Isaiah 51:12 - Hawaii Pidgin Bible

¹² Da One In Charge tell, “Me, I da One Dat give you guys good kine words An make you feel good. But how come you sked a peopo Dat ony goin mahke bumbye?! Da peopo dat goin mahke jalike da grass?!

Isaiah 51:12 ပူးပေါင်းရင်းမြစ်များ

2 Kings 1:15

Den da angel from Da One In Charge tell Elijah, “No sked dis guy. Go down dea wit him.” So Elijah stan up an go down wit da captain, by da king.

Songs 118:6

Da One In Charge, he back me up. Az why I no need come sked notting. So wat odda peopo can do to me?! Notting!

Songs 146:4

Dat kine guy, Bumbye he no goin breave no moa, He goin go back inside da groun. Right den an dea, Eryting da guy plan fo do Goin come poho.

Songs 92:7

Dis wat dey no undastan: No matta da bad kine peopo come up All ova da place jalike grass, An all da bad guys Dat stay do wass wrong Look good, Jalike wen da flowas come out, God goin wipe um out, An dey goin stay wipe out foeva!

Smart Guys 29:26

Get plenny peopo Dat like make da guy in charge a dem tink dey stay okay. But Da One In Charge, he da ony one dat know Who stay okay an who no stay okay Fo real kine.

Isaiah 12:2

“Fo shua, he da God get me outa trouble. I goin trus him an no stay sked. Cuz Da One In Charge, da One make me strong An give me powa. He come awready, da One get me outa trouble.”

Isaiah 2:22

No trus da peopo! Da ones dat stay breave da air an stay alive, But wat you can trus dem fo do fo you, aah?! Notting!

Isaiah 40:1

Dis wat yoa God tell you guys: “Make my peopo come so notting bodda dem! Help um feel good inside!

Isaiah 43:25

“Me, Da One In Charge. I da One dat let you go Fo show wat kine god me, No matta you go agains me. I no tink no mo bout all da bad tings you wen do.

Isaiah 49:13

“Erybody inside da sky, Yell cuz you stay feel good inside! An you peopo all ova da world, You stay feel good inside too! Erybody inside da mountains, Yell an sing! Cuz Da One In Charge give good kine words Weneva his peopo stay feel sore inside, An he show love an pity Fo da peopo dat stay suffa.”

Isaiah 51:3

“Az cuz Da One In Charge goin help da Jerusalem peopo So dey no stay sad no moa Bout all da stuff stay bus up ova dea. He goin make da boonies come Jalike how he wen make da place Eden side. Da dry up country goin come Jalike one garden fo Da One In Charge. Da peopo ova dea goin feel real good inside, An dance an sing. Dey goin tell Da One In Charge, ‘Mahalo plenny!’ an dey goin sing.

Isaiah 52:9

Sing togedda cuz you guys stay feel real good inside, No matta Jerusalem town still stay all bus up! Dass cuz Da One In Charge take away da sore Dat his peopo feel inside. He pay da price Fo get da Jerusalem peopo outa trouble.

Isaiah 57:11

Da One In Charge tell, “Who bodda you guys An make you come sked?! Cuz you guys stay bulai me, An foget me, An no even bodda fo tink bout me. Long time I neva tell notting. Dass why you guys stay sked a da odda peopo. But you no sked a me, o wat?!

Isaiah 61:2

Fo tell, “Dis, da year Da One In Charge goin make good to his peopo, An dis da time oua God goin pay back da bad guys.” He sen me fo give good kine words To erybody dat stay sad inside.

Isaiah 66:13

Jalike one muddah help her bebe calm down, Even afta he grow up an come big, I goin do da same ting fo help you guys come so notting bodda you. Wen you guys stay Jerusalem town, I goin let you come so notting bodda you!

Isaiah 8:12

He tell, “No go tink you an yoa frenz stay make one plan fo do someting bad, Jus cuz dis peopo stay tell you guys dey stay making plan fo do someting bad! Wen dis peopo stay sked bout someting, You guys no need come sked bout dat, O let dat ting make you come real sked an shaking!

Jeremiah 38:19

King Zedekiah tell Jeremiah, “I sked a da Judah guys dat wen go ova da Babylon guys side. Cuz maybe da Babylon guys goin turn me ova to dose Judah guys, an dey goin make any kine to me.”

Jeremiah 41:18

fo get away from da Babylon guys. Dey sked a da Babylon guys, cuz Ishmael wen kill Gedaliah, Ahikam boy, da guy da Babylon king wen pick fo stay in charge a da land.

Ezekiel 2:6

“An you, Fo Real Kine Guy. No sked dem, no sked wat dey tell. No sked, no matta da peopo all aroun you stay jalike thorns an stickas, an stay jalike scorpions undaneat you. No sked dem. Neva mind wat dey tell, an no matta dea whole ohana go agains me.

Matthew 10:28

No sked da guys dat can make yoa body mahke, but no can make yoa spirit mahke. But you guys betta come sked a God. He can make yoa body an yoa spirit get cut off from God foeva inside Hell.

John 14:18

“I no goin leave you guys all alone. I goin come back by you guys.

Jesus Guys 9:31

Dat time nobody bodda da peopo dat come togedda fo church all ova Judea, Galilee, an Samaria. Dey trus God mo an moa, an da Good An Spesho Spirit kokua dem. Mo an mo peopo trus da Good Stuff Bout Jesus. An eryting dey do, dey do um wit choke respeck fo God.

1 Peter 1:24

Da Bible befo time tell, “Erybody stay jalike one grass, o one flowa. Dey ony nice fo short time. Den da grass all dry up An da flowa fall down. Den dey come poho an mahke,

1 Samuel 15:24

Den Saul tell Samuel, “I wen do one bad ting, aah?! I go agains wat Da One In Charge tell me, an wat you tell me. Cuz I sked da army guys, so I do wat dey tell me fo do.

1 Samuel 17:11

Saul an all da Israel guys hear eryting da Filisha guy tell, an dey lose fight an stay real sked.

1 Samuel 21:13

So den he ack jalike he pupule weneva dey see him. All da time he stay dea, he ack pupule kine. He scratch up da doors a da town gate, an let spit run down his beard.