Isaiah 56:1 - Hawaii Pidgin Bible

¹ Dis wat Da One In Charge tell: “Make shua da judges fo you guys Stay judge da peopo da right way. All you guys, do da right ting erytime. Cuz litto bit mo time now, I goin get you guys outa trouble, Fo show erybody dat I do da right ting erytime.

Isaiah 56:1 ပူးပေါင်းရင်းမြစ်များ

Songs 106:3

Da peopo dat make fair fair to erybody An do da right ting erytime, Dey can stay good inside!

Songs 50:23

Da peopo dat stay tell me ‘Mahalo!’ Fo wat I do, Dey da ones make Da real kine sacrifice Fo show how awesome I stay. An da peopo dat stay do eryting my way, Me God goin make shua dey see How I get um outa trouble.” Dass wat God tell.

Songs 85:9

Fo shua, da peopo Dat show God plenny respeck, He goin get dem outa trouble real quick kine. Den, all ova oua land, Goin come awesome.

Isaiah 33:5

Da One In Charge, he da greates! He live high on top da mos importan place! All ova Jerusalem town He goin make shua da judge guys judge da right way An da peopo do right kine tings.

Isaiah 46:13

I stay do wass right erytime, An I goin come nea you! I no stay far. I no goin wait long time Fo get my peopo outa trouble. On top Mount Zion I goin get da Israel peopo outa trouble, An dey goin tell peopo how awesome I stay.

Isaiah 51:5

I stay ready awready fo do wass right. I start fo get my peopo outa trouble. I get powa fo be da judge Fo all da diffren peopos. I da One dat da peopo Dat live on top da islans stay wait fo, Cuz dey stay shua I get powa fo help dem.

Isaiah 55:7

Fo da bad kine peopo, Da ones dat stay make trouble, Az good dey bag from da stuff Dey do befo time, An no tink bad kine stuff no moa. Mo betta dey turn back to Da One In Charge, Cuz he goin show pity fo dem. Wen dey turn back to oua God, He goin do plenny fo let dem go Fo wat dey wen do befo time, An hemo dea shame.

Isaiah 61:8

Cuz me, Da One In Charge, Wen peopo judge da right way Dat make me feel good inside! Wen peopo steal stuff cuz dey bad, I no like dat. Dey can trus me fo do wat I tell I goin do. I goin give dem wat dey wen work fo, An make one deal wit dem dat stay foeva.

Isaiah 64:5

You come fo help da peopo dat do da right ting An stay good inside cuz a dat, An no foget how you make. But fo shua, wen us still do bad kine stuff, You wen stay huhu! Az why us gotta live how you like us live An live lidat foeva! Dass da ony way us goin get outa trouble!

Daniel 9:24

“Seventy times seven year, az da time God wen make fo yoa peopo an fo yoa town dat stay spesho fo God: fo make da peopo dat go agains God stop, fo make da ones stay do bad kine stuff stop, fo make sacrifice, fo make da peopo dat do wass wrong come pono wit God, fo make dem do da right kine stuff all da time, fo put seal fo show dat wat da guy dat talk fo God dream stay fo real, an fo make da Real Real Spesho Place inside da Temple come spesho fo God one mo time.

Hosea 12:7

Da biznis guys use scales dat bulai. Dey like scam peopo real bad an hurt um.

Micah 6:8

Den Micah tell: “No need! Da One In Charge tell you awready Wass good fo you do, An how he like you fo ack. You gotta do wass right, An stay tight wit God ery day, An come las, not firs, wit God.”

Micah 7:9

I gotta hang in dea now, Cuz Da One In Charge stay huhu an goin punish me, Cuz I wen do bad kine stuff agains him. But afta dat, he goin talk fo me in front da judge, An make right all da bad kine stuff Dat da guys dat stay agains me wen do. Jalike he goin bring me out wea get light, An I goin see dat he stay do wass right.

Malakai 4:4

“No foget da Rules from my worka guy Moses. I wen teach him wat he gotta do, Mount Sinai side, Fo him teach all da Israel peopo da Rules Fo know wass right an wass wrong.

Matthew 3:2

He tell, “You guys gotta come sorry fo all da kine bad stuff you stay do now, an no do um no moa. Cuz God in da sky stay King hea now.”

Matthew 4:17

Dass wen Jesus start fo teach da peopo. He tell, “You guys gotta come sorry fo all da kine bad stuff you stay do, an no do um no moa, cuz God in da sky stay King hea now.”

Mark 1:15

He tell, “Time awready! God stay king hea now. You guys gotta come sorry fo all da bad kine stuff you guys stay do, an no do um no moa. An da Good Stuff From God I stay tell you guys about, you guys gotta stay shua dat stay fo real kine!”

John 7:17

If anybody like do wat God like um fo do, dey goin know if da stuff I stay teach come from God, o if ony come from my head.

Rome 1:17

Wen you tink bout all dis Good Kine Stuff From God, you goin undastan wat God wen do fo make peopo come pono wit him. But gotta trus him from da start to da end. Da Bible tell dis befo time: “Da guy dat erytime do wass right, He goin live fo real kine cuz he trus me.”