Isaiah 50:6 - Hawaii Pidgin Bible

⁶ Get guys dat wen wack my back wit whips, An I let um wack me. Get guys dat wen pull out my beard, An I let um. I no hide from da guys dat like make me come shame An spit on my face.

Isaiah 50:6 ပူးပေါင်းရင်းမြစ်များ

Nehemiah 13:25

I tell dem fo real kine, “Az wrong!” I tell dem off. I bus um up. I even pull out da hair from some a da guys! Den I make dem make one strong promise an aks God fo wipe dem out if dey no do wat dey tell dey goin do. Dis da promise: “You guys no goin let yoa daughtahs marry da guys from da odda peopos. You no goin marry da wahines from da odda peopos, an you no goin let yoa boys marry dem.

Job 16:10

Peopo make fun a me. Dey slap my head. Dey gang up on me.

Job 30:10

Dey ack jalike I pilau, An stay far from me. Dey no shame spit on my face.

Songs 129:3

Fo shua, dey make us suffa plenny, Jalike one farma run ova us Wit one plow An make deep cut all ova oua back!

Songs 69:7

Cuz I yoa guy, plenny peopo Talk stink bout me, An I suffa plenny. Dey make me come shame, Fo me no face da peopo.

Songs 69:8

I no can even talk to my ohana peopo, An my muddah odda kids ack Jalike I not from hea.

Isaiah 53:5

But da guy dat work fo Da One In Charge, Him, da one peopo poke wit one spear Cuz us guys go agains God. Him, da one dey smash Cuz us guys do wrong. Him, da one dey punish An dat make eryting come good fo us. Him, da one dey whip An cuz a dat, he make us come good!

Isaiah 53:7

Da guy dat work fo Da One In Charge, Da peopo give him hard time. Dey make him suffa, But he no tell notting. Dey take him out jalike one sheep Fo kill him. But jalike da sheeps Wen dey cut off all da wool, dey no make noise, He no tell notting too.

Sad Song 3:30

No matta get peopo dat goin slap dea head, An make um get plenny shame.

Micah 5:1

Bring all yoa army guys togedda, You Jerusalem guys, dat get Babylon army guys All aroun yoa big town! Da peopo dat stay agains us, Dey goin wack da leada fo da Israel peopo On top da cheek wit one stick.

Census 12:14

Da One In Charge tell Moses, “If her faddah wen spit in her face, den she wen come shame fo seven day. Kay den, make her stay outside da camp seven day. Afta dat, bring her back inside.”

Matthew 26:67

Den dey spit on top Jesus face, an punch him, an some guys slap his head.

Matthew 27:26

Den Pilate tell da army guys, “Let Barabbas go. Whip Jesus. Den kill um on top one cross.”

Matthew 27:30

An da army guys spit on him, an take da stick an wack him on top his head plenny times.

Matthew 5:39

But eh! I stay tell you guys dis: No fight back da bad guys. If anybody slap yoa head one side, mo betta let um slap da odda side too.

Mark 14:65

Den some guys spit on top him, an dey cova his eyes wit one cloth, an punch him, an tell, “Talk some moa! If you one guy dat talk fo God, tell us guys who wen hit you!” Da police guys take him an wack him too.

Mark 15:19

An dey wack him on top his head wit one bamboo, an spit on top him. Dey go down in front him jalike dey stay show respeck fo him.

John 18:22

Afta dat, one police guy dat was standing dea slap Jesus head an tell, “Eh! You not suppose to talk lidat to da Main Pries Guy!”

Hebrews 12:2

Da whole time us guys stay run da race, we look at one guy ony, dass Jesus. He da One dat help us start fo trus God, an da One dat help us fo trus God to da end. Wen he wen suffa on top da cross, he hang in dea. Neva bodda him dat dey make him come shame. He do dat cuz he know dat bumbye he goin come real good inside. An in da end, he sit down in da mos importan place, by God throne, on da right side.