Isaiah 60:22 - Hawaii Pidgin Bible

²² Da mos litto bit peopo goin come tousan peopo. Da mos small ohana goin come one strong country. Me, Da One In Charge! Wen da right time come, I goin make um happen, right den an dea!”

Isaiah 60:22 ပူးပေါင်းရင်းမြစ်များ

Isaiah 10:22

No matta you Israel peopo Get plenny, jalike da sand by da ocean, Ony some a dem goin come back. God tell all da oddas goin come wipe out, Jalike wen da big watta carry um away, Cuz az da right ting fo him do.

Isaiah 5:19

Dat kine peopo tell, “We like God fo hurry up! We like him make fas fo do his work, Fo us guys see da ting Dat da Good An Spesho God fo da Israel peopo Make plan fo do. We like see dat happen quick, Den us guys goin know bout um.

Isaiah 51:2

Tink bout Abraham, da main ancesta guy All you guys come from, An Sarah, yoa main muddah. Wen I tell Abraham fo come be my guy, Was ony him, one guy. I do plenny good stuff fo him, An give him plenny kids an grankids.

Isaiah 66:8

Nobody hear bout dat kine ting befo time! Nobody see dat kine stuff befo time! No can born one whole country in one day! No can make one peopo in one minute! But da Jerusalem peopo on top Mount Zion, Dey jalike one wahine, wen her bebes ready fo come, An she born um real fas.

Daniel 2:35

Den, da iron, da clay, da bronze, da silva, an da gold wen broke same time, all small pieces, jalike da junk kine stuff dat fall down on top da groun wea dey split da wheat from da junk kine stuff summa time. An da wind blow um all away, so no mo notting dea. But da rock dat wen smash da statue, come one big mountain, an fill up da whole world.”

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Micah 4:7

Me, Da One In Charge, I goin make Da peopo dat no can walk good Come one new nation. Da peopo da odda guys wen push away, I goin make dem come real strong. I goin be dea king dat live Mount Zion From dat time an foeva.”

Habakkuk 2:3

Wat I goin show you, Gotta wait fo da right time. Az da trut bout da end. No matta how slow, wait fo um. Goin happen fo shua, but not late. Goin come wen come.

Luke 18:7

You guys tink God no goin make tings right fo da ones he wen pick, wen dey stay beg him day time an nite time? You tink he goin take long time fo help dem?

Jesus Guys 2:41

Had bout three tousan peopo dat trus wat he tell, an get baptize. Den dey come togedda wit da odda peopo dat trus Jesus.

Jesus Guys 5:14

Den plenny mo guys an wahines trus Da One In Charge, an come togedda wit dem.

Hebrews 10:36

You guys gotta hang in dea. An afta you guys do eryting dat God like you guys fo do, den bumbye you guys goin get da stuff he wen promise.

2 Peter 3:8

Eh, my good frenz! No foget dis one ting, aah? Da One In Charge figga diffren den how us guys figga bout how time work. Fo him, one day, o one tousan year, same same.

Jesus Show 7:9

Afta dat, jalike one dream, I look, an dea in front me had uku plenny peopo! Had so plenny dat no can count um. Dey come from all da countries, all da ohanas, all da diffren peopos, an all da language all ova da world. Dey stay stan in front God throne, an in front da Bebe Sheep Guy. Dey wear white kine clotheses, an dey hold branches from da palm tree.