Isaiah 52:12 - Hawaii Pidgin Bible

¹² But wen you guys come back from Babylon side, No need go real fas, Jalike you stay running away from dem. Cuz da God yoa ancesta guy Israel wen pray to, Da One In Charge, he goin go wit you guys. He goin go in front you guys An behind you guys Fo make shua nobody catch you.

Isaiah 52:12 ပူးပေါင်းရင်းမြစ်များ

1 Records 14:15

Wen you hear wat soun jalike get army guys stay march in da tops a da balsam trees, go out fo fight. Dat mean dat me, God, go out awready in front you guys fo wack da Filisha army guys.”

Outa Egypt 12:11

“Dis how you goin be wen you eat da meat: you gotta stay ready fo go, an wear da kine clotheses you need, wit yoa slippas on top yoa feets, an hold yoa stick fo walk inside yoa hand. You gotta eat up da meat an stay ready fo get outa dea quick. From now, goin call dat da Pass Ova Kine Sacrifice fo Da One In Charge.

Outa Egypt 12:33

Da Egypt peopo, dey all put presha on da Israel peopo fo go way quick from dea land, cuz da Egypt guys tink, “Bumbye all us guys mahke!”

Outa Egypt 12:39

Da dough fo make bread dat dey carry wit dem outa Egypt, dey bake da bread wit no mo yeast inside. Dey no mo time fo put da yeast inside, cuz da Egypt peopo wen throw um out an dey no can wait dea fo da bread come ready. Dey no mo time fo get odda stuffs ready fo eat too.

Outa Egypt 14:8

Da One In Charge make da Pharaoh guy come hard head. Dass why him an da oddas wen go afta da Israel peopo. But da Israel peopo, dey stay go outa Egypt, jalike dey no sked notting.

Isaiah 26:7

Whoeva do da right kine stuff, You make da way dey go not hard. You da God dat do da right kine tings. You make da road easy Fo peopo follow, dat do da right kine stuff.

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 42:16

I goin take da guys dat no can see On top one road dey neva know befoa. I goin show um wea fo go No matta dey donno da way. No matta stay dark all aroun dem, I goin shine light come in front dem. I goin make da rough kine place come smooth. All dese tings, I goin do um. I no goin leave dem.

Isaiah 45:2

Goin be me dat go in front you, Jalike I goin make da mountains come flat Fo come easy fo you go. I goin broke down da bronze town gates. I goin cut thru da iron bars.

Isaiah 49:10

Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.

Isaiah 49:11

Jalike I goin make all my mountains Come roads. An all my big roads, My peopo goin build um up Mo high den da land da road go across.

Isaiah 51:14

Da prisona guys dat stay sked, Pretty soon dey goin come outa da prison. Dey no goin mahke inside dea, An dey no goin come hungry.

Isaiah 57:18

I see how dey ack, But still yet, no matta dey stay sick inside, I goin make dem come good! I goin make dem An da ones dat stay bum out So dey no stay sad inside no moa.

Isaiah 58:8

“Den, wen dass how you ack, Goin be jalike wen da sun come up— Erybody goin see Dat you guys get life from me, Da One In Charge. All da place you get cut an scratch, New skin goin grow dea real quick. Cuz you stay do da right ting erytime You goin know wea fo go. An cuz Da One In Charge stay awesome He no goin let nobody come from behind you fo hurt you.

Micah 2:13

One guy goin bus open da way an go in front dem. Dey goin bus thru da gate an go outside. Dea king goin go firs befo dey go. Da One In Charge goin lead dem.”

Census 10:25

Da las ones fo leave, dat stay ready fo fight if somebody catch um up, da Dan ohana go out, jalike one army unda dea flag. Ammishaddai boy Ahiezer stay in charge a dem.

Rules Secon Time 16:3

No eat sacrifice meat wit da kine bread dat get yeast, but fo seven days eat ony bread dat no mo yeast, da kine bread you guys eat wen you get hard time. Cuz you guys wen go way real fas from Egypt. So dis goin help you guys no foget all da time you guys stay alive, an how you guys wen go way from Egypt.

Rules Secon Time 20:4

Cuz yoa God, Da One In Charge, he da One go wit you guys an fight fo you guys. He goin fight da peopo dat stay agains you guys. Az how you guys goin win ova dem.”

Joshua 4:11

Wen all da peopo pau cross da riva, da pries guys an Da Box Fo Da One In Charge go da west side a da riva. Den dey pass da odda peopo an go in front dem.

Joshua 6:9

Da army guys go firs in front da pries guys dat blow da trumpets, an da Box come nex. All da time da pries guys stay blow da trumpets.

Local Leadas 4:14

Den Deborah tell Barak, “Go! Cuz today Da One In Charge stay make you win ova Sisera. Da One In Charge goin go in front you!” So Barak charge down Mount Tabor, an ten tousan guys wit him.