Isaiah 62:2 - Hawaii Pidgin Bible

² Da peopo in all da countries goin see All da right kine tings you guys stay do. All da kings goin see Dat you guys stay awesome. You guys goin get one new name. Da One In Charge goin give um to you guys.

Isaiah 62:2 ပူးပေါင်းရင်းမြစ်များ

Start 17:15

Den God tell Abraham dis too: “Yoa wife Sarai, from now, you no goin call her Sarai. Her name goin be Sarah, dat mean ‘princess.’

Start 17:5

From now, yoa name no goin be Abram no moa, dat mean ‘Importan Faddah.’ Yoa name goin be Abraham, dat mean ‘Faddah Fo Plenny Peopos.’ Cuz I stay make you da ancesta guy fo big stack diffren peopos.

Start 32:28

Da odda guy tell, “From now, yoa name no goin be Jacob. Yoa name Israel now, cuz you make fight wit God an wit peopo, an you win.” (“Israel,” dat mean “make fight wit God,” dea language.)

Songs 98:2

Da One In Charge, he show erybody Dat he da winna! He show all da diffren peopos Dat he erytime do wass right.

Isaiah 1:26

Den I goin bring good kine judge guys fo you guys, jalike befo time. An akamai kine peopo dat can tell you guys wat fo do, Jalike you guys wen get da firs time. Afta dat, peopo goin call you guys ‘Da big town wea erybody do da right ting,’ An ‘Da town wea you can trus da peopo.’ ”

Isaiah 26:2

Open da town gates An let oua peopo go inside, Da ones dat do da right kine stuff An do wateva dey make one promise fo do.

Isaiah 43:7

Bring erybody dat get my name cuz dey my peopo. All da ones I wen make fo show erybody How awesome me.

Isaiah 49:23

You Jerusalem guys, You goin get king guys fo take kea yoa kids An be jalike dea hanai faddahs, An da alii wahines goin be Jalike da muddahs fo breas feed yoa kids. Dey all goin go down Wit dea face on top da groun Fo show respeck fo you Jerusalem guys, Jalike dey stay eating da dirt on top yoa feet. Den, you guys goin know dass me, Da One In Charge. Da peopo dat wait fo me, fo see wat I goin do, No way dey goin come shame!”

Isaiah 49:6

So now, dis wat Da One In Charge tell: “But dass ony one small kine job, Fo you bring back by me Da ohanas dat come from Jacob, An da ones from da Israel ohanas Dat I wen take kea. Mo den dat, I goin make you Jalike one light fo da peopo dass not Jew guys Fo you come da one Dat goin get peopo all ova da world outa trouble fo me, Even da peopo from da mos far places inside da world.”

Isaiah 52:10

Da One In Charge goin show how strong him Cuz he good an spesho! An all da peopo inside all da countries, Even da ones inside da mos far places on top da earth, Dey goin see How oua God get his peopo outa trouble!

Isaiah 56:5

Fo dose guys dat no can make kids But stay tight wit me, I goin give dem someting Mo betta den get boys an girls. I goin make dem come jalike az my ohana, An give dem one spesho place inside my house. Peopo no goin foget dea name foeva, An nobody goin foget dea name eva.

Isaiah 60:11

Yoa town gates goin stay open all da time. Day time o nite time, dey no goin stay shut, Az fo peopo bring rich kine stuffs fo you guys From all da diffren peopos, thru da gates. Wen dea king guys come by yoa town, You guys goin make parade fo bring um inside.

Isaiah 60:16

Da peopo from odda countries an dea king guys Goin make you guys come strong, Jalike one muddah breas feed her bebe Fo make um come strong. An you guys goin know dat me, Da One In Charge, I da One dat get you guys outa trouble. I da One dat pay da price Fo you guys no come slaves no moa. I da Strong One fo da Jacob peopo.

Isaiah 61:11

Cuz jalike da groun make da plants come up, An da garden make da seeds grow, Dass how Da One In Charge a me Goin make peopo get um right wit him An tell good tings bout him In front da peopos from all da diffren countries!

Isaiah 61:9

Da peopos in da diffren countries Goin know who da ones dat come from my peopo. Erybody dat see dem goin tell Dat dey da ohana Dat Da One In Charge do good tings fo dem.

