Isaiah 54:1 - Hawaii Pidgin Bible

¹ “Eh, my peopo! Sing an yell cuz you stay good inside! Cuz befo time, you guys Was jalike one wahine dat no mo her kids yet, Dat neva feel da sore from born one bebe. But now, eryting goin come good fo you guys, Jalike if dat wahine dat neva born one bebe, Now her get mo plenny kids Den da wahine dat get husban.” Dass wat Da One In Charge tell.

Isaiah 54:1 ပူးပေါင်းရင်းမြစ်များ

Start 21:6

Sarah, she tell, “God make me feel good inside. An I can laugh now, Cuz I get one bebe! Erybody dat find out bout dis goin feel good an laugh jalike me!

Songs 113:9

Da One In Charge make da wahines Dat no can get kids stay good inside, Cuz he give um dea home, An now dey get kids. Eh you guys! Tell good tings Bout Da One In Charge!

Love Song 8:8

Long time befo time, my braddah guys wen tell, “Us guys get one young sistah, An her breases no come big yet. Wat we goin do fo oua sistah, Bumbye wen somebody tell dey like marry her?

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Isaiah 24:14

Bumbye, da peopo dat still stay inside da land, Dey goin yell plenny an sing Cuz dey stay feel good inside. From da west side nea da big sea, Da peopo goin yell Bout how awesome Da One In Charge stay.

Isaiah 44:23

Dance an sing cuz you feel good inside, Erybody inside da sky! Yell plenny, erybody on top da groun! Yell cuz you feel good inside, Da mountains, an all da trees inside da fores, you can sing! Cuz Da One In Charge wen pay da price Fo get da Jacob ohana peopo outa trouble, An all da Israel peopo goin tell, he awesome!

Isaiah 49:13

“Erybody inside da sky, Yell cuz you stay feel good inside! An you peopo all ova da world, You stay feel good inside too! Erybody inside da mountains, Yell an sing! Cuz Da One In Charge give good kine words Weneva his peopo stay feel sore inside, An he show love an pity Fo da peopo dat stay suffa.”

Isaiah 49:19

No matta no mo notting Jerusalem side, An da town stay all bus up, An yoa land all jam up yet, I stay shua, da town goin be too small Fo all da peopo live dea. An all da guys dat wen make you guys dea slave, Dey goin go way one far place.

Isaiah 49:20

An even mo den dat, Da guys dat wen born ova dea, Afta da Babylon guys take away oua peopo, Bumbye you Jerusalem peopo goin hear dem, Talking plenny to each odda. Dey goin tell, “Dis place, no mo room fo all us guys! Give us guys mo place fo live!”

Isaiah 62:4

Nobody goin tell you guys no mo Dat yoa God wen bag from you guys. Nobody goin tell Dat no mo notting inside yoa land, An nobody can live ova dea. But wen dey tink bout you guys, dey goin tell Dat God feel good inside bout you guys. An wen dey tink bout yoa land, dey goin tell Dat God stay come jalike yoa husban, An you jalike his bride.

Isaiah 66:7

“Da ting dat goin happen fo Jerusalem town Goin be jalike one wahine dat goin born one bebe Befo she even start fo get labor pain! Even befo da labor pain come She born one boy!

Zefaniah 3:14

Zefaniah tell: “Eh! You peopo dat come Zion hill fo pray! Yell cuz you stay good inside! You Israel peopo! Yell out loud, Go all out fo dance an sing, You Jerusalem peopo!

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Galatia 4:27

You know, da Bible tell, “You, da one wahine dat no mo kids, Yell cuz you stay good inside. You neva feel sore from born one bebe. She can bus out an make big noise. Cuz da wahine dat no mo kids, Bumbye she goin get mo plenny kids Den da wahine dat live regula kine wit her husban.”

1 Samuel 2:5

An dose buggahs dat befo time get plenny food An come real momona, Now dey gotta bus ass fo find stuff fo eat. But da peopo dat no mo food, Now, dey no stay hungry no moa. An da lady dat no can come hapai, Now goin get seven kids. But da muddah dat get plenny boys befo, Now she no mo!