Isaiah 51:17 - Hawaii Pidgin Bible

¹⁷ Wake up! Wake up! Stan up, you Jerusalem peopo! Befo time, Da One In Charge wen stay huhu wit you guys, An he make you guys suffa plenny! Jalike he make you guys drink wine From inside one wine bowl he give you, An you drink da whole ting, An you, you no can walk strait cuz a dat.

Isaiah 51:17 ပူးပေါင်းရင်းမြစ်များ

Job 21:20

Mo betta da bad guy see wat happen wen God wipe him out. Let him be da one find out az God come huhu wit him, Da God Dat Get Mo Powa Den All Da Odda Gods.

Songs 11:6

He goin make fire fall down On top dose bad kine peopo, jalike was rain. He goin punish dem wit burning sulfur an hot wind.

Songs 60:3

You wen make yoa peopo suffa, Jalike you make um Drink da kine wine Dat make um piloot So dey no can stan up strait.

Songs 60:5

An cuz a dat, Fo da peopo you get love an aloha fo, I like fo dem get outa trouble. You get plenny powa, So go do someting fo help dem!

Songs 75:10

God tell: “Da peopo dat stay do bad kine stuff, I goin take away all dea powa. Da peopo dat stay do wass right, I goin give dem plenny mo powa.”

Songs 75:8

Wen Da One In Charge come huhu, Jalike he holding one big wine cup Full a strong kine wine mix wit spice An bubble coming up. He goin make all da peopo Inside dis world Dat do bad kine stuff Drink da whole ting, Down to da junks in da bottom, Fo punish dem!

Isaiah 29:9

Hang aroun an no do notting, An yoa jaws goin drop! Cova yoa eyes, Fo you no see notting! Come jalike you stay piloot, But not cuz you drink wine. Walk aroun an stagga, But not cuz you drink beer.

Isaiah 40:2

You guys, talk to da Jerusalem peopo An tell all dem Fo dem feel good inside. Tell dem dat da hard work dey wen do Cuz dey owe me plenny, all pau awready. Da bad tings dey wen do, Dey awready get punish fo all dat. Me, Da One In Charge, I wen awready pay dem back double Fo all da bad kine stuff dey wen do.”

Isaiah 51:21

Az why you guys gotta lissen Wat I goin tell you now, You guys dat stay feel sore inside, An feel jalike you piloot, But not from da wine.

Isaiah 51:22

Dis, one spesho message from Da One In Charge a you guys, From yoa God, da one dat stay help his peopo: “Look! Now I take away yoa trouble. Befo time, I wen make you guys suffa plenny Cuz I stay huhu wit you guys. Jalike I make you guys drink da wine From inside one bowl, An you no can walk good cuz a dat. But you guys no goin get dat kine trouble From me no moa. No way you goin drink from dat wine bowl Again, no moa.

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Isaiah 52:1

Wake up! Wake up, you Jerusalem peopo! Come strong, An put on yoa fancy kine clotheses! Cuz yoa town, da one God make spesho fo him! Da guys dat no mo cut skin mark Fo show dey God peopo, An da ones dat do stuff dat make um So dey no can pray, Dey no goin go inside Jerusalem one mo time.

Isaiah 63:6

I walk all ova da diffren peopos fo punish dem Jalike dey da grapes, cuz I stay huhu. I make da peopos stagga jalike dey piloot, Cuz I stay huhu still yet, An I make dea blood pour out all ova da groun.’ ”

Jeremiah 13:13

Tell um: ‘Dis wat Da One In Charge tell: I da One goin fill up all da peopo inside dis land fo dem come piloot—da king guys from da David ohana dat sit on top his throne, da pries guys, da guys dat suppose to talk fo me, an erybody inside Jerusalem.

Jeremiah 25:18

I give um to da Jerusalem peopo, an da peopo inside da towns inside Judah, an dea king guys an leada guys. Az fo make dem come wipe out, an make dea peopo come bum out, an come shock an shake dea head, an put kahuna on top dem—jalike how dey stay today.

Jeremiah 25:27

Den Da One In Charge tell me: “Now tell um, ‘Dis wat Da One In Charge, da God Ova All Da Armies, da God fo da Israel peopo, tell: Go drink plenny from da cup. Come piloot an puke an fall down so you no can stan up no moa, cuz I goin sen armies fo wipe out you guys.’

Jeremiah 44:6

Az why I come real huhu agains da peopo inside da Judah towns an on top da Jerusalem streets. Cuz I wen get mad, da towns stay all bus up an no mo peopo dea now.’

Zekariah 12:2

“Look! I goin make one poison cup fo da Jerusalem peopo. Goin make all da peopo dat live aroun dem come jalike dey piloot an stagga. Even da Judah peopo goin get army guys aroun dem wen da peopos attack Jerusalem.

Matthew 20:22

Jesus tell, “You donno wat you stay tell. You figga you guys can suffa jalike I goin suffa?” Dey tell, “Yeah, can handle.”

1 Corint 15:34

Wise up! Tink strait how you suppose to tink! No go do da bad kine stuff no moa! Cuz even get some peopo dat donno God, you know. I stay talk lidis fo make you guys come shame.

Efesus 5:14

God make da bad kine stuff come good, jalike da light make da dark kine stuff come jalike light too. Get one song dat tell: “Eh, you dat stay sleep, wake up! Go come back alive from mahke! Christ goin be da light fo you.”

Rules Secon Time 28:28

He goin make you guys come pupule. No ways you goin see, an you goin come all hamajang an no can tink.

Rules Secon Time 28:34

Wat you guys goin see goin make you guys come pupule.

Jesus Show 14:10

God come real huhu an tell ‘Laytas’ to da bad kine stuff dose peopo stay do. He goin make dose peopo suffa real bad from da burning sulfur, in front God spesho angel guys dat stay spesho fo God an in front da Bebe Sheep Guy. Dass jalike wen one guy make anodda guy drink too much real strong wine, fo make um come real piloot.

Jesus Show 16:19

Babylon, da mos importan big town, split an come three part. An da big towns fo da diffren peopos all ova da world get wipe out. God come huhu wit da peopo inside Babylon, da big town. He make um suffa real bad, cuz he tell “Laytas” to da bad kine stuff da peopo ova dea stay do. He make to dem jalike wen one guy make anodda guy drink too much real strong wine, fo make um come real piloot.

Jesus Show 18:6

“Pay um back double! Dass jalike you make dem one drink inside dea cup, two times mo strong!

Local Leadas 5:12

‘Deborah, wake up! Wake up! Wake up an sing someting! Barak, Abinoam boy, get up! Take da guys you wen make prisonas!’