Isaiah 55:9 - Hawaii Pidgin Bible

⁹ Jalike da sky stay mo high den da earth, Same ting, da way I do stuff, stay mo high Den da way you guys do stuff. An da way I tink, I tink mo betta Den da way you guys tink.

Isaiah 55:9 ပူးပေါင်းရင်းမြစ်များ

2 Samuel 7:19

You da One In Charge a me! All dis, fo shua not one big deal da way you see um! Cuz you even stay talk bout wat goin happen to my ohana long time afta now. I yoa worka guy, an you da One In Charge a me! Dis how you make to odda peopo erytime, o wat?!

Songs 103:11

You know how far da earth to da sky? Dass how plenny love an aloha God get fo us guys, Fo stay tight wit da peopo Dat get choke respeck fo him!

Songs 36:5

Eh! You Da One In Charge! You get one good heart Fo help yoa peopo, You get one big heart, Big jalike da sky! You da kine God us guys can trus plenny, Jalike get plenny clouds inside da sky!

Songs 77:19

Da way you wen go was right thru da ocean. Yoa road, wea get da big watta, Nobody know az was yoa footprints.

Songs 89:2

Dis wat I tell: “Get one ting stay shua: You stay tight wit yoa peopo foeva. An get anodda ting Dat stay solid inside da sky: You erytime do Wat you tell you goin do.”

Songs 92:6

But fo da kine peopo Dat donno how fo tink good, Get stuff dey no goin know. Da dumb buggahs dat tink Dey no need learn notting, Dey no can undastan Wat I goin tell now.

Isaiah 14:24

Da One In Charge, Da God Ova All Da Armies, Awready make dis promise: “I wen plan um lidis, dass how goin be. I wen tell dat wat gotta happen, dass how goin happen.

Matthew 11:25

Dat time Jesus tell, “God, you my Faddah. You Da One In Charge all ova da sky an da world. Mahalo plenny, eh, cuz you show dis kine stuff to da kids, but hide um from da smart guys dat know plenny.