Isaiah 60:5 - Hawaii Pidgin Bible

⁵ Wen you guys see all dat, You goin smile plenny! You goin shake cuz you feel real good inside, An yoa heart goin beat mo fas. All da kine stuffs da trader guys bring From da odda side a da ocean, Goin be fo you, an not fo odda peopo. An rich kine stuffs goin come fo you guys From all da diffren peopos.

Isaiah 60:5 ပူးပေါင်းရင်းမြစ်များ

Songs 119:32

Weneva you tell me fo do someting, I goin run fo go do um, Cuz you help me fo undastan stuff Mo betta erytime!

Songs 34:5

Wen peopo wait fo him Fo tell um wat fo do, Dey feel real good, Jalike dea face shine! Dey no come shame.

Isaiah 23:18

But dat time, wateva da Tyre peopo make from wat dey buy an sell, an from work, goin come spesho fo Da One In Charge, not fo ony dem. Wateva dey make, goin be fo plenny food an good clotheses fo da peopo dat stay tight wit Da One In Charge.

Isaiah 54:2

“Make mo big da place fo yoa tent. Stretch da tent covas mo wide. No hold back, my peopo! Make da rope mo long, An make da pegs mo strong.

Isaiah 60:11

Yoa town gates goin stay open all da time. Day time o nite time, dey no goin stay shut, Az fo peopo bring rich kine stuffs fo you guys From all da diffren peopos, thru da gates. Wen dea king guys come by yoa town, You guys goin make parade fo bring um inside.

Isaiah 61:6

But you guys, peopo goin call you “Prieses fo Da One In Charge.” Dey goin call you guys “Helpa guys fo oua God.” You guys goin get plenny food From da odda countries, An talk big cuz a da awesome tings dey get An you goin get um too.

Isaiah 66:12

Dis wat Da One In Charge tell, “You know wat?! I goin make eryting come out good fo da Jerusalem peopo, Jalike one big riva Wit watta all da time! I goin bring plenny rich kine stuff from plenny countries, Jalike wen da watta fill up one stream An den go all ova da place! An da Jerusalem peopo goin be Jalike da muddah fo all you guys, An you guys goin be jalike one bebe dat stay breas feed, An da muddah carry um all ova in her arm, An bounce um on top her knee.

Jeremiah 33:9

Den plenny peopo goin know wat kine god me cuz a wat goin happen Jerusalem town. Peopo goin stay good inside, talk good bout me, an respeck me plenny. All da diffren peopos on top da earth goin hear bout all da good kine stuff dat I stay do fo da Jerusalem peopo. Dey goin feel real good, cuz a all da good kine stuff I do fo da peopo inside Jerusalem, an cuz I make eryting come good fo dem.”

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Matthew 25:16

“Da guy dat get da five bag money go use um fo make biznis, an get five mo bag money.

Jesus Guys 10:45

Da Jew guys dat trus Jesus, da ones dat come wit Peter, blow dea mind cuz God Good An Spesho Spirit take charge a even da peopos dass not Jew guys.

Jesus Guys 11:17

Az why, if God give dem da same powa he wen give us guys wen we trus Da One In Charge, Jesus, da Spesho Guy God Wen Sen, how I get da right fo tell God no do dat?!

Jesus Guys 24:17

“Long time I stay odda places, an den I come back Jerusalem fo bring money fo my peopo, fo da pooa peopo, an fo make sacrifice inside da Temple.

Rome 11:25

Braddahs, dis someting you guys gotta know dat was secret befo time. If you undastan um, den you no goin get big head cuz you tink you smart. Dis da secret: Da Israel peopo wen come hard head an neva like trus God, but dey no goin be lidat foeva. Bumbye wen all da peopo dass not Jew guys trus God, den da Jew guys goin trus um too.

Rome 15:26

Cuz oua braddahs an sistahs Macedonia side an Akaia side wen give money fo kokua da pooa peopo Jerusalem side dat stay spesho fo God.

2 Corint 10:15

We no talk good bout da stuff odda peopo wen do wen we neva do um. You guys stay trus God mo an mo now, an we stay wait an trus dat us goin help you guys mo an moa, jalike God wen tell us fo do.

Rules Secon Time 33:19

Dey goin call peopo from da odda ohanas Fo come by dea mountain Fo make da good an right kine sacrifices ova dea. Dey goin eat plenny stuff from da ocean, An da rich kine stuff dat stay hide inside da sand.”

Jesus Show 21:24

All da diffren peopos all ova da world goin walk aroun inside da light ova dea. Da kings from all ova da world goin bring all dea awesome stuff inside God big town.

Jesus Show 21:26

All da diffren peopos all ova da world goin bring all dea awesome stuff dat cost plenny inside God big town.

1 Samuel 2:1

Den Hannah pray lidis: “Da One In Charge make me feel real good inside. Cuz a all da stuff he wen do, az why I stay feel lidat now! An now I real strong so I no need worry notting. An I no shame fo face da peopo dat stay agains me an talk big agains dem. Cuz you da One dat get me outa trouble, I stay good inside!