Isaiah 53:3 - Hawaii Pidgin Bible

³ Peopo make to him jalike he notting. Dey no let him do notting wit dem. He one guy dat stay sad inside, An he know how feel fo suffa plenny. Peopo turn aroun an look da odda way Cuz dey no like see him. Dey make to him jalike he nobody, An nobody kea bout him.

Isaiah 53:3 ပူးပေါင်းရင်းမြစ်များ

Songs 69:29

But me, I stay suffa, an I hurt. Eh God, get me outa trouble So notting bad happen to me.

Songs 88:4

Peopo tink, me one a da ones Dat stay going down Inside da Deep Dark Hole. I wen come one guy Dat no stay strong no moa.

Isaiah 49:7

Dis anodda spesho message from Da One In Charge. (He da One dat pay da price Fo get da Israel peopo outa trouble. He da Good An Spesho One fo da Israel peopo.) Dis message, fo da one Dat da peopo tink he no good inside, Da one dat all ova da country, Da peopo hate um, Da one dey figga ony one slave Dat work fo da leada guys. Dis wat Da One In Charge tell dat guy dat work fo him: “Wen da king guys see you, Dey goin stan up fo show you respeck! Wen da prince guys see you, Dey goin go down in front you Fo show you respeck! An all dat goin happen cuz a me, Da One In Charge. I da One you can trus. I da Spesho One fo da Israel peopo. An I wen pick you!”

Isaiah 50:6

Get guys dat wen wack my back wit whips, An I let um wack me. Get guys dat wen pull out my beard, An I let um. I no hide from da guys dat like make me come shame An spit on my face.

Isaiah 52:14

But goin be jalike befo time, Wen plenny peopo stay bum out Cuz dey see you guys, my peopo, Suffa plenny. Same ting, da way my worka guy goin look. He goin look jalike he all bus up, Mo den any odda guy. An his face, no goin look jalike anybody.

Isaiah 53:10

Still yet, was Da One In Charge Dat tink az good, Fo smash da guy dat work fo Him An make him suffa. Da One In Charge make him mahke, jalike one sacrifice Fo all da blame peopo get Cuz a da bad kine stuff we do. But still yet, da guy dat work fo Da One In Charge, He goin see da ones dat goin come from him, an live long time, An he goin get da powa Fo do wateva Da One In Charge like Fo him make happen.

Isaiah 53:4

Still yet, wen us guys suffa plenny, Da guy dat work fo Da One In Charge, He take away all dat. Wen us guys stay sad inside, He carry all dat fo us. But us guys, we ony tink him Az da guy dat God wen wack an bus up, An make um feel jalike he no good.

Micah 5:1

Bring all yoa army guys togedda, You Jerusalem guys, dat get Babylon army guys All aroun yoa big town! Da peopo dat stay agains us, Dey goin wack da leada fo da Israel peopo On top da cheek wit one stick.

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.

Matthew 26:67

Den dey spit on top Jesus face, an punch him, an some guys slap his head.

Matthew 27:63

Dey tell, “Eh Govna, us guys no foget, wen dat fake guy still alive, he tell, ‘Afta three days I goin come back alive one mo time.’

Mark 10:33

He tell, “Eh, lissen up. We goin go Jerusalem. I da Fo Real Kine Guy. One guy goin set me up fo da Main Pries guys an da guys dat teach da Rules From God grab me. Den dey goin tell I gotta mahke. Dey goin give me to da guys dass not Jew guys.

Mark 10:34

Dey goin make fun a me, an spit on top me, an whip me, an kill me. But on day numba three, I goin come back alive.”

Mark 14:34

He tell um, “Eh, you know, inside I stay real sad, jalike I goin mahke. No go sleep—stay ova hea wit me.”

Mark 15:19

An dey wack him on top his head wit one bamboo, an spit on top him. Dey go down in front him jalike dey stay show respeck fo him.

Mark 9:12

Jesus tell, “Dass right. Elijah gotta come back firs an make eryting ready fo God Spesho Guy. So how come da Bible tell dat da Fo Real Kine Guy gotta suffa plenny, an da peopo goin make to him jalike he notting?

Luke 16:14

But da Pharisee guys, dey love money. Wen dey hear all da stuff Jesus wen tell, dey make fun a him.

Luke 19:41

Jesus come nea Jerusalem an look da town, an he cry.

Luke 8:53

An dey all laugh an make fun a him, cuz dey know she mahke.

Luke 9:22

He tell, “I da Fo Real Kine Guy. I gotta suffa plenny. Da older leadas, an da Main Pries guys, an da teachas dat teach da Rules From God, dey goin figga I not Da Fo Real Kine Guy, an dey goin kill me fo dat. But day numba three, I goin come back alive.”

John 11:35

Jesus cry.

John 8:48

Da Jew leada guys tell him, “Az right wat we tell! You one Samaria guy, not one real Jew, an you get one bad kine spirit in charge a you!”

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.

Hebrews 4:15

Dass oua Main Pries Guy, Jesus, God Boy. He undastan how us guys not strong an no can handle da bad kine stuff. Cuz he wen get presha fo do all kine bad stuffs jalike us guys. But he neva do notting bad!

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.