Isaiah 55:8 - Hawaii Pidgin Bible

⁸ Da One In Charge tell dis: “Da way I tink, az not da way you guys tink. Da way I do stuff, az not da way you guys do stuff.

Isaiah 55:8 ပူးပေါင်းရင်းမြစ်များ

2 Samuel 7:19

You da One In Charge a me! All dis, fo shua not one big deal da way you see um! Cuz you even stay talk bout wat goin happen to my ohana long time afta now. I yoa worka guy, an you da One In Charge a me! Dis how you make to odda peopo erytime, o wat?!

2 Kings 5:11

But Naaman come all huhu, an go way from dea. He tink, “Garans he come out hea by me, an stan dea, an use da name fo his god, Da One In Charge, fo call out to him fo help cuz he know wat kine god him! I tink garans he wave his hand ova da place wea I get da kine sick, an make um come good!

Job 35:5

Look at da sky! Look good at da clouds high ova you.

Songs 25:10

Da way Da One In Charge stay ack all da time, He stay tight wit his peopo, An he da kine god good fo trus. His peopo, dey da ones dat keep da deal He wen make wit dem, An dey stay do Wat he wen tell um fo do.

Songs 33:11

Eryting Da One In Charge make one plan fo do, Dass how goin stay foeva. Wen he tink wat fo do, Dass how goin be foeva.

Songs 40:5

Eh! You Da One In Charge! You my God, An you do plenny awesome kine stuff! You do awesome kine tings fo us guys! Da tings you plan fo do, Az good fo us guys! No mo nobody jalike you! I like tell peopo wat you do, But get uku plenny stuff fo tell, No can tell eryting!

Songs 92:5

Eh! Da One In Charge, All da kine tings you do Stay awesome to da max! An gotta tink plenny fo undastan All da tings you make plan fo do!

Smart Guys 21:8

Da crooks, Da way dey do tings all hamajang. Da peopo dat stay do wass right, Eryting dey do stay good.

Smart Guys 25:3

An gotta work hard fo undastan how da king guys tink, Jalike az hard fo undastan how high da sky, O how deep da earth stay.

Isaiah 14:24

Da One In Charge, Da God Ova All Da Armies, Awready make dis promise: “I wen plan um lidis, dass how goin be. I wen tell dat wat gotta happen, dass how goin happen.

Isaiah 53:6

We all go all ova da place jalike da sheeps. All us guys, we go wea we like go. But Da One In Charge, he let da guy dat work fo him Take da blame fo da bad stuff all us guys do.

Isaiah 58:13

“You guys gotta make da Res Day spesho fo me. An no go any place mo far den you suppose to go, An no jus do wateva you like do dat day, Cuz da whole day stay spesho fo me. You guys gotta tell peopo Dat da Res Day make you feel good inside, An dat stay spesho ony fo me, Da One In Charge, Fo show respeck fo me lidat. Dis, how you goin show respeck fo da Res Day: You no goin do stuff yoa way dat day. You no goin look fo ony da kine stuff you like do. You no goin talk any kine wase time stuff,

Isaiah 65:2

“All day, I put out my hand To da peopo dat stay go agains me. Dey do stuff dass no good. Dey like do ony wat dey like do, An dass wat dey goin do.

Isaiah 66:18

“But me, I know Eryting dey do, an eryting dey tink. I ready fo come Fo bring togedda all da diffren peopos An all da diffren languages. Wen dey come, dey goin see How awesome I stay.

Jeremiah 3:1

Da One In Charge tell dis: “If one guy dump his wife, An she go way from him an go marry anodda guy, Den no way he can go back an marry her one mo time. Cuz if he do dat, den da land wea he do um goin come all pilau. But you guys stay live Jalike one hoa dat fool aroun wit plenny guys. So how come you guys tink now you can come back by me?! No ways!” Dass da message from Da One In Charge.

Ezekiel 18:29

But da Israel ohana peopo tell, ‘Dass not pono, da way da Boss do stuff!’ You Israel ohana guys tink wat I do not pono, o wat?! Eh! Da way you guys stay do stuff, az not pono!

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Hosea 14:9

Erybody dat know wat fo do erytime, An know wass good an wass bad, Dey goin know an undastan All dis stuff I wen write. Cuz Da One In Charge erytime go da right way, An da peopo dat do wass right, Dey go da same way. But da peopo dat go agains Da One In Charge, Dey trip an fall down wen dey try fo go Da way God like um fo go.

1 Samuel 16:7

But Da One In Charge tell Samuel, “No ways! No look da outside, how he look o how tall he stay. Cuz I no goin pick him. I no look fo da tings dat peopo like see. Peopo ony look wat stay da outside a peopo. But me, Da One In Charge, I look wat stay inside da peopo.”