Isaiah 54:11 - Hawaii Pidgin Bible

¹¹ Da One In Charge tell: “Eh my peopo! You guys get hard time now, Jalike one town dat get hard time, Jalike big storms stay poun da town. An nobody kea Fo give you guys good kine words. But you know wat I goin do, How I goin change all dat fo you guys?! Dis da picha! Jalike I goin build yoa bus up town Real nice dis time. Jalike I goin put blue lapis lazuli jewel stones On top da foundation, An put up da building stones Wit da kine mud dat cost plenny.

Isaiah 54:11 ပူးပေါင်းရင်းမြစ်များ

1 Kings 5:17

Da king tell dem fo cut real big kine stone blocks outa one mountain ova dea. Da stone cost plenny, cuz dey measure um da right size, an den cut um fo make da foundation fo da Temple.

1 Kings 6:30

Inside da Temple, da Real, Real Spesho room an da main room, Solomon tell his guys put real thin gold ova da floor too.

1 Records 29:2

Wit all da powa I get, I wen make ready da stuffs fo da Temple fo my God. I give plenny gold fo da gold work, silva fo da silva work, bronze fo da bronze work, iron fo da iron work, an wood fo da wood work. I give onyx stones wit da metal dat hold um, black stone fo make one ring aroun da color stones, all kine color stones, an all kine stones dat cost plenny, an plenny marble stone.

2 Records 3:6

He put jewel stones dat cost plenny all ova inside da temple fo make um look nice. An da gold he use, az da kine gold from da Parvaim land.

Job 28:16

You no can weigh enuff gold from Ofir fo buy um, O buy um wit da kine jewel stones dat cost plenny.

Songs 34:19

Get plenny bad tings happen To da peopo dat stay do da right ting. But Da One In Charge Goin get um outa all dat.

Outa Egypt 2:23

Afta long time, da king guy fo Egypt mahke. But da Israel peopo, dey stay moan still yet cuz dey slaves. Dey yell to God, “Help!” An God, he hear wat dey tell.

Outa Egypt 24:10

Up dea, dey see da God fo da Israel peopo! Da place he stan, get someting dat look jalike one brick floor undaneat, wit da blue kine jewelry stone dey call lapis lazuli, blue an bright jalike da clear sky.

Outa Egypt 3:2

Had one angel messenja guy from Da One In Charge show up an let Moses see um. Da angel guy look jalike fire dat come outa da middo a one bush. Moses, he stay eye um up. An he tink, “How come lidat? Get fire stay burning all ova inside da bush, but da bush no burn up!”

Outa Egypt 3:7

Da One In Charge tell Moses dis too: “I see eryting, all da hard time dat da Egypt peopo give my peopo! I hea how dey stay yell fo me fo help um from da luna guys. Yeah, I know how plenny dey suffa.

Love Song 5:14

His arms look jalike gold rods Dat get jewelry stones from Spain all ova um. From da ches to da thighs, jalike one flat piece ivory dey polish, Wit blue lapis lazuli kine stones all ova um.

Isaiah 14:32

Wen da messenja guys from dat army aks you If you guys goin give up, Tell um, “No way! Was Da One In Charge Dat put his big town Jerusalem hea. Fo da peopo dat need help, Dey can go inside Jerusalem An nobody goin hurt um dea.”

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 44:28

“I da One dat tell dis bout King Cyrus: ‘He jalike da guy take kea my sheeps. He goin do eryting I like fo him do. He goin tell bout Jerusalem, “Let guys build um up one mo time.” He goin tell bout da Temple, “Make da foundation.” ’ ”

Isaiah 49:14

But da Mount Zion peopo, dey tell, “Da One In Charge wen leave us! Oua Boss foget bout us!”

Isaiah 51:21

Az why you guys gotta lissen Wat I goin tell you now, You guys dat stay feel sore inside, An feel jalike you piloot, But not from da wine.

Isaiah 51:23

I goin put dat wine bowl In da hands a da peopo Dat wen make you guys suffa, Da ones dat tell you guys, ‘Go lay down on top da groun! Fo us walk on top you guys! Make yoa back flat jalike da groun Jalike one road fo us walk on top.’ But I goin make trouble fo dem.”

Isaiah 54:12

Jalike I goin make da towas aroun da town Wit ruby kine stones, An da gates wit stone dat look jalike fire. Goin get rich kine stones all ova da land. Dass one picha fo da town, Fo how I goin make eryting come good fo you guys!

Isaiah 54:6

Befo time, you guys come real sad, Jalike you one wife yoa husban wen dump, An you stay sad inside. Jalike you was young An one guy wen marry you, Den he dump you. But now, jalike yoa husban call you fo come back.” Dass wat Da One In Charge tell.

Isaiah 60:15

“Befo time, peopo wen go way from you guys, An hate you guys, An nobody go pass thru yoa land. But now, I goin make you guys come Da ones dat erybody tell, ‘You da greates!’ An dey goin feel good inside Bout you guys all da time.

Jeremiah 30:17

But I goin make you guys come good. An make da places you bleed come good. Peopo call you guys, ‘Da guys dat no mo place fo go, Da ones dat go Mount Zion fo pray, But no mo nobody like take kea dem.’ ” Az wat Da One In Charge tell.

Sad Song 1:21

“Peopo hear me moan, But no mo nobody come fo make me feel mo betta. All da peopo dat stay agains me wen hear I get trouble, An dey dance an sing cuz a wat you, Da One In Charge, wen do. I like you make da tings happen dat you wen promise goin happen, Fo dem suffa jalike I suffa!

Ezekiel 1:26

Ova da flat ting dat stay spread out ova dea head, get someting dat look jalike one throne, wit da lapis lazuli kine blue stone all ova. An way up ova dat, get someting dat look jalike one guy on top da throne.

Ezekiel 10:1

I look, an ho! ova da spesho angel watcha tings dat stay alive an go ery place God go, get dat big, flat shiny ting, all aroun. An ova dat I can see someting dat look jalike one throne, wit da lapis lazuli kine blue stone all ova.

Micah 7:11

“Den Da One In Charge tell: ‘Bumbye, goin come time fo make yoa town walls good one mo time, An make yoa land mo big.

Matthew 8:24

Den had one big storm ova dea, an da waves stay bus ova da boat. But Jesus still yet stay sleeping.

John 16:33

“I tell you guys all dis stuff fo notting bodda you, cuz you guys stay tight wit me. Da peopo inside da world goin make you guys suffa. But come strong! I da winna ova all da powa inside da whole world!”

Jesus Guys 14:22

Dey give good kine words to da peopo dat stay tight wit Jesus fo help um stick wit da Good Stuff Bout Jesus fo dem trus Jesus. Dey tell, “Us guys gotta suffa plenny befo us guys see God come oua king.”

Efesus 2:20

Dass jalike God wen build one house. Da guys he wen sen all ova fo tell da peopo da Good Stuff bout him, an da guys dat wen go talk fo him, dey jalike da foundation. An you guys, jalike he build you guys togedda on top um. An Jesus Christ, he jalike da corna block.

Rules Secon Time 31:17

Da time wen dat happen, I goin come huhu wit dem, an leave dem behind. I goin hide my face from dem, an I goin wipe dem out. Plenny trouble goin happen to dem an hard time goin come. Dat time, dey goin tell, ‘Fo shua, us guys get all dis bad kine stuff happen cuz oua God no stay wit us, aah?’