Isaiah 62:12

Dose peopo he goin bring, Odda peopo goin call dem “Da Peopo Dat Stay Spesho Fo Da One In Charge, Da Peopo Dat Da One In Charge Pay Da Price Fo Get Um Outa Trouble.” An peopo goin call Jerusalem, “Da Town Da One In Charge Wen Look Fo, Da Town Da One In Charge No Goin Leave.”

Isaiah 62:4

Nobody goin tell you guys no mo Dat yoa God wen bag from you guys. Nobody goin tell Dat no mo notting inside yoa land, An nobody can live ova dea. But wen dey tink bout you guys, dey goin tell Dat God feel good inside bout you guys. An wen dey tink bout yoa land, dey goin tell Dat God stay come jalike yoa husban, An you jalike his bride.

Isaiah 65:15

Da Israel peopo I goin pick, Da ony time dey goin use you odda Israel guys name Goin be fo put kahuna on top somebody. But me, Da One In Charge, da Boss, I goin kill you odda Israel guys, An give one diffren name fo my worka guys.

Isaiah 66:11

Cuz bumbye, you guys goin be Jalike one bebe dat stay breas feed, An no worry bout notting no moa, Cuz get plenny fo drink, An feel good bout eryting.”

Isaiah 66:12

Dis wat Da One In Charge tell, “You know wat?! I goin make eryting come out good fo da Jerusalem peopo, Jalike one big riva Wit watta all da time! I goin bring plenny rich kine stuff from plenny countries, Jalike wen da watta fill up one stream An den go all ova da place! An da Jerusalem peopo goin be Jalike da muddah fo all you guys, An you guys goin be jalike one bebe dat stay breas feed, An da muddah carry um all ova in her arm, An bounce um on top her knee.

Isaiah 66:19

“I goin do one awesome ting wea my peopo stay. Den I goin sen some a da peopo dat still yet stay alive to da odda countries: to Spain, an Libya, an Lydia (wea get plenny guys dat know how fo use da bow an arrow), an Tubal, an Greece. Dey even goin go to islans dat stay far away, wea get peopo dea dat neva hear bout me, an neva see how awesome I stay. Dey goin tell da diffren peopos ova dea, how awesome I stay.

Jeremiah 33:16

“Dat time, da Judah peopo no goin be slaves no moa. Da Jerusalem peopo goin make house An no need worry somebody goin hurt um. Dey goin give Jerusalem town one name dat mean, ‘Da One In Charge, da one dat do right fo us guys erytime.’

Jeremiah 33:9

Den plenny peopo goin know wat kine god me cuz a wat goin happen Jerusalem town. Peopo goin stay good inside, talk good bout me, an respeck me plenny. All da diffren peopos on top da earth goin hear bout all da good kine stuff dat I stay do fo da Jerusalem peopo. Dey goin feel real good, cuz a all da good kine stuff I do fo da peopo inside Jerusalem, an cuz I make eryting come good fo dem.”

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

Jesus Guys 11:26

He find him, an bring him Antiok. Barnabas an Saul stick togedda wit da odda braddahs an sistahs dat come togedda fo church ova dea, an dey teach plenny peopo fo one year. Antiok was da firs place wea odda peopo start fo call Jesus peopo “Christian.” Dat mean, “Christ peopo.”

Jesus Guys 26:23

I tell um dat da Spesho Guy God Wen Sen gotta suffa. An he da firs guy fo come back alive from mahke. An he goin tell his peopo an da peopo dass not Jew guys bout da light from God.”

Jesus Guys 9:15

But Da One In Charge tell Ananias, “Go! I wen pick dis guy fo tell who me to da peopos dass not Jew guys an dea kings an to da Israel peopo too.

Colosse 1:23

But fo shua, you guys gotta hang in dea an trus God fo real kine. Den nobody can make you guys trus odda stuffs, an make you guys no trus da Good Stuff From God dat you guys wen hear bout, da stuff you guys stay waiting fo come. Get guys dat stay tell erybody all ova da world da Good Stuff From God. Eh, dass me Paul too, an I help tell dat Good Stuff From God.

Jesus Show 2:17

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um some a da manna kine bread fo eat Dat God wen hide fo dem befo time. An I goin give um one white stone Wit one new name Dat God wen write on top um. Da guy dat get dat name, He da ony one goin know um.

Jesus Show 3:12

Whoeva fight an win, I goin make dem strong Jalike da main pos inside da temple fo my God. Dey no goin eva leave da temple one mo time! I goin write my God name on top dem, An da name fo God big town, da new Jerusalem. Dat place goin come down from da sky wea God stay. An I goin write my new name on top dem.