Isaiah 50:8 - Hawaii Pidgin Bible

⁸ Da One dat goin show peopo dat I stay right, He stay nea me. Whoeva like poin finga me, I like fo him an me stan togedda in front da judge! Let him come in front me fo him tell me!

Isaiah 50:8 ပူးပေါင်းရင်းမြစ်များ

Job 13:19

Get somebody goin poin finga me, o wat? If dey make lidat, den I goin stay quiet an mahke.

Songs 119:151

But you, Da One In Charge, You stay nea me too, An all da tings you tell I gotta do, Stay pono.

Outa Egypt 22:9

Same ting, fo any odda kine ting wea one guy tink anodda guy get his stuffs, an he not suppose to (one cow, o one donkey, o one sheep, o one clothes, o someting da guy wen lose). Da guy dat own um tell, “Eh! Dass mines!”—but gotta check out wat da two guys tell in front God. Da one dat God tell wen do one bad ting, he gotta pay back da odda guy double wat da ting cost.

Isaiah 1:18

Da One In Charge tell: “Come, we go talk togedda bout dis ting. No matta all da bad kine stuff you wen do Look jalike one big red spot now, But dey goin come white jalike da snow. No matta now jalike dey stay dark red, Dey goin come white jalike da wool.

Isaiah 41:1

Da One In Charge tell: “No tell notting, jus lissen, You islan peopos! An all you peopos, try fo change Fo come mo strong. Try come ova hea by me, Den we talk. Good erybody come togedda by me, da Judge.

Isaiah 41:21

Da One In Charge, da king fo da peopo dat come from Jacob, he tell, “You peopo dat pray to da idol kine gods, I da Judge. How come you no come in front me?! Tell me wat you make argue bout!

Isaiah 43:26

Tell me fo me know Someting good you guys wen do befoa. Den we can make argue togedda, An you can tell me bout um, Fo show you okay.

Isaiah 45:25

But wen all da peopo Dat come from oua ancesta Israel Stay tight wit Da One In Charge, Den dey goin get um right wit him. An dey goin tell good stuff bout him.”

Isaiah 54:17

But no matta wat kine tings peopo make Fo fight you guys wit um, Dey no goin win. No matta wat peopo tell in front da judge Wen dey poin finga you guys, You guys goin show proof dey wrong. All dis I goin do fo you guys Cuz me Da One In Charge an you guys work fo me. Dass how I goin show Dat my peopo get um right wit me.” Dass wat Da One In Charge tell.

Matthew 5:25

“If somebody like bring you in front da judge, quick, try make eryting pono wit dem wen you still get chance. If you no do dat, dey goin take you to da judge, an he goin take you to da police, an dey goin put you inside da prison.

Rules Secon Time 19:17

den da two guys dat make argue wit each odda gotta stan in front Da One In Charge an da prieses an da guys dat get da kuleana fo judge da peopo dat time.

1 Timoty 3:16

We all tell dis: Da stuff bout God, dat befo time was secret, dass importan fo real kine. Christ wen come, Wit one body jalike us. God Spirit wen show proof dat Christ stay right. Da angel guys from God wen see him. His guys wen teach Da diffren peopos all ova da world bout him. Get peopo inside da world dat trus him. God wen take him back To da awesome place inside da sky.

Jesus Show 12:10

Den I hear one loud voice inside da sky dat tell, “Now da time! God goin take us outa da bad kine stuff we stay in! An show us dat he da King, An he get all da powa! His Spesho Guy Christ get da right fo lead erybody! Cuz da Bad Guy dat wen poin finga Oua braddahs an sistahs all day an all nite, God throw him down hea awready on top da earth.