Isaiah 55:6 - Hawaii Pidgin Bible

⁶ Go all out fo know Da One In Charge Right now, wen he let you guys meet him. Call him fo help you Now, wen he stay nea.

Isaiah 55:6 ပူးပေါင်းရင်းမြစ်များ

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

2 Records 19:3

Still yet, get some good kine stuff inside you. Cuz you wen take out all da tiki poses fo da wahine god Asherah inside da land, an you wen make up yoa mind fo come fo know Da One In Charge.”

Ezra 10:2

Den Shekanaiah Jehiel boy, dat come from da Elam ohana, tell Ezra: “Us guys like tell erybody, ‘Cuz a wat we wen do, oua God no can trus us.’ We wen marry wahines from da peopos dat donno God dat live inside dis land! But now, no matta us do dis, us Israel peopo can stay shua dat God goin make eryting come okay fo us.

Job 8:5

But maybe you go all out fo know God, An beg da One Dat Get All Da Powa fo help you!

Songs 14:2

Da One In Charge, he look down from da sky An see all da peopo. Da One In Charge look aroun fo see if get even one guy Dat undastan stuff fo real kine An like know God fo real kine.

Songs 145:18

Da One In Charge, he stay ready fo help All da peopo dat yell fo him help um. He stay nea erybody Dat tell him fo help um An him no bulai dem.

Songs 148:14

Da One In Charge Stay make his peopo come strong. Dass how come Peopo tell good tings— All da ones dat stay tight Wit Da One In Charge, Da Israel ohana peopo, Da peopo dat stay tight wit him. Eh you guys! Tell good tings Bout Da One In Charge!

Songs 27:8

Fo real kine, I like come close to you. Eh! You Da One In Charge! Dass wat I like fo do, Go in front you.

Songs 32:6

Cuz a dat, I like tell dis: All da peopo dat stay tight wit you, Good dey pray to you Erytime dey get trouble. Jalike wen da big flood come down, An no hit dem.

Songs 34:19

Get plenny bad tings happen To da peopo dat stay do da right ting. But Da One In Charge Goin get um outa all dat.

Songs 75:1

Eh God, us guys tell erybody Dat you da greates! You da greates, cuz we know You da kine God Dat stay hea fo help us! Erybody tell bout Da awesome tings you wen do!

Songs 95:7

Cuz him, he oua God. Us guys, us da peopo he take kea of, Jalike us guys da sheeps, An him da sheep guy. Dis wat I like fo you guys do today, Lissen wat God tell you guys!

Smart Guys 8:17

“I get love an aloha fo erybody dat get love an aloha fo me. Erybody dat go look fo me, dey goin find me.

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Isaiah 26:9

All nite, I fo real kine tink bout you. An morning time, I go all out Fo know you fo real kine. Cuz wen you judge peopo an punish dem, Den peopo all ova da world Goin learn fo do wass right.

Isaiah 45:19

I no make secret kine wen I talk, Jalike I stay some place Inside one land wea no mo light. I neva tell da peopo dat come from Jacob ohana, ‘No matta you guys try fo find me, Dat no goin mean notting fo you guys.’ Me, Da One In Charge! Wat I tell, I tell um fo real kine.

Isaiah 45:22

“All you peopo from da mos far places all ova da world, Turn aroun an come by me Fo me get you guys outa trouble, Cuz I God. No mo anodda god, ony me.

Isaiah 46:13

I stay do wass right erytime, An I goin come nea you! I no stay far. I no goin wait long time Fo get my peopo outa trouble. On top Mount Zion I goin get da Israel peopo outa trouble, An dey goin tell peopo how awesome I stay.

Isaiah 49:8

Dis anodda message from Da One In Charge fo his worka guy: “Wen da right time come, I goin tell you wat you like know. Wen da time come Fo me get da peopo outa trouble, I goin help you an take kea you. I goin make you da one Fo show da deal I get wit my peopo, Az fo real. I goin make da land fo dem use um one mo time, Da fields wea nobody work um long time, I goin give um back to da ohanas dat own um.

Isaiah 58:9

Den you guys goin call, An Da One In Charge goin hear dat an do someting. You guys goin yell fo help, An he goin tell, ‘I stay right hea!’ “But firs, you guys betta not give da odda guys hard time, Jalike you stay tie da yoke on top da cows! You guys betta not poin finga da odda guys, an no talk bad no moa!

Isaiah 65:10

Fo my peopo dat come fo aks me someting, Da Sharon plain goin come one place Wea da sheeps an goats goin get plenny grass. Da Akor Valley, wea get big trouble befo time, Goin come one place wea plenny cows goin res.

Isaiah 65:24

Befo dey yell fo help, I help um. Wen dey still stay talking, I hear dem awready.

