Isaiah 51:20 - Hawaii Pidgin Bible

²⁰ Yoa boys pass out. Dey lay down dea, da end a ery road. Jalike one deer dey catch inside one net. Yoa God, Da One In Charge, stay real huhu wit dem. An stay poin finga dem.

Isaiah 51:20 ပူးပေါင်းရင်းမြစ်များ

Isaiah 29:9

Hang aroun an no do notting, An yoa jaws goin drop! Cova yoa eyes, Fo you no see notting! Come jalike you stay piloot, But not cuz you drink wine. Walk aroun an stagga, But not cuz you drink beer.

Isaiah 40:30

Even da teenage guys get tired an wore out, An da young guys trip an fall down.

Isaiah 49:26

I goin make da guys dat give you guys hard time Eat dea peopo. Dey goin come piloot Cuz dey drink dea blood jalike az was wine. Den da peopo from all ova da world goin know Dat me Da One In Charge, da One dat get you guys outa trouble. I pay da price fo do dat. I da Strong God, da One Jacob wen pray to.”

Isaiah 5:25

Dass why Da One In Charge stay come huhu Agains his peopo. He put up his hand An stay ready fo wack dem down. Dass why da mountains stay shake, An da peopo body dat mahke Lay all ova outside jalike opala. “But no matta God wack his peopo lidat, He still yet stay huhu An he stay ready fo wack um one mo time.

Isaiah 51:17

Wake up! Wake up! Stan up, you Jerusalem peopo! Befo time, Da One In Charge wen stay huhu wit you guys, An he make you guys suffa plenny! Jalike he make you guys drink wine From inside one wine bowl he give you, An you drink da whole ting, An you, you no can walk strait cuz a dat.

Isaiah 51:21

Az why you guys gotta lissen Wat I goin tell you now, You guys dat stay feel sore inside, An feel jalike you piloot, But not from da wine.

Isaiah 66:15

Cuz you know wat?! Wen Da One In Charge come, he goin come wit fire! His war wagons goin come Jalike one strong wind storm! He goin come fo pay back Da peopo he stay real huhu wit. He goin bring da big fire Fo tell um no do bad kine tings.

Isaiah 8:21

Da peopo goin go all ova da land, one side to da odda side. Dey goin feel plenny presha an dey goin stay hungry. An cuz dey hungry, dey goin come real huhu. Dey goin look up an swear at dea king an dea God.

Jeremiah 14:16

An da peopo dat lissen dem, dey goin mahke too inside Jerusalem, cuz dey no mo food, an da army guys goin kill dem wit swords too. Da army guys goin throw out da mahke bodies on top da streets. No goin get nobody fo bury dem, o dea wifes bodies, o dea boys bodies, o dea girls bodies. I goin make all da bad kine stuff dey do happen to dem.

Jeremiah 14:18

If I go out da country side, I see da guys dat da army guys wen kill wit swords. If I go aroun inside Jerusalem town, I see all da peopo dat stay sick Cuz no mo food. Da guys dat talk fo God an da pries guys Stay go all ova da land fo do dea work, But dey donno wat dey stay do!’ ”

Sad Song 1:15

“Da Boss laugh at all da strong leadas aroun me. He call one army fo fight me, Fo smash my young guys. Da Boss walk all ova da Judah peopo, Jalike he step da grapes fo make wine.

Sad Song 1:19

“I call out to da peopo I get love an aloha fo, But da way dey ack, no can trus um! My pries guys an my older leadas mahke inside Jerusalem, Wen dey stay look fo food Fo dem stay alive.

Sad Song 2:19

Wake up! Yell loud nite time, Wen da watcha guys start fo call. Pour out eryting inside you, jalike watta in front da Boss. Lif up yoa hands an pray to him, fo yoa kids no mahke! Dey stay hungry, so dey pass out at ery street corna.

Sad Song 4:11

Da One In Charge come real huhu wit dem. He tell “Laytas” to wat dey do. He make one fire inside Jerusalem town, Dat burn down eryting to da foundations, all ova Zion town.

Sad Song 4:2

Da ones dat born Zion side worth plenny, jalike gold. But now dey ony worth one clay pot dat some guy make.

Sad Song 5:13

Da young guys bus ass fo push da heavy stones fo grind da wheat. Da boys almos fall down cuz dey carry heavy wood.

Ezekiel 12:13

But jalike I goin put out my net fo catch um, an my trap goin get um. I goin take him Babylon side, da land wea da Babylon peopo stay. But he no goin see dat land. An he goin mahke ova dea.

Ezekiel 17:20

Jalike I goin set one trap fo him an catch um. I goin take him Babylon side. I goin judge him an punish him ova dea cuz a da way he ack. I no can trus um.

Ezekiel 39:19

From da sacrifice I stay make fo you, you goin pig out on da bestes meat an drink da blood till you get wasted.

Rules Secon Time 14:5

deers, gazelle kine deers, red deers, wild goats, da ibex kine deer, da antelope kine deer, an da mountain sheep.

Rules Secon Time 28:20

“Da One In Charge goin bring bad kine stuff on top you guys cuz you get kahuna on top you. Az why you goin come all hamajang, an peopo goin tell you guys dat you wrong no matta wat you guys do. Az how you guys goin come wipe out real fas, if you guys do bad kine stuff an go way from Da One In Charge.

Jesus Show 14:10

God come real huhu an tell ‘Laytas’ to da bad kine stuff dose peopo stay do. He goin make dose peopo suffa real bad from da burning sulfur, in front God spesho angel guys dat stay spesho fo God an in front da Bebe Sheep Guy. Dass jalike wen one guy make anodda guy drink too much real strong wine, fo make um come real piloot.