Isaiah 6:12 - Hawaii Pidgin Bible

¹² No stop talk till me, Da One In Charge, Sen all da peopo one far away place, An get plenny place all ova da land Wea da peopo leave eryting an go way.

Isaiah 6:12 ပူးပေါင်းရင်းမြစ်များ

2 Kings 25:11

Nebuzaradan take away all da peopo dat still stay inside da big town, all da odda peopo, an all da army guys dat wen change fo go ova da Babylon king side. He da leada fo da king bodyguard, an he make all dem prisonas an take um Babylon side.

2 Kings 25:21

Ova dea, Riblah town inside da Hamat land, da king guys kill all dem. Az how plenny Judah peopo go way from dea land an come prisonas Babylon side.

Isaiah 13:12

I goin leave ony litto bit peopo alive, Jalike get ony litto bit bestes kine gold dat come from Ofir.

Isaiah 26:15

Da One In Charge, you wen give oua nation mo plenny peopo, An dat show dat you stay awesome. You even give us mo big land.

Isaiah 5:9

Da One In Charge, Da God Ova All Da Armies, He talk fo me hear um: ‘Fo shua, goin get plenny big house ova dea, But goin be kinda skery, Cuz no mo nobody inside um. Get nice big kine house But no mo peopo live inside dem.

Jeremiah 12:7

Da One In Charge tell: “I goin leave my ohana an let um hang. I goin bag from da peopo dat stay mines. I goin let da peopo I love Suffa from da guys dat stay agains dem.

Jeremiah 15:4

I goin make all da diffren peopos an dea kings come bum out all ova da earth cuz a wat Manasseh, King Hezekiah boy, wen do inside Jerusalem.”

Jeremiah 4:29

All da peopo inside da towns goin run Wen dey hear da army guys stay coming on top da horses, An da guys dat shoot wit bow an arrow. Some guys hide inside da bushes. Some guys climb up fo hide inside da rocks. Da peopo dig out from ery town, No mo nobody live dea no moa.

Jeremiah 52:27

Ova dea, Riblah town Hamat side, da Babylon king tell his guys fo kill all dem. Az how da Judah peopo wen come prisonas an go way from dea land.

Sad Song 5:20

So, how come you erytime foget us guys? How come you bag from us long time?

Zefaniah 1:3

I goin wipe out all da peopo an all da animals. I goin wipe out da birds in da sky. An da fish in da ocean. Da idol kine statues dat look jalike dem Goin come wipe out too. Same time, da bad kine peopo goin come wipe out, Wen I cut off all da peopo from on top da earth.” Az wat Da One In Charge tell.

Rome 11:15

Wen God tell “Laytas” to wat his peopo do befo time, dat mean dat da odda peopos all ova da world get chance fo come pono wit God. Bumbye, God goin take back his peopo. Goin be jalike dey was mahke befo, but now dey come back alive fo real kine!

Rules Secon Time 28:64

“Den Da One In Charge goin make you guys go all ova wea diffren peopos stay, from one side a da world to da odda side. Wen you go dea, you guys goin go down in front odda gods, da kine gods dey make from wood an stone. You guys an yoa ancestas neva know dat kine gods befo time.