Isaiah 60:3 - Hawaii Pidgin Bible

³ Da peopos from plenny countries Goin come by you guys fo see da light you get. King guys goin come fo see da light too, Cuz stay bright, Jalike da sun come up fo you.

Isaiah 60:3 ပူးပေါင်းရင်းမြစ်များ

Start 49:10

Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.

Songs 102:16

Cuz Da One In Charge goin build Jerusalem town one mo time. Den, peopo goin see how awesome he stay.

Songs 102:22

Dass goin happen, da time Da diffren peopos come togedda ova dea, An king guys come dea fo show Love an respeck fo Da One In Charge!

Songs 138:4

Eh! You Da One In Charge! Da king guys from all ova da world, I like fo dem tell dat you da greates, Wen dey hear da tings you tell.

Songs 2:10

Az why, you odda king guys, wise up! You leada guys hea inside da world, Lissen wat God tell you fo do, An do um!

Songs 22:27

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck.

Songs 68:29

Cuz you wen put yoa Temple Inside Jerusalem town, Plenny kings bring presents dea Fo you.

Songs 72:11

I like fo all da king guys Go down in front him. I like fo all da nations Stay his worka guys.

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Isaiah 42:6

“Me, Da One In Charge, I da One Do right wen I call you. I goin hold yoa hand fo make you stay strong. I goin take kea you. I goin make you fo be da one Fo make one deal fo all da peopos, An fo be jalike one light Fo all da nations.

Isaiah 45:14

Dis, anodda message from Da One In Charge: “Da stuff dey make inside Egypt an Sudan, An da tall Yemen peopo, Dey goin come ova yoa side, An goin come yoa guys. Dey goin walk behind you An come by you wit chains on top dea legs. Dey goin go down in front you. Dey goin beg you an tell, ‘Fo shua God stay wit you. No mo anodda one dass God.’

Isaiah 45:22

“All you peopo from da mos far places all ova da world, Turn aroun an come by me Fo me get you guys outa trouble, Cuz I God. No mo anodda god, ony me.

Isaiah 49:12

Look! Da peopo goin come from far places. Some a dem come from da north, Some from da west, Some from da south side a Egypt.

Isaiah 49:23

You Jerusalem guys, You goin get king guys fo take kea yoa kids An be jalike dea hanai faddahs, An da alii wahines goin be Jalike da muddahs fo breas feed yoa kids. Dey all goin go down Wit dea face on top da groun Fo show respeck fo you Jerusalem guys, Jalike dey stay eating da dirt on top yoa feet. Den, you guys goin know dass me, Da One In Charge. Da peopo dat wait fo me, fo see wat I goin do, No way dey goin come shame!”

Isaiah 56:8

Dass wat Da One In Charge, da Boss, tell! He goin bring togedda Da Israel peopo dat stay scatta all ova da place, Cuz odda peopo wen throw um outa dea land. He tell, “I still yet goin bring mo odda peopo Fo come togedda wit dem.”

Isaiah 60:10

“Peopo from anodda place goin come fix yoa town walls. Dea kings goin help you guys too. Befo time, I wen stay huhu with you guys An wack you guys, But now, I like do good tings fo you guys An show you pity an love.

Isaiah 60:16

Da peopo from odda countries an dea king guys Goin make you guys come strong, Jalike one muddah breas feed her bebe Fo make um come strong. An you guys goin know dat me, Da One In Charge, I da One dat get you guys outa trouble. I da One dat pay da price Fo you guys no come slaves no moa. I da Strong One fo da Jacob peopo.

Isaiah 62:2

Da peopo in all da countries goin see All da right kine tings you guys stay do. All da kings goin see Dat you guys stay awesome. You guys goin get one new name. Da One In Charge goin give um to you guys.

Isaiah 66:12

Dis wat Da One In Charge tell, “You know wat?! I goin make eryting come out good fo da Jerusalem peopo, Jalike one big riva Wit watta all da time! I goin bring plenny rich kine stuff from plenny countries, Jalike wen da watta fill up one stream An den go all ova da place! An da Jerusalem peopo goin be Jalike da muddah fo all you guys, An you guys goin be jalike one bebe dat stay breas feed, An da muddah carry um all ova in her arm, An bounce um on top her knee.

Amos 9:12

Cuz a dat, da Israel peopo goin take ova wat still stay from da Edom land An all da odda countries dat was mines befo time.” Dass wat Da One In Charge tell, da One dat goin do all dat.

Zekariah 2:11

“Dat time, plenny nations goin come tight wit me, Da One In Charge. Dey goin come my peopo. I goin live wit you guys.” An you guys goin know dat Da One In Charge, Da God Ova All Da Armies, he da One wen sen me, Zekariah, by you guys.

Matthew 28:19

So you guys, go all ova da world an teach all da diffren peopos fo dem learn bout me an come my guys. Baptize dem, an dey goin get da right fo come tight wit my Faddah, an wit me his Boy, an wit da Good An Spesho Spirit.

Luke 24:47

Afta dat, his guys goin teach all da diffren peopos inside da whole world bout da Christ Guy, da Spesho Guy God Wen Sen. Dey goin tell da peopos dey gotta come sorry fo all da bad kine stuff dey stay do, an no do um no moa. So den, God goin let go da peopos an hemo dea shame fo all da bad kine stuff dey wen do. His guys goin go teach lidat cuz dey his guys an dey get his powa, an dey goin start Jerusalem side.’

John 12:32

Wen dey lif me up from da groun fo kill me, den I goin bring erybody by me.”

Jesus Guys 13:47

Cuz dis wat Da One In Charge tell us fo do, “ ‘I make you guys jalike one light Fo da diffren peopos dass not Jew guys, Fo you tell all da peopo all ova da world Dat I can get dem outa da bad kine stuff dey stay do.’ ”

Jesus Guys 15:17

Den all da odda peopos, Dey can look fo Da One In Charge, An all da peopo dat stay mines Dass not Jew guys, Dey can look fo me too.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Jesus Show 21:24

All da diffren peopos all ova da world goin walk aroun inside da light ova dea. Da kings from all ova da world goin bring all dea awesome stuff inside God big town.