Isaiah 54:7 - Hawaii Pidgin Bible

⁷ Da One In Charge tell: “Eh my peopo, Ony short time I wen leave you guys. But I get plenny love an pity fo you guys, An I goin bring you guys back togedda wit me.

Isaiah 54:7 ပူးပေါင်းရင်းမြစ်များ

Songs 106:47

Eh! You Da One In Charge! You da God fo us guys! So get us guys outa trouble! Bring us back togedda From wea all da odda peopos live, Fo us guys tell erybody us yoa guys. An we know wat kine god you, Cuz you stay good an spesho. Den we can talk real big Bout how awesome you stay!

Songs 107:3

God wen bring his peopo back togedda From all da diffren countries Wea dey stay, From wea da sun come up To wea da sun go down, From da north side An from da south side.

Songs 30:5

Ony fo short time, he come huhu But all yoa life, he do good stuff fo you All nite, you feel jalike you goin cry, But den morning time come, An you like yell Cuz you stay feel real good inside.

Songs 30:6

Me, had one time I neva worry bout notting. Dat time, I wen tink, “No mo notting goin throw me off, eva!”

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 11:12

He goin hold up one flag so all da peopos know wea fo come. He goin bring togedda all da peopo Dat da odda kings wen throw outa da Israel land, An da Judah guys from far place all ova da world.

Isaiah 12:1

Dat time, you goin tell, “I goin sing fo tell Da One In Charge he da greates! I goin tell erybody dat you good, Da One In Charge. No matta you was huhu wit me, Now you no stay huhu wit me no moa, An you take away da sore from inside me.

Isaiah 14:1

Da One In Charge goin show pity fo da Jacob ohana, An he goin pick da Israel peopo one mo time Fo be his peopo. He goin let dem res on top dea land. Even peopo from anodda place goin come by da Jacob ohana peopo, An goin stay tight wit dem.

Isaiah 26:20

My peopo, go inside yoa room An shut da door. Hide inside dea fo litto bit Till Da One In Charge pau come huhu.

Isaiah 27:12

Dat time, Da One In Charge goin pick his peopo Jalike wen peopo wack da wheat o barley dey wen harves Fo get da good wheat one side an da junks da odda side. He goin take you Israel peopo, one by one, An bring you togedda, Jerusalem side, Even from da big Eufrates Riva An from da stream dass da borda fo da Egypt land.

Isaiah 27:8

God, presha da Israel peopo, But ony litto bit, wen you make dem go way from dea land. You make da Israel peopo go away Jalike wit one strong wind from da east side.

Isaiah 40:11

He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.

Isaiah 49:13

“Erybody inside da sky, Yell cuz you stay feel good inside! An you peopo all ova da world, You stay feel good inside too! Erybody inside da mountains, Yell an sing! Cuz Da One In Charge give good kine words Weneva his peopo stay feel sore inside, An he show love an pity Fo da peopo dat stay suffa.”

Isaiah 49:18

Look aroun you! All yoa guys stay come back togedda Fo come by you. An jalike I shua dat I alive, I shua dose guys goin come back An make Jerusalem town look good, Jalike wen one lady put on her jewels Wen she go get married!” Dass da ting Da One In Charge tell.

Isaiah 49:21

Den you Jerusalem peopo Goin tink, “Eh! Who give me all dese kids?! Da Babylon guys wen take away my kids, An I ol, an no can born kids no moa. I was one prisona, An dey throw me outa my house. So! Who raise dese kids? No mo nobody hea wit me. So wea dese guys come from?”

Isaiah 50:1

Dis one spesho message from Da One In Charge: “You guys tink yoa muddah get one divorce paypa Dat I wen make Fo tell dat I wen dump her an sen her away, o wat?! No mo da kine paypa cuz I neva do dat! You tink I owe somebody money An I sell you guys to dem fo pay dem, An az why now you dea slave?! I neva do dat too! Fo shua, I wen sell you guys, But ony cuz you wen do bad kine stuff! I wen sen away you guys muddah But ony cuz you guys go agains me!

