Isaiah 60:10 - Hawaii Pidgin Bible

¹⁰ “Peopo from anodda place goin come fix yoa town walls. Dea kings goin help you guys too. Befo time, I wen stay huhu with you guys An wack you guys, But now, I like do good tings fo you guys An show you pity an love.

Isaiah 60:10 ပူးပေါင်းရင်းမြစ်များ

Songs 102:13

You goin do someting Fo show you get pity an aloha Fo da Jerusalem peopo— Cuz right now, az da time You goin do good tings fo dem.

Songs 30:5

Ony fo short time, he come huhu But all yoa life, he do good stuff fo you All nite, you feel jalike you goin cry, But den morning time come, An you like yell Cuz you stay feel real good inside.

Isaiah 12:1

Dat time, you goin tell, “I goin sing fo tell Da One In Charge he da greates! I goin tell erybody dat you good, Da One In Charge. No matta you was huhu wit me, Now you no stay huhu wit me no moa, An you take away da sore from inside me.

Isaiah 49:23

You Jerusalem guys, You goin get king guys fo take kea yoa kids An be jalike dea hanai faddahs, An da alii wahines goin be Jalike da muddahs fo breas feed yoa kids. Dey all goin go down Wit dea face on top da groun Fo show respeck fo you Jerusalem guys, Jalike dey stay eating da dirt on top yoa feet. Den, you guys goin know dass me, Da One In Charge. Da peopo dat wait fo me, fo see wat I goin do, No way dey goin come shame!”

Isaiah 56:6

Same ting fo da peopo dass not one Jew, But dey come tight wit me, Da One In Charge, Fo be my helpa guys, An get love an aloha fo me Cuz dey know wat kine god me, An come my worka guys. All da ones dat make da Res Day spesho fo me, An no broke da Rules fo da Res Day, An dat stick wit da same deal Dat I wen make wit my peopo,

Isaiah 60:3

Da peopos from plenny countries Goin come by you guys fo see da light you get. King guys goin come fo see da light too, Cuz stay bright, Jalike da sun come up fo you.

Isaiah 61:2

Fo tell, “Dis, da year Da One In Charge goin make good to his peopo, An dis da time oua God goin pay back da bad guys.” He sen me fo give good kine words To erybody dat stay sad inside.

Isaiah 61:5

Peopo you donno goin come Fo help take kea yoa sheeps, An peopo from anodda place Goin be da farma guys Inside yoa fields an grape farms.

Isaiah 64:9

Eh! Da One In Charge, no stay mo huhu wit us guys, Mo den us can handle! No rememba foeva da bad kine stuff we wen do. Look at us, cuz all us guys, yoa peopo.

Isaiah 66:21

An I goin take some a da ones dat come fo be pries guys an helpa guys jalike da Levi ohana. Az wat me, Da One In Charge, tell.

Joel 2:18

Den Da One In Charge goin go all out fo his land, An show pity fo his peopo.

Zekariah 6:15

Goin get guys from far away dat goin come build da Temple Fo Da One In Charge. An you guys goin know fo shua, dat Da One In Charge, Da God Ova All Da Armies, wen sen me by you guys. Dis goin happen if you guys go all out fo lissen wat yoa God, Da One In Charge, tell.”

Jesus Show 21:24

All da diffren peopos all ova da world goin walk aroun inside da light ova dea. Da kings from all ova da world goin bring all dea awesome stuff inside God big town.

Jesus Show 21:26

All da diffren peopos all ova da world goin bring all dea awesome stuff dat cost plenny inside God big town.