Isaiah 59:4 - Hawaii Pidgin Bible

⁴ No mo nobody fo tell peopo Dey betta do da right ting. Wen peopo talk in front da judge, Nobody tell um da trut. Dey tink az good, Fo tell stuff dat no mean notting, An talk bout wase time kine stuff, An make trouble, An cuz a dat, bad kine stuff happen. Jalike one wahine come hapai, An cuz a dat, she born one bebe.

Isaiah 59:4 ပူးပေါင်းရင်းမြစ်များ

Job 15:31

No good fo da bad kine guys bulai ony dem Cuz dey trus stuff dat no mean notting! Dey ony goin get back stuff dat no mean notting from all da stuff dey do.

Job 15:35

Da bad guys tink how fo make trouble. Az why dey do bad kine stuff. An dey make ready fo bulai odda peopo.”

Songs 12:3

I like fo Da One In Charge Wipe out all da peopo Dat talk real nice kine Fo bulai peopo. An da peopo dat talk big.

Songs 62:10

No tink you goin come rich Wen you presha out peopo Fo give you money, O wen you bus um up Cuz dey no give you money, O wen you rip off dea stuffs. An if bumbye you get plenny money, No tink dass da mos importan ting.

Songs 62:4

Dem guys ony make plan Fo bring down dis guy Dat get one good rep. Erytime dey bulai somebody Make dem feel good. Wit dea mout, dey tell, “I like God do good tings fo you!” But inside, dey tink, “I like put kahuna on top you!” (Time out fo da music.)

Songs 7:15

Dey dig one big hole fo trap peopo, An make um plenny deep, But dey da one goin fall down Inside da trap dey wen put.

Smart Guys 4:16

Dat kine peopo, Dey no can go sleep, Dey gotta do someting bad firs! Da sleep no come, Till dey make somebody do someting bad!

Isaiah 10:1

Bummahs! fo da guys dat make all kine rules dass not right, An write all kine rules dat make humbug fo da peopo!

Isaiah 26:18

Us guys, same ting. Jalike us stay born one bebe, Us move aroun plenny, but da ting we born, Az notting, jalike we born ony wind. We neva do notting Fo get nobody on top da earth outa trouble, We neva born plenny peopo fo fill up da land.

Isaiah 28:15

You Jerusalem guys talk big! You guys tell, “Us guys wen make one deal fo us no mahke. We get promise fo no go da Mahke Peopo Place! Wen da army guys come hea, No matta dey go all ova jalike da big watta, Dey no goin come wea us guys stay. Cuz us guys know how fo bulai dem So dey no goin hurt us. We no goin tell um da trut, An dass how we goin stay outa trouble.”

Isaiah 29:20

Da mean kine guys goin disappea. Da stupid head kine peopo wit attitude goin go too. Erybody dat make plan Fo do bad kine stuff, God goin wipe dem out.

Isaiah 30:12

Dass why da One dat stay good an spesho fo da Israel peopo tell dis: “You guys, you ack Jalike dis stuff I stay tell, no good! An you guys stay shua Dat you goin come out okay If you make hard fo peopo An bulai dem! Az how you guys tink.

Isaiah 30:9

Go do dat cuz dis peopo Dey hard head. Dey ony like go agains Da One In Charge. Dey jalike kids dat stay bulai erybody. Da One In Charge stay teach dem plenny, But dey no like lissen.

Isaiah 33:11

You Assyria guys, you get big kine plan, But az ony junk kine. You tink fo do plenny, But da wind blow um away. Wen you guys stay breave, Goin come jalike one fire, An da fire goin burn up you guys.

Isaiah 44:20

Jalike he stay eat ashes. His head all jam up An make um tink da wrong way. He no can get outa trouble Az why he no mahke. He no can tell, ‘Dis ting in my hand stay bulai me!’

Isaiah 47:10

You Babylon guys, you stay shua Dat wen you guys do bad kine stuff You stay okay. Cuz you tell, ‘Nobody see me.’ You tink you know plenny stuff An know wat fo do erytime. Inside, you tell, ‘Me, da ony one! No mo nobody jalike me, ony me!’

