Isaiah 6:1 - Hawaii Pidgin Bible

¹ Da same year King Uzziah wen mahke, I wen see Da One In Charge a me stay sitting on top one throne, way up dea inside da sky, an looking real importan. An da bottom a his robe fill up da Temple.

Isaiah 6:1 ပူးပေါင်းရင်းမြစ်များ

1 Kings 22:19

Den Mikaiah tell some moa: “Az why you betta lissen dis ting wat Da One In Charge tell! “I wen see Da One In Charge. He stay sit on top his throne. All da armies inside da sky, Dey stan aroun him, on da right side an on da lef side.

2 Kings 15:7

Uzziah (dass Azariah) mahke, an dey bury him by his ancesta guys, inside King David big town. An Jotam, his boy, come da nex king.

2 Records 18:18

An Mikaiah talk some moa. He tell “Az why you guys gotta lissen wat Da One In Charge tell: I see dis, jalike one dream—Da One In Charge stay sit on top his throne wit all his peopo inside da sky standing by his right side an his lef side.

Job 42:5

I wen hear bout you befo time, But now I see you fo real kine.

Songs 108:5

God, I like erybody tell, Dat you even mo big den da sky! I like erybody on top all da earth know How awesome you stay!

Songs 113:5

No mo nobody jalike Da One In Charge, Da One dass da God fo us guys! He get his throne ova eryting,

Songs 46:10

He tell: “No fight! No foget dis: Me God! All da diffren nations goin know Dat I da main one. All ova da world Dey goin know dis!”

Outa Egypt 24:9

So den Moses go up da mountain. Aaron, Nadab, an Abihu, an da seventy older leadas fo da Israel peopo, dey go too.

Isaiah 1:1

Isaiah, Amoz boy, he wen talk fo God bout Judah an Jerusalem. Dat time, da king fo da Judah peopo was Uzziah, den Jotham, den Ahaz, an den Hezekiah. Dis book tell wat God wen show Isaiah.

Isaiah 12:4

Dat time, you guys goin tell, “Tell Da One In Charge ‘Mahalo!’ Tell him fo help you cuz you know wat kine god him! Go by all da diffren peopos Fo make shua dey know wat kine tings he can do! Help erybody fo no foget Dat wen you know wat kine god him, You know he da greates!

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Isaiah 66:1

Dis wat Da One In Charge tell: “Da sky, jalike one throne wea I sit down. Da earth, jalike one stool wea I put my feets on top. Wea da house you guys goin build fo me? Wea I goin res?

Ezekiel 1:1

July 31, da same year me Ezekiel wen make thirty, I was wit da Israel peopo dat stay by da Kebar Canal, Babylon side. Da Babylon army guys wen make us guys prisona an take us dea. Da sky wen rip open, an I see some awesome kine stuff, jalike da kine dreams da odda guys dat talk fo God see.

Ezekiel 10:1

I look, an ho! ova da spesho angel watcha tings dat stay alive an go ery place God go, get dat big, flat shiny ting, all aroun. An ova dat I can see someting dat look jalike one throne, wit da lapis lazuli kine blue stone all ova.

Ezekiel 10:4

Den da strong light from Da One In Charge go up ova da spesho watcha tings. Da light go from dea, ova da inside part wea da Temple start, by da door fo da Temple. Da Temple all fill up wit cloud inside, an da inside open lanai was shining from da awesome light from wea Da One In Charge stay.

Daniel 10:17

Boss, I yoa worka guy, but I no can even talk to you now! I stay weak, an I almos no can breave.”

Daniel 7:9

“I stay look some moa, an get thrones set up ova dea Fo da judge guys. Da One Dat Stay From Befo Time sit down dea. His clotheses stay all white jalike da snow. Da hair on top his head Stay white jalike da bestes kine wool. His throne, jalike was burning, An da wheels undaneat jalike burning too.

Census 12:8

Wit him, I can talk strait. Wen I talk, I make shua he know wat I mean. I no hide wat I tell, not wit da hard fo undastan kine talk. He know how I look like, me, Da One In Charge. So den! How come you guys no sked Fo grumble bout my worka guy Moses?!’ ”

Matthew 25:31

Jesus tell um, “You know, I da Fo Real Kine Guy. Wen I come back, I goin be awesome. All da angel guys goin come wit me. Den I goin sit down on top my awesome throne.

John 1:18

No mo nobody wen see God fo real kine. But ony dat Guy wen see um. No mo anodda guy jalike him cuz he God too. No mo nobody stay mo tight wit his Faddah den him. He da One dat wen show how God stay.

John 12:41

Isaiah wen tell dat cuz he wen see how awesome Jesus stay, an he wen tell wat goin happen wit Jesus.

1 Timoty 6:16

He da ony One dat no can mahke. He real good, az why no can come nea him, Jalike one real strong light you no can look at. No mo nobody eva see him, An no mo nobody can see him fo real kine. You know, he da God erybody gotta get plenny respeck fo. He get all da powa foeva! Az it!

Jesus Show 15:8

Den da Real Real Spesho Place stay full a smoke fo show God stay real awesome an he get plenny powa. Nobody can go inside dea till da seven angel guys pau do wat dey gotta do fo make da peopo suffa seven ways.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.

Jesus Show 3:21

Whoeva fight an win, I goin give dem da right Fo sit by me wea I stay on top my throne. Jalike me, I win awready, An now I stay sit down by my Faddah Wea he stay on top his throne.

Jesus Show 4:10

Erytime da four tings dat stay alive an go ery place God go do dat, da twenny-four older leadas go down in front God dat sit on top da throne, an show love an respeck fo him. He da One dat stay alive foeva an eva. Dey put dea crowns down in front his throne, an sing lidis:

Jesus Show 4:2

Right den an dea, God Spirit take charge a me. In front me, up dea inside da sky, get one throne, an somebody stay sit on top da throne.

Jesus Show 4:3

Da One dat sit dea get strong light dat come from him, jalike da light dat come from da jasper stone an da red carnelian stone! An aroun him get one rainbow dat look jalike da green emerald.

Jesus Show 4:9

God da One dat sit on top da throne, an stay alive foeva an eva. Da four tings dat stay alive an go ery place God go, dey show respeck fo him, an tell him “Mahalo plenny!” an tell um how awesome he stay.

Jesus Show 5:1

Den, jalike one dream, I see da One dat stay sit on top da throne, dass God. He get jalike one roll up paypa in his right hand dat get writing on top two side, front side an back side. Befo time dey roll um up an close um wit seven wax kine seal on top.

Jesus Show 5:7

Da Bebe Sheep Guy come an take da paypa from da right hand a da One dat stay sit on top da throne.

Jesus Show 6:16

Dey yell to da mountain an da rock, “Fall down on top us an hide us, fo God dat stay sit on top da throne no see us! Hide us from da Bebe Sheep Guy, cuz he had it wit da bad kine stuff we stay do!