Isaiah 58:9 - Hawaii Pidgin Bible

⁹ Den you guys goin call, An Da One In Charge goin hear dat an do someting. You guys goin yell fo help, An he goin tell, ‘I stay right hea!’ “But firs, you guys betta not give da odda guys hard time, Jalike you stay tie da yoke on top da cows! You guys betta not poin finga da odda guys, an no talk bad no moa!

Isaiah 58:9 ပူးပေါင်းရင်းမြစ်များ

Start 27:18

Jacob go inside da place wea his faddah stay wit da food. He tell, “Eh Daddy!” Isaac tell, “Eh, my boy. Who you? You Esau, o Jacob?”

Job 22:27

You goin pray to him an he goin lissen. An you goin do da tings you wen make one strong promise fo do.

Songs 118:5

Befo time wen I get plenny presha, I yell fo Da One In Charge help me. He wen lissen, An he put me wea no mo presha.

Songs 12:2

Da peopo talk real nice kine Fo bulai peopo, Dey tell one ting, But dey no mean dat.

Songs 145:18

Da One In Charge, he stay ready fo help All da peopo dat yell fo him help um. He stay nea erybody Dat tell him fo help um An him no bulai dem.

Songs 20:6

Dis wat I know now: Da king dat Da One In Charge wen pick, Da One In Charge erytime help him. Da One In Charge, he stay inside da sky, Da place dat stay spesho fo him, An from dea, he lissen da king An use his awesome powa fo get da king outa trouble.

Songs 37:4

Stay good inside Bout wat Da One In Charge stay do, Den he goin give you Eryting you like.

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 91:15

Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.

Smart Guys 6:13

Dey make sign wit dea eyes, An dea feets an dea fingas, So dea guys know dey stay bulai somebody.

Isaiah 1:15

Wen you guys put up yoa hands fo pray to me I goin look da odda way. No matta you pray long time, I no goin lissen. Yoa hands stay dirty all ova From da blood a da peopo you wen kill.

Isaiah 30:19

Cuz you peopo dat live inside Jerusalem town, You no goin cry no moa. Wen you guys yell to Da One In Charge fo help you, He goin do um. Fo shua he goin do good tings fo you. He goin hear you guys, An right den an dea he goin help you.

Isaiah 55:6

Go all out fo know Da One In Charge Right now, wen he let you guys meet him. Call him fo help you Now, wen he stay nea.

Isaiah 57:4

Who you talk about wen you make fun a dem? Who you make ugly face at An stick out yoa tongue? Yoa faddah-muddah guys stay go agains erybody! Dey ony bulai peopo.

Isaiah 58:6

“But dis da way I tell gotta be Wen you guys skip food fo pray: Anybody dat stay in jail Cuz da judge wen judge um da wrong way, Get um outa jail! Anybody gotta carry one heavy load Jalike one yoke fo cows fo pull one wagon, Hemo da yoke! Anybody stay suffa cuz dey get plenny presha, Let um go an no make dem come slaves one mo time! Broke up all da yokes!

Isaiah 59:1

Fo shua, Da One In Charge get plenny powa Fo get us guys outa trouble. Fo shua, he can hear good.

Isaiah 59:13

Us go agains Da One In Charge, An show he no can trus us guys. Us no follow oua God. Us tell “Laytas” to him. Us tell peopo az okay Fo make any kine to odda peopo An go agains odda peopo. Us tink how fo bulai peopo, An teach odda peopo how fo do da same ting.

Isaiah 65:24

Befo dey yell fo help, I help um. Wen dey still stay talking, I hear dem awready.

Sad Song 3:57

You come nea weneva I call out to you, An you tell, “No sked!”

Ezekiel 13:8

“Az why dis wat me, da Boss, Da One In Charge, tell: Cuz you guys tell fake kine stuff an bulai bout da dreams, I stay agains you guys.

Daniel 9:20

I stay pray an tell God all da bad kine stuff I wen do, an all da bad kine stuff my Israel peopo wen do. I tell my God, Da One In Charge, fo make da hill dat stay spesho fo him come good one mo time.

Prieses 6:5

O maybe he gotta do wateva he make one promise fo do, but he bulai. He gotta give um all back, an twenny percent moa. An da same day he gotta make one sacrifice cuz a da blame.

Zekariah 10:2

Da small house kine idol gods Ony tell you tings dat no mean notting Wen you sad. Da kahuna guys dat like find out wass goin happen, See tings dat not true. Dey talk bout dreams dat bulai peopo. Dey try make da peopo feel good inside, but no can. Az why my peopo go all ova da place jalike da sheeps. Dey get hard time cuz dey no mo sheep guy fo take kea dem.

Zekariah 13:9

I goin put da one third a dem inside da fire. I goin burn all da junks outa dem Inside da real hot fire, Jalike peopo do fo silva. I goin tes um out jalike dey do fo gold. Dey goin call me by my name. An I goin talk to dem. I goin tell, ‘Dey my peopo!’ An dey goin tell, ‘Da One In Charge, he oua God!’ ”