Isaiah 52:14 - Hawaii Pidgin Bible

¹⁴ But goin be jalike befo time, Wen plenny peopo stay bum out Cuz dey see you guys, my peopo, Suffa plenny. Same ting, da way my worka guy goin look. He goin look jalike he all bus up, Mo den any odda guy. An his face, no goin look jalike anybody.

Isaiah 52:14 ပူးပေါင်းရင်းမြစ်များ

Songs 22:15

Befo time, strong, me. But now I all weak, Jalike wen da mud dry up from da sun. My tongue stay real dry, az why I no can move um. You wen throw me down on top da dirt fo me mahke dea!

Songs 22:17

Can even count all my bones. Dem guys dat stay agains me, Dey give me stink eye, an dey laugh at me.

Songs 71:7

Plenny peopo watch me, Fo dem do wat I do. Cuz you strong, An you no let nobody hurt me.

Isaiah 50:6

Get guys dat wen wack my back wit whips, An I let um wack me. Get guys dat wen pull out my beard, An I let um. I no hide from da guys dat like make me come shame An spit on my face.

Matthew 26:67

Den dey spit on top Jesus face, an punch him, an some guys slap his head.

Matthew 27:14

Still yet Jesus no tell notting. An cuz he no tell notting, dat blow Pilate mind.

Matthew 7:28

Wen Jesus pau teach, wat he teach da peopo blow dea mind

Mark 10:26

Dey all shock, an dey tell each odda, “If dass how stay, den who can get outa da bad kine stuff he stay in? No can!”

Mark 10:32

Jesus lead his guys fo dem all go Jerusalem. Jesus guys stay all shook up, an da odda peopo dat go wit dem was all sked. One mo time he take da twelve guys by da side a da road, an tell um wat goin happen.

Mark 5:42

Right den an dea her stan up an walk aroun! An da peopo, right den an dea, dea jaws drop.

Mark 6:51

Den he climb inside da boat wit dem, an da wind die down. Da guys, dat blow dea mind!

Mark 7:37

All dis fo real kine blow da peopo mind. Dey tell, “Dis guy, he fo shua do eryting good! He even make da peopo dat befo no can hear, now can hear, an da peopo dat befo no can talk, now can talk!”

Luke 2:47

Erybody dat hear Jesus, blow dea mind, cuz dey see he akamai da way he talk to dem.

Luke 22:64

Dey cova his eyes wit one rag, an give um plenny false crack, an tell him, “Eh, you one guy dat talk fo God, aah? So, tell us who wen hit you!”

Luke 4:36

Da peopo, dat blow dea mind. Dey tell each odda, “Eh! Wat dis? Wat kine new teaching dis? He get powa fo even tell da bad kine spirits fo let go da peopo, an dey let um go!”

Luke 5:26

All da peopo see wat Jesus wen do an dat blow dea mind. Dey talk good kine stuff bout God too. Same time, dey come real sked. Dey tell, “Dis awesome! Us wen see unreal stuff today!”