Isaiah 59:8 - Hawaii Pidgin Bible

⁸ Dey donno how fo live wit aloha an no fight. Da way dey go, dey no mo judge Fo show um wass right. Dey pick da mos crooked way fo live. Anybody live dea way, Dey no goin find out how fo live wit aloha.

Isaiah 59:8 ပူးပေါင်းရင်းမြစ်များ

Songs 125:5

Da peopo dat go da wrong way An do crooked kine stuff, I like fo Da One In Charge Throw dem out, Same time he kick out da odda peopo Dat do bad kine stuff. But fo da Israel peopo, I like eryting go good fo dem!

Smart Guys 2:13

Cuz dose peopo, dey wen go da right way but dey go back, So den dey go da dark roads wea bad tings happen.

Smart Guys 2:15

Da way dey do tings, dey ony do crooked kine stuff. Dey stay go da wrong way erytime.

Smart Guys 21:8

Da crooks, Da way dey do tings all hamajang. Da peopo dat stay do wass right, Eryting dey do stay good.

Smart Guys 28:18

Whoeva live so nobody can poin finga him, God goin help dat kine guy. But whoeva live crooked kine, Watevas he goin do, he goin fall down hard.

Smart Guys 3:17

Wen you know wat fo do, Eryting goin come all nice fo you, An eryting go good fo you.

Isaiah 48:22

“Da One In Charge tell dis: ‘Da peopo dat do bad kine stuff, Dey no goin res!’ ”

Isaiah 5:7

“So, az da story bout dis peopo! Da One In Charge, Da God Ova All Da Armies, His grape field, dass da Israel peopo! An da plantation dat make Da One In Charge feel good inside Wit plenny love an aloha, Dass da peopo from da Judah districk. Da One In Charge wait fo peopo Fo judge da right way, But dey ony stay kill each odda! He wait fo peopo fo do da right ting erytime, But dey ony make each odda yell fo somebody help dem.”

Isaiah 59:11

All us guys make sad kine noise jalike da bear. We soun sad jalike da dove. We stay wait fo God da Judge tell Dat us guys do da right kine ting, But he no tell notting. We stay wait fo somebody get us outa trouble, But dey too far away from wea us guys stay.

Isaiah 59:9

An dass how come God da Judge no tell Dat us guys stay do da right kine tings, Cuz us no do um. Us guys still stay far From do da right ting erytime. Us like do good tings, But jalike we like find light, but ony stay dark. Jalike we like da bright light come, But still yet, get ony shadow.

Isaiah 65:2

“All day, I put out my hand To da peopo dat stay go agains me. Dey do stuff dass no good. Dey like do ony wat dey like do, An dass wat dey goin do.

Jeremiah 5:1

“Run up an down da streets inside Jerusalem town. Look aroun an tink hard. Look inside all da open places. If you guys can find one guy dea Dat can tell wass right an wass wrong, One guy dat fo real kine like know wass true, Den I goin let go all da peopo inside Jerusalem Fo da bad tings dey wen do, An hemo dea shame.

Matthew 23:23

“Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys give one piece to God from ten piece spice, like da mint, da dill kine spice, an da cummin spice. But you guys no do da main stuff da Rules From God tell you fo do. You guys no make right to da odda guys. You guys no give um chance. Dey no can trus you guys. Dass da main ting. Do dat stuff jalike you guys suppose to, an no foget da odda stuff too.

Luke 1:79

Da peopo dat stay do bad kine stuff, Jalike dey stay live inside da dark an no can see notting, An dey goin mahke inside, God goin help dem fo know da trut. Den us guys goin see da right way, An den notting goin bodda us guys.”

Rome 3:17

Dey donno how fo make good wit odda peopo, Fo make dem come so notting bodda dem.