Isaiah 51:3 - Hawaii Pidgin Bible

³ “Az cuz Da One In Charge goin help da Jerusalem peopo So dey no stay sad no moa Bout all da stuff stay bus up ova dea. He goin make da boonies come Jalike how he wen make da place Eden side. Da dry up country goin come Jalike one garden fo Da One In Charge. Da peopo ova dea goin feel real good inside, An dance an sing. Dey goin tell Da One In Charge, ‘Mahalo plenny!’ an dey goin sing.

Isaiah 51:3 ပူးပေါင်းရင်းမြစ်များ

Start 13:10

Lot check out all da land nea da Jordan Riva. He see dat get plenny watta ditch dat side. Ova dea nea Zoar, look jalike da place wit trees dat Da One In Charge wen plant befo time, an jalike da Egypt land. (Az was befo Da One In Charge wipe out Sodom town an Gomorrah town.)

Songs 85:8

I goin lissen real good To wat God, Da One In Charge, tell. He tell da peopo dat stay tight wit him He goin make eryting go good fo dem. But no good dey go do dumb tings One mo time, you know!

Isaiah 12:1

Dat time, you goin tell, “I goin sing fo tell Da One In Charge he da greates! I goin tell erybody dat you good, Da One In Charge. No matta you was huhu wit me, Now you no stay huhu wit me no moa, An you take away da sore from inside me.

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.

Isaiah 35:6

Da peopo dat no can walk, Dey goin jump jalike da deer. Da peopo dat no can talk, Dey goin start fo talk real loud Cuz dey feel good inside. Da watta goin start fo come Outa da pukas all ova da boonies, An streams goin come All ova da up country boonies.

Isaiah 41:16

Jalike wen you throw da junks up in da air, An da wind blow um, Den one strong wind blow um all away. But you guys goin stay real good inside Cuz you stay tight wit Da One In Charge, An you goin talk plenny bout how awesome Da One In Charge stay, Da Good An Spesho God fo da Israel peopo.

Isaiah 43:19

Look! I stay do someting new! Stay happen awready! You no see um, o wat?! I stay make one road inside da boonies, An I stay put streams wea nobody stay!

Isaiah 44:26

Wen I tell my worka guy wat fo tell, I do wat I tell him I goin do. Wen my messenja guys make plan, I make shua all dat come out okay. I da One tell dis bout Jerusalem town, ‘Bumbye goin get peopo live ova dea one mo time.’ I tell bout da towns inside Judah, ‘Peopo goin build um up one mo time.’ I tell bout da bus up towns, ‘I goin make dea wall stan up one mo time.’

Isaiah 49:13

“Erybody inside da sky, Yell cuz you stay feel good inside! An you peopo all ova da world, You stay feel good inside too! Erybody inside da mountains, Yell an sing! Cuz Da One In Charge give good kine words Weneva his peopo stay feel sore inside, An he show love an pity Fo da peopo dat stay suffa.”

Isaiah 49:19

No matta no mo notting Jerusalem side, An da town stay all bus up, An yoa land all jam up yet, I stay shua, da town goin be too small Fo all da peopo live dea. An all da guys dat wen make you guys dea slave, Dey goin go way one far place.

Isaiah 49:8

Dis anodda message from Da One In Charge fo his worka guy: “Wen da right time come, I goin tell you wat you like know. Wen da time come Fo me get da peopo outa trouble, I goin help you an take kea you. I goin make you da one Fo show da deal I get wit my peopo, Az fo real. I goin make da land fo dem use um one mo time, Da fields wea nobody work um long time, I goin give um back to da ohanas dat own um.

Isaiah 51:12

Da One In Charge tell, “Me, I da One Dat give you guys good kine words An make you feel good. But how come you sked a peopo Dat ony goin mahke bumbye?! Da peopo dat goin mahke jalike da grass?!

Isaiah 52:9

Sing togedda cuz you guys stay feel real good inside, No matta Jerusalem town still stay all bus up! Dass cuz Da One In Charge take away da sore Dat his peopo feel inside. He pay da price Fo get da Jerusalem peopo outa trouble.

Isaiah 61:10

I stay feel plenny good inside cuz a Da One In Charge. I feel real good cuz a my God. Cuz jalike he give me clotheses fo wear Dat show he da One get me outa trouble, An jalike he give me one nice robe Fo show I get um right wit him. I feel jalike one guy dat goin get married An wear one fancy hat jalike da pries guys, An I feel jalike da lady dat goin marry too, An wear all kine jewelry!

Isaiah 65:18

So now, stay good inside all da time, Wen you tink bout wat I goin make! Cuz I goin make Jerusalem da kine place Dat make you stay good inside wen you dea. An I goin make da Jerusalem peopo da kine peopo Dat make you like dance an sing wen you wit dem.

Jeremiah 31:25

Erybody dat come weak cuz dey thirsty, I goin give um plenny fo drink. Erybody dat feel jalike dey goin fall down cuz dey hungry, I goin feed dem plenny.”

Ezekiel 28:13

You wen stay inside Eden, Da park wit plenny trees dat God wen plant. You wear all kine jewelry stone dat cost plenny. Da ruby, da topaz, da emerald, Da chrysolite, da onyx, da jasper, Da lapis lazuli, da turquoise, an da beryl. Dey all put inside gold fo hold um togedda. Da day I wen make you, I give you all dat.

Ezekiel 36:11

I goin make da peopo an animals inside you mountains come mo plenny. Goin get plenny kids. An I goin let peopo live inside you mountains jalike befo time. An I goin do mo plenny good tings fo you mountains den I wen do befo time. Den you guys goin know dass me Da One In Charge do all dat.

Ezekiel 36:35

Dey goin tell, ‘Dis land ova hea dat da odda peopo wen wase, now stay jalike da place Eden side, da park dat get plenny trees dat God wen plant. Da towns dat wen stay wipe out an bus up, now dey get strong wall an peopo live dea.’

Joel 2:3

In front dem, da fire burn up eryting. Behind dem, da fire burn too. In front dem, da land stay jalike da place God wen plant, Eden side. Behind dem, da land stay wasted jalike da boonies. No mo notting get away from dem.

1 Peter 1:8

No matta you guys neva see Jesus, still yet you get love an aloha fo him. You guys still no can see him, but still yet you guys trus him. You guys feel real good inside, mo plenny den you can tell.