Isaiah 60:4 - Hawaii Pidgin Bible

⁴ “Look up! Look all aroun you guys. See all da peopo come togedda an come by you guys. Yoa boys come from far away. Peopo bring back yoa girls too.

Isaiah 60:4 ပူးပေါင်းရင်းမြစ်များ

Isaiah 11:12

He goin hold up one flag so all da peopos know wea fo come. He goin bring togedda all da peopo Dat da odda kings wen throw outa da Israel land, An da Judah guys from far place all ova da world.

Isaiah 14:2

Da peopos from Babylon goin take da Israel peopo An bring um back inside dea place. Den da Israel ohana goin take ova dose odda peopos, An da odda peopos, guys an wahines, Goin stay work fo da Israel peopo inside Da One In Charge land. Befo time, da Babylon peopo make da Israel peopo come prisonas, But now, da ones wen put presha on da Israel peopo, Dey come dea prisonas.

Isaiah 42:6

“Me, Da One In Charge, I da One Do right wen I call you. I goin hold yoa hand fo make you stay strong. I goin take kea you. I goin make you fo be da one Fo make one deal fo all da peopos, An fo be jalike one light Fo all da nations.

Isaiah 43:6

I goin tell da peopo from da north side, ‘Let my peopo come!’ An I goin tell da peopo from da south side, ‘No hold dem back!’ Bring all my boys from far places, An my girls from da mos far place inside da world.

Isaiah 49:12

Look! Da peopo goin come from far places. Some a dem come from da north, Some from da west, Some from da south side a Egypt.

Isaiah 49:17

Yoa guys goin come back real quick Fo build um one mo time, An da guys dat wen broke down yoa wall An wipe out yoa peopo, Dey goin go way.

Isaiah 49:18

Look aroun you! All yoa guys stay come back togedda Fo come by you. An jalike I shua dat I alive, I shua dose guys goin come back An make Jerusalem town look good, Jalike wen one lady put on her jewels Wen she go get married!” Dass da ting Da One In Charge tell.

Isaiah 66:20

Da peopo I sen, goin bring all yoa braddah guys from all da countries to Jerusalem, da mountain dat stay spesho fo me. Wen all dem come, dat goin be jalike one wheat sacrifice fo tell me, ‘Eh! You Da One In Charge, mahalo plenny!’ Dey goin come on top horses, in war wagons an wagons wit cloth on top, an on top mules an camels.” Az wat Da One In Charge tell. “Dey goin bring dem jalike da Israel peopo bring dea wheat in clean baskets fo make sacrifice inside da Temple Fo Da One In Charge.

Jeremiah 30:10

“So no sked, you peopo dat come from Jacob dat work fo me. No come bum out, you Israel peopo!” Az wat Da One In Charge tell. “Cuz I da One goin get you outa trouble in da far place, I goin take da peopo dat goin come from you Outa da land wea dey stay prisonas. Jalike befo time, no mo notting goin bodda da ones dat come from Jacob. No mo nobody goin make dem come sked no moa.

Amos 9:14

I goin bring my Israel peopo back From da place wea dey stay prisonas. Dey goin build one mo time da towns dat was all bus up. Dey goin make house dea, an plant grape fields An drink da wine dat dey make dea. Dey goin plant gardens An eat da fruits dat grow dea.

Micah 7:12

Dat time da peopo goin come Fo show you respeck From Assyria an da Eufrates Riva east side, An all da way from da Egypt towns south side, From seas all ova, An from mountains all ova.

Haggai 2:7

I goin shake up all da diffren nations. Da rich kine stuffs from all da nations goin come hea. An I goin make dis Temple come real awesome. Az wat me Da One In Charge, Da God Ova All Da Armies, tell.

Matthew 8:11

An I like tell you guys one mo ting: wen God in da sky stay King, goin get plenny guys dat goin come from far away an all aroun, east side an west side, an dey all goin make big party togedda wit Abraham, Isaac, an Jacob.

John 4:35

You guys tell, ‘Get four mo month, den da crop stay ready fo harves.’ Lissen up! I tell you: Look da fields, cuz dey stay ready fo harves awready.

Jesus Guys 13:44

Da nex Res Day almos all da peopo inside da town come fo hear Paul tell wat Da One In Charge tell.