Jeremiah 25:5

Da guys dat talk fo God wen tell dem dis: ‘All you guys gotta change da way you tink! You gotta change an no do bad kine tings no moa! Den you can come back fo live inside da land Da One In Charge wen give you guys an yoa ancesta guys fo real long time.

Jeremiah 33:3

He tell: ‘Call out to me fo help you. I goin ansa an tell you importan tings you gotta know— Secret kine tings Dat you neva know befo time An you no can figga um out.’ ”

Ezekiel 14:6

“Az why you gotta tell da Israel ohana peopo wat me, Da One In Charge, da Boss, tell: Change yoa mind! Bag from yoa idol kine gods an no stay tight wit dem no moa! An tell dat you goin bag from all dat kine pilau stuff an no do um no moa!

Ezekiel 33:11

“Tell um, ‘Fo shua az me Da One In Charge, da Boss, tell dis. I stay alive! An fo shua, no ways I stay good inside wen one bad kine guy mahke. Mo betta dey no do no moa da bad kine stuff dey wen do. Den dey goin stay alive fo real kine! No do da bad kine stuff no moa! Run away from all dat! How come you ack jalike you like mahke, you Israel peopo?!’

Ezekiel 8:6

An God tell me, “Eh, Fo Real Kine Guy! You see wat dey do? Da Israel ohana peopo stay do supa pilau kine stuff. Dass why I like stay far from dis place dat suppose to be spesho fo me. But you goin see some tings dat even mo pilau!”

Daniel 4:27

“Eh King Nebukadnezzar, az why I like you lissen an do wat I tell you now: Throw out all da bad kine stuff you wen do awready! Do wat stay right! Throw out all da tings you wen do fo go agains God! Make good to da peopo dat suffa plenny! Den maybe you can stay king long time.”

Hosea 10:12

Do da right tings! Dass da kine seed you guys gotta plant fo ony you! An you stay tight wit me! Dass jalike da kine fruit you guys gotta pick! Broke up da hard dirt inside you dat you neva plow yet! Cuz stay time now fo come tight wit me, Da One In Charge, Till I come teach you guys how fo do wass right, Jalike da rain make da groun come sof fo good stuff grow.

Amos 5:6

Amos tell: “Eh you guys! Go by Da One In Charge fo get help Fo you guys stay alive an no mahke. But if you no like, God goin wipe out da Joseph ohana real fas, jalike wit fire, An burn up Bethel town real fas, An nobody goin pio da fire.”

Jonah 3:8

Erybody gotta put on burmbag kine clotheses, all da peopo an da animals, fo show dey stay sorry inside. Erybody gotta go all out fo yell to God fo help! Erybody gotta no do bad kine tings! Erybody gotta no hurt odda peopo no moa!

Matthew 5:25

“If somebody like bring you in front da judge, quick, try make eryting pono wit dem wen you still get chance. If you no do dat, dey goin take you to da judge, an he goin take you to da police, an dey goin put you inside da prison.

Luke 13:25

God jalike one house owna dat eat, den go lock da door fo go sleep. Den you guys goin stan outside an start fo knock da door an tell, ‘Eh Boss, try open da door fo us!’ But he goin tell you guys, ‘I donno who you guys o wea you guys come from!’

John 8:21

Jesus tell da Pharisee guys one mo time, “I goin go away, an you guys goin look fo me. Da place I goin go, you guys no can go dea. But you guys goin get cut off from God foeva cuz a all da bad kine stuff you guys stay do.”

Efesus 3:13

Az why I stay tell you guys, no come bum out jus cuz I stay suffa plenny fo you guys. I do all dis fo peopo know how awesome you guys stay.

Rules Secon Time 4:29

But wen you guys stay ova dea, if you fo real kine like go all out fo know yoa God, Da One In Charge, you goin find him.

Rules Secon Time 4:7

Den Moses tell: “Az right! Cuz no mo anodda peopo dat stay mo importan dat get dea gods nea dem, jalike oua God, Da One In Charge, stay nea us guys weneva we pray to him.

Hebrews 2:3

Was lidat befo time. But den, Da One In Charge, Jesus, tell peopo dis awesome ting da firs time—how dey no need get punish fo da bad kine stuff dey do! Had peopo dat wen hear Jesus, an dey wen show us guys proof dat da tings he tell was fo real. But if us guys no like lissen him, no way we no goin get punish fo da bad kine stuff we do.

Hebrews 3:13

Mo betta do dis: all you guys give each odda good kine words an do dat ery day. Cuz now, da “Today” God stay talk bout befo time inside da Bible, dass fo us guys today too. An cuz a dat, no mo nobody from you guys goin get hard head cuz now you no do bad kine stuff. Cuz da bad kine stuff jam up how you tink.