Isaiah 56:8

Dass wat Da One In Charge, da Boss, tell! He goin bring togedda Da Israel peopo dat stay scatta all ova da place, Cuz odda peopo wen throw um outa dea land. He tell, “I still yet goin bring mo odda peopo Fo come togedda wit dem.”

Isaiah 60:10

“Peopo from anodda place goin come fix yoa town walls. Dea kings goin help you guys too. Befo time, I wen stay huhu with you guys An wack you guys, But now, I like do good tings fo you guys An show you pity an love.

Isaiah 60:4

“Look up! Look all aroun you guys. See all da peopo come togedda an come by you guys. Yoa boys come from far away. Peopo bring back yoa girls too.

Isaiah 62:4

Nobody goin tell you guys no mo Dat yoa God wen bag from you guys. Nobody goin tell Dat no mo notting inside yoa land, An nobody can live ova dea. But wen dey tink bout you guys, dey goin tell Dat God feel good inside bout you guys. An wen dey tink bout yoa land, dey goin tell Dat God stay come jalike yoa husban, An you jalike his bride.

Isaiah 63:7

“I goin make shua nobody foget, An tell all dat Da One In Charge do Cuz he stay tight wit us guys, An I goin tell all da good tings Bout Da One In Charge Cuz he do good tings fo us guys. He give us Israel ohana peopo Plenny good kine stuffs. He show love an pity fo us guys, An he stay tight wit us guys foeva.

Isaiah 66:18

“But me, I know Eryting dey do, an eryting dey tink. I ready fo come Fo bring togedda all da diffren peopos An all da diffren languages. Wen dey come, dey goin see How awesome I stay.

Jeremiah 51:5

Cuz Da One In Charge, da God Ova All Da Armies, He no goin bag from da Israel an Judah peopo, Jalike one husban leave his wife wen he mahke. No matta da Israel an Judah peopo get plenny blame fo wat dey do, Da way Da One In Charge see um, He da Good An Spesho God fo da Israel peopo.

Sad Song 3:31

You know, wen da Boss throw out his peopo, Az not foeva!

Sad Song 3:32

No matta he make us suffa, He goin show aloha an pity too, Cuz he stay real tight wit his peopo!

Ezekiel 36:24

I goin take you guys outa da odda nations an bring you guys togedda from all da odda lands. I goin bring you guys back inside yoa land.

Micah 4:6

Dis da message from Da One In Charge: “Bumbye, I goin bring back togedda All da peopo dat no can walk good, An da peopo dat wen come prisonas far away, Da ones I wen make suffa.

Matthew 23:37

“Sad! You Jerusalem peopo! You guys stay kill da guys dat talk fo God, an throw stones fo kill da guys God sen by you guys. Plenny times I wen like bring you guys by me, jalike one muddah chicken bring togedda her bebe chickens unda her wings, but you guys no like come.

2 Corint 4:17

We get plenny big time trouble now, but you know wat? Wen we tink bout how awesome us goin come to da max foeva, den we know all dat trouble ony manini kine!

Efesus 1:10

God make dis plan fo do all dat wen da right time come. Dis da plan: God goin bring togedda eryting he make, an his Spesho Guy Christ goin be in charge. Dat mean Christ goin be in charge a eryting inside da sky an inside da world!

Rules Secon Time 30:3

den wen you guys come back, yoa God, Da One In Charge, goin make tings come good one mo time fo you guys, an get love an pity fo you guys. He goin bring you guys back togedda from all da diffren countries he wen sen you guys to.

James 4:6

But God like do even mo plenny good tings still yet. Az why da Bible tell, “God stay agains da guy Dat get big head. But da guy dat make shua he da las one, An put da odda guy befo him, God goin do plenny fo dat guy.”

2 Peter 3:8

Eh, my good frenz! No foget dis one ting, aah? Da One In Charge figga diffren den how us guys figga bout how time work. Fo him, one day, o one tousan year, same same.