Isaiah 5:18

“Bummahs! fo da peopo dat drag All da bad kine stuff dey stay do wit dem, Jalike dey stay pulling heavy stuff wit one rope, But da stuff dey stay pulling no worth notting! Dey stay do bad tings, Jalike dey stay drag one wagon wit one rope.”

Isaiah 5:7

“So, az da story bout dis peopo! Da One In Charge, Da God Ova All Da Armies, His grape field, dass da Israel peopo! An da plantation dat make Da One In Charge feel good inside Wit plenny love an aloha, Dass da peopo from da Judah districk. Da One In Charge wait fo peopo Fo judge da right way, But dey ony stay kill each odda! He wait fo peopo fo do da right ting erytime, But dey ony make each odda yell fo somebody help dem.”

Isaiah 59:15

No mo nobody dea tell da trut. Whoeva like no do bad kine stuff no moa, Peopo attack dem. Da One In Charge see all da bad stuff dat stay happen, An he no feel good bout dat, Cuz no mo nobody dea Stay judge da right way.

Isaiah 59:16

Da One In Charge, he see dat no mo nobody Stay go agains da bad kine stuff. He no can believe No mo nobody even pray fo his peopo! Dass why him da one do um An use his own powa Fo get his peopo outa trouble. Cuz he do da right ting erytime, He no need nobody fo help him.

Isaiah 59:3

You guys kill peopo an dey bleed an mahke, Jalike yoa hands stay dirty wit blood. God goin punish you guys fo all da kine stuff you do, An jalike yoa fingas get dirt all ova um From da tings you wen do Dat God goin punish you fo. You guys talk all bulai kine tings. You guys ony talk bout tings dass not right.

Isaiah 64:7

No mo nobody know wat kine god you, So nobody call you fo help um. No mo nobody try fo hang in dea wit you, Cuz you no like even look at us guys. You make us lose fight, So da bad kine stuff we do, take ova us.

Isaiah 9:15

(You know, dea older leadas an da ones dey get respeck fo, Dey jalike da head. Da guys dat tell dey talk fo God, but dey bulai peopo wen dey teach, Dey jalike da tail.)

Jeremiah 48:7

You guys make jalike all da stuff you do An all da rich kine stuff you get Goin get you outa trouble. But da Babylon army guys still yet goin catch you guys An make you prisonas. Dey goin make yoa idol kine god Kemosh dea prisona, Same ting fo all yoa pries guys an leada guys.

Jeremiah 5:1

“Run up an down da streets inside Jerusalem town. Look aroun an tink hard. Look inside all da open places. If you guys can find one guy dea Dat can tell wass right an wass wrong, One guy dat fo real kine like know wass true, Den I goin let go all da peopo inside Jerusalem Fo da bad tings dey wen do, An hemo dea shame.

Jeremiah 7:4

Wen you guys hear ova an ova, “Dis hea, az da Temple Fo Da One In Charge, da Temple Fo Da One In Charge, da Temple Fo Da One In Charge!” Az not true, you know! No trus da tings peopo tell you guys. All dat no goin help you guys!

Jeremiah 7:8

But you know wat?! You guys still stay trus da tings peopo tell you dat no stay true! No goin help you guys notting!

Hosea 4:1

You Israel peopo, lissen wat Da One In Charge tell. Cuz he stay poin finga at da guys dat live inside da land. He tell: “No can trus dem guys! Cuz dey no stay tight wit me! No mo nobody inside da land know me, God!

Micah 2:1

“Bummahs, fo da guys dat make plan fo do bad kine stuff! Dass wat dey tink bout wen dey res on top dea bed. Den wen da sun come up dey go do um, Cuz dey get da powa fo do um.

Jesus Guys 24:9

An da Jew guys poin finga Paul too, an tell dat all da stuff Tertullus tell, stay true.

James 1:15

Cuz firs we tink, “Eh, I like do um,” an den we go do um. Jalike da hapai wahine too, she no can stop da bebe wen ready fo come. Same ting, us still yet do da bad kine stuff. An dass wat goin cut us off from God.