Isaiah 57:19 - Hawaii Pidgin Bible

¹⁹ I goin make da peopo talk diffren den befo time. Dey goin tell, ‘Da peopo far an nea, Dey goin come so notting bodda dem!’ ” An Da One In Charge tell, “Jalike my peopo stay sick, An I goin make dem come good.”

Isaiah 57:19 ပူးပေါင်းရင်းမြစ်များ

Isaiah 26:12

Da One In Charge, you da One Make eryting come out good fo us guys, Cuz eryting dat us guys stay do, You da one do um fo us guys.

Isaiah 26:3

Da One In Charge, you take kea Whoevas stay shua bout wat dey tink. Az why dey no mo worries Cuz dey trus you.

Isaiah 32:17

An cuz peopo stay do wass right, Dat goin make tings come good fo erybody. An wen dey stay do wass right Dey goin stay quiet an trus God all da time.

Isaiah 50:4

Da One In Charge a me, He make me know how fo talk fo him. He make me know wat fo tell da tired guys Fo dem come strong. He wake me up ery day morning time An make me lissen him real good, Jalike da peopo dat study plenny.

Isaiah 51:16

I wen tell you wat fo tell. I cova you wit da shadow from my hand. I put da sky up dea wea stay. I put down da foundation fo da earth. I tell da Mount Zion peopo, ‘You guys, my peopo.’ ”

Isaiah 59:21

Da One In Charge tell: “Dis, da deal I make Fo da peopo dat stay my side. My Spirit stay in charge a you guys, An da tings I give you guys fo tell— All dat no goin go way from you guys. You goin tell um erytime. An yoa kids goin tell um erytime. An dea kids goin tell um erytime From now an foeva.” Dass wat Da One In Charge tell.

Isaiah 6:7

He touch da hot charcoal on top my mout an tell, “Now dis charcoal touch yoa mout, All da bad tings you wen do stay gone awready. God wen pay da price Fo hemo from you all dat bad kine stuff.”

Jeremiah 30:17

But I goin make you guys come good. An make da places you bleed come good. Peopo call you guys, ‘Da guys dat no mo place fo go, Da ones dat go Mount Zion fo pray, But no mo nobody like take kea dem.’ ” Az wat Da One In Charge tell.

Jeremiah 33:6

“But den, I goin make da peopo inside dis town come good an strong one mo time. I goin make shua dey see how eryting stay good fo dem, an no mo notting bodda dem.

Hosea 14:2

Come back by Da One In Charge, An tell him you sorry. Tell um: ‘Try hemo da shame fo all da bad tings us guys wen do, An let us guys go! Lissen wen we pray Fo tell you we sorry. Den we goin talk good bout you, Jalike wat we tell now, az one sacrifice Dass mo betta den da bulls we kill.

Hosea 14:5

Jalike da dew give watta from da sky fo make da lily flowa come out, I goin make da Israel peopo come strong lidat. Dey goin be jalike da cedar trees Lebanon side Dat sen down deep roots.

Zefaniah 3:9

“Dat time, I goin clean up da way all da peopos talk, So dey talk good kine bout me! Den all a dem goin call out to me, Da One In Charge, fo help um, Cuz dey know wat kine god me. Dey all goin work togedda fo me.

Zekariah 9:10

He goin take away da war wagons from da Efraim peopo, An da war horses from Jerusalem. He goin broke da bow dey use fo fight. He goin tell da peopos dey gotta come good wit each odda. He goin be da leada from one sea to da odda sea, An from da Eufrates riva to da end a da world.

Matthew 10:13

An if dat ohana show you guys respeck, den tell dem you like fo God make dem come so notting bodda dem. But if dey no show respeck, take back wat you tell God fo do fo dem.

Mark 16:15

Den he tell um, “Go all ova da world, an teach da Good Stuff Bout Me to erybody in da world.

Luke 2:14

“Up inside da sky wea God stay, He stay awesome! An ova hea on top da earth, If God like wat peopo stay do, He goin make dem So notting bodda dem.”

Luke 21:15

Cuz I goin give you guys wat fo tell, an I goin make you guys know wat fo do erytime, so da guys dat stan up agains you no goin know wat fo tell, an dey no goin show proof dat you guys wen do wrong.

Jesus Guys 10:36

Dis da Good Stuff dat God send peopo fo tell da Israel peopo: ‘Eh! Us guys can come frenz wit God an feel good inside cuz a wat Jesus Christ wen do. He Da One In Charge a eryting an erybody.’

Jesus Guys 2:39

He wen promise all dat fo you guys an yoa kids, an fo all da peopo dat no stay tight wit God—all da ones Da One In Charge goin tell fo come to him, dass oua God.”

Efesus 2:13

Dat time you guys no stay tight wit God. But now, you guys stay tight wit Jesus Christ. Jesus wen go bleed an mahke fo you guys fo make you guys come tight wit him. Az why now you guys stay tight wit God.

Efesus 6:19

Pray fo me too, fo wen I tell da Good Kine Stuff From God, I tell um da right way an I no come sked. You know, nobody undastan dat stuff befo time cuz was one secret.

Hebrews 13:15

Us guys, oua ancesta guys wen make sacrifice fo show dey like tell plenny good tings bout God. Az why same ting, us guys goin tell erybody dat us God guys cuz we know who him! Dass why us guys can tell plenny good tings all da time bout how God stay. An we can do all dat cuz a Jesus.