Isaiah 54:16 - Hawaii Pidgin Bible

¹⁶ “Tink bout dis! I da One wen make da guy Dat work wit da iron, An fan da coals fo make fire, An make tings peopo use fo fight. An I da One make da army guys Dat wipe out da peopo.

Isaiah 54:16 ပူးပေါင်းရင်းမြစ်များ

Outa Egypt 9:16

So, how come I stay let you live, aah? Az fo make you see dat I get all da powa, az why! Cuz I like make da peopo all ova da world know who me fo real kine.

Smart Guys 16:4

Eryting dat Da One In Charge make, He know fo shua how come he make um. He even make da bad kine peopo Fo da bad kine tings happen to dem Wen da right time come.

Isaiah 10:15

You tink da ax mo betta den da guy dat swing um? Da saw mo betta den da guy dat use um? You tink da club goin lif da guy dat carry um? Da stick fo walk goin lif somebody dat use um? No way!

Isaiah 37:26

“ ‘Eh Sennakerib, you neva hear, o wat? From long time me, Da One In Charge, wen start fo make all dis happen, Befo time, I wen make da plan dat way awready, An now I stay make um happen— Fo you bus up da towns dat get strong wall An make um come uku pile a rocks,

Isaiah 46:11

I call one eagle from da east side— Az one guy from one far place— Fo him do wat I wen make one plan fo do. Fo shua, wat I tell I goin do, I make one plan fo do um, an I do um!

Isaiah 54:15

Bumbye, if somebody attack you guys, Dat no goin be cuz a me. Whoeva attack you guys Dey goin get wipe out in front you.

Isaiah 54:17

But no matta wat kine tings peopo make Fo fight you guys wit um, Dey no goin win. No matta wat peopo tell in front da judge Wen dey poin finga you guys, You guys goin show proof dey wrong. All dis I goin do fo you guys Cuz me Da One In Charge an you guys work fo me. Dass how I goin show Dat my peopo get um right wit me.” Dass wat Da One In Charge tell.

Zekariah 1:20

Den Da One In Charge show me four guys dat know how fo make stuff real good.

Zekariah 2:1

Den I look up, an dea in front me get one guy dat hold one string fo measure inside his hand.

Zekariah 2:4

Da numba two angel guy tell him, “Run! Go tell dat guy wit da string fo measure, ‘Bumbye Jerusalem goin come one big town dat get uku plenny peopo an animals inside um.

John 19:11

Jesus tell, “Ony one way you get da right fo hurt me. Ony if God Up Dea Inside Da Sky give you da powa fo do all dis, den you can do dis. Dass why da guy dat wen turn me ova to you, he do mo worse ting den you.”

1 Samuel 13:19

Dat time, all ova da Israel land neva have blacksmith fo shape iron. Cuz da Filisha guys figga, “No good da Hebrew guys go make sword o spear!”