiv peopo, an da Jebus peopo live now.

Isaiah 41:15

“An you know wat I goin do cuz a all dat? I goin make you Israel peopo come strong Fo bus up erybody dat stay agains you. You goin come jalike da kine wood frame Dat get two sides sharp, wit plenny teets. Da cows pull da wood frame On top da wheat dey wen harves, Fo bus up da wheat an take out da junks. Az Jalike you goin broke up da mountains An smash da hills. An afta dat, Ony goin be like da junk kine stuffs dat blow away.

Isaiah 63:15

Da One In Charge! Look down from da sky From da place you live up dea, Yoa Good An Spesho Place, Dat show how awesome you stay! Look down fo see wat stay happen! Befo time you wen go all out fo us guys. But now, you no give a rip! Befo time, you wen use yoa powa fo help us guys. But now, you no do notting. You wen feel plenny love an pity fo me befo time, But now, you stay hold back from me!

Isaiah 63:19

From long time, us guys stay yoa peopo. But da ones dat stay agains us, You neva was da king fo dem. Nobody call dem yoa peopo.”

Amos 9:13

An you know wat? Da One In Charge tell dis too: “Goin come da time, Wen dey plant stuff goin grow real fas. Da firs part goin be ready fo harves Befo dey even ready fo plant da odda part! Even wen time awready fo make ready da grape seeds Fo plant da nex time Dey still goin make lidat fo step all da grapes dey get Fo make wine, from da las time! Goin get real plenny juice from da fresh grapes Goin run down da hills An make da hills look jalike dey stay melt all ova da place!

Amos 9:5

“Da One In Charge a me, Da God Dat Stay In Charge Ova All Da Armies, Wen he touch da world, jalike da world melt, An erybody dat stay live inside da world come real sad. Da land move up an move back down Jalike da Nile Riva Egypt side.

Zekariah 14:4

Wen dat happen Da One In Charge goin stan wit his feets on top da Olive Ridge, dat stay across Jerusalem da east side. An da Olive Ridge goin split, an make one wide valley dat go from da east side a da ridge to da west side. Cuz half da ridge goin move da north side, an half goin move da south side.

Mark 1:10

Right den Jesus come up outa da watta. An you know wat? Jesus see da sky broke open, an spock God Spirit come down on top him, jalike one dove.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.