Isaiah 51:14 - Hawaii Pidgin Bible

¹⁴ Da prisona guys dat stay sked, Pretty soon dey goin come outa da prison. Dey no goin mahke inside dea, An dey no goin come hungry.

Isaiah 51:14 ပူးပေါင်းရင်းမြစ်များ

Ezra 1:5

God make da Israel peopo feel good inside an dey like go back Jerusalem side. He even make da pries guys an da helpa guys from da Levi ohana feel good inside an dey like go back, an same ting fo da leada guys fo da Judah an Benjamin ohanas. Dey all like go back Jerusalem side fo build da Temple Fo Da One In Charge cuz da Temple stay all bus up.

Isaiah 30:20

My Boss goin give you guys hard time, Jalike he give you guys Ony bread fo eat an watta fo drink. But den, da guys dat stay teach you, Dey no goin hide from you guys no moa. You goin see dem.

Isaiah 33:6

All da time you stay alive, Da One In Charge goin be jalike one solid foundation fo you. He goin do plenny good tings fo you— Get you outa trouble, Help you know wat fo do erytime, Help you know how fo do stuff. Wen you Jerusalem peopo get respeck Fo Da One In Charge fo real kine, Goin be jalike az rich kine stuff he give you.

Isaiah 48:20

“Get outa Babylon town! Run away from da Babylon guys! Make big noise an dance an sing Cuz you stay feel good inside! Make da peopo hear dis All da way to da mos far place on top da earth! Tell dis: ‘Da One In Charge pay da price awready Fo get his worka guys, da Jacob ohana, outa trouble.’

Isaiah 49:10

Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.

Isaiah 49:25

But dis, da message from Da One In Charge: “Fo shua, I goin let da prisona guys go From da strong army guys dat wen catch um! Da stuff dat da leada guys steal, I goin get um back! I da One goin fight da guys dat fight you guys. I da One goin get yoa kids outa trouble.

Isaiah 52:2

Shake off da dirt from wea you sit. Get up, you Jerusalem peopo! Sit down jalike kings on top yoa thrones. Hemo da slave band aroun yoa neck You guys was prisonas befo time, but not now!

Jeremiah 37:16

Dey put Jeremiah inside one jail cell inside one big hole unda da groun ova dea an he stay dea long time.

Zekariah 9:11

An you guys, I get one deal wit you guys awready. You guys wen kill one sacrifice animal fo make da deal good wit da blood, Az why I goin let yoa prisona guys go From da real deep hole dat no mo watta inside.