Isaiah 6:8 - Hawaii Pidgin Bible

⁸ Den I hear my Boss tell, “Who I can sen? Who goin go fo us?” An I tell, “Me, I can go, Sen me.”

Isaiah 6:8 ပူးပေါင်းရင်းမြစ်များ

Start 1:26

Den God tell, “Now, I like make peopo. I like dem be jalike me, jalike one copy. Dey goin be in charge a eryting: da fish inside da ocean, da birds inside da sky, da animals, all da land, an all da small kine animals dat go aroun on top da groun.”

Start 11:7

So! I goin go down dea by dem an jam up dea language. Den no goin get nobody dat undastan each odda.”

Start 22:1

Long time afta, God tes Abraham. He tell um, “Eh Abraham!” Abraham tell, “Yeah, I stay hea.”

Start 22:11

Right den an dea one angel messenja guy from Da One In Charge yell to him from da air, “Hui! Abraham!” Abraham tell um, “Yeah! I stay hea.”

Start 3:22

Den God, Da One In Charge, talk lidis: “So, wat you tink? Da peopo wen come jalike us awready. Dey undastan wass good an wass bad. So now, no good we let um take da fruits from Da Tree Dat Make You Live Foeva, an eat um. Cuz if dey do dat, dey goin live foeva, az why!”

2 Samuel 1:7

Saul turn aroun an look behind him. He spock me ova dea. He yell to me come by him. An I tell, ‘Shoots! Kay den!’

1 Kings 22:20

“Da One In Charge aks um, ‘Who goin bulai King Ahab, so he go attack Ramot Gilead town, an mahke dea?’ Some a dem tell one ting, an some tell odda tings.

Isaiah 65:1

Da One In Charge tell: “I wen stay ready fo help da peopo But dey neva aks fo me help um. Da peopo dat neva go look fo me, I wen let dem find me. Dose peopo dat nobody call ‘da peopo a Da One In Charge,’ I tell dem, ‘I stay hea! I stay hea!’

Ezekiel 1:24

Wen da four tings move, I hear da noise from dea wings, soun jalike flash flood, jalike da voice from Da God Dat Get All Da Powa. An jalike da noise from one big army. Wen dey stan still, dey let dea wings res.

Ezekiel 10:5

Can hear da noise from da spesho angel watcha tings wings all da way from da outside open lanai. Soun jalike wen da God Dass Mo Importan Den All Da Odda Gods talk.

Ezekiel 9:1

Den Da One In Charge yell loud fo give dem one orda, an I wen hear, “Tell da security guard guys fo Jerusalem town fo come hea. Wateva dey use fo kill peopo, tell um fo bring um ova hea!”

Jesus Guys 20:24

But den, fo me, fo stay alive, dass notting. I ony like do eryting Da One In Charge, Jesus, tell me fo do to da end. He tell me fo tell erybody da Good Stuff bout how plenny good tings God do fo us.

Jesus Guys 22:21

But Da One In Charge tell me, ‘Go! I goin sen you far away by da diffren peopos dass not Jew guys.’ ”

Jesus Guys 26:19

“So den, King Agrippa, I wen do wat God tell me fo do.

Jesus Guys 9:4

He fall down on top da groun an hear one voice tell him, “Eh Saul! Saul! How come you make me suffa?”

Efesus 3:8

All da odda peopo dat stay spesho fo God stay mo importan den me. Still yet, God wen pick me fo do dis job. Dis da job fo tell all da diffren kine peopos dass not Jew guys all da unreal an awesome kine stuffs bout Christ. Dat awesome kine stuff mo awesome den anybody can figga. Dis job, jalike one spesho gif God give me fo do.

1 Samuel 3:4

Den, Da One In Charge call, “Eh! Samuel!” Samuel tell, “I stay hea! Dis me!”