Isaiah 50:2 - Hawaii Pidgin Bible

² Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Isaiah 50:2 ပူးပေါင်းရင်းမြစ်များ

Start 18:14

Eh! Me, Da One In Charge! You tink get stuff too hard fo me do um, o wat? I goin come back by you same time nex year, an Sarah goin get one bebe boy.”

2 Records 32:15

So! No let Hezekiah bulai you guys lidat. No trus him, cuz no mo anodda god from odda peopo stay strong enuff fo get dea peopo outa da powa dat me an my ancesta guys get. Az why yoa gods no goin get you guys outa my powa!”

Songs 106:9

God tell da Red Sea Fo no ack jalike one ocean, An da place come dry. He make da peopo walk On da floor a da ocean Jalike dey walk thru da boonies.

Songs 107:33

God change rivas fo come one dry place wea no mo notting. He make pukas wea da watta come outa da groun Come one place dat need watta cuz no moa.

Outa Egypt 14:21

Den Moses hold his hand out ova da sea. Da One In Charge make da wind blow strong on top da watta from da east side all dat nite. Da wind push da sea watta one side an da odda side an make da sea bottom come dry land!

Outa Egypt 14:29

But da Israel peopo, dey walk thru da Red Sea from one side to da odda side, an da groun stay dry, an da watta stay jalike two wall fo dem, right side an lef side.

Outa Egypt 7:18

Da fish inside da Nile Riva goin mahke. Haunas da riva goin come. Cuz a dat, da Egypt peopo no can drink da watta dat come from da Nile Riva.’ ”

Outa Egypt 7:21

Da fish inside da Nile Riva mahke. Haunas da riva come. Da Egypt peopo no can drink watta notting outa da Nile Riva. Had blood ery place inside da Egypt land.

Smart Guys 1:24

“Cuz I wen yell plenny times awready fo you guys come, But you neva like. Neva mind I wen make fis fo wack you guys, You guys neva lissen.

Isaiah 11:15

Da One In Charge goin wipe out Da skinny part a da Red Sea, Egypt side. He goin put out his hand ova da Eufrates Riva An bring one real hot strong wind, Fo make um come seven small stream, Fo peopo go walk on top da dry part wit slippas.

Isaiah 19:5

Da Nile Riva watta no goin be enuff Fo cova da Egypt land jalike one sea. Da place wea da riva watta go goin stay all dry, No mo wet place.

Isaiah 23:11

Wen Da One In Charge put up his hand fo use his powa ova da ocean, He make da kings an dea peopos come sked an shaking. He da One dat tell, az time fo wipe out Da towns inside Fonisha dat get strong wall.

Isaiah 36:20

You tink dat get even one god from all dose countries dat wen get dea peopo outa trouble wen I go agains dem?! No way! So, how you figga yoa God, Da One In Charge, goin get you guys outa trouble wen I go take ova Jerusalem town?! No can!”

Isaiah 41:28

I look da odda gods, but no mo nobody. No mo even one a dem fo tell da peopo wat fo do. I aks dem someting, but da odda gods donno how fo ansa!

Isaiah 42:15

I goin bus up da mountains an hills, An make eryting dat grow on top dem come all dry. I goin make da rivas come down low Fo dem get islans in da middo. I goin dry up all da ponds.

Isaiah 43:16

Dis one message from Da One In Charge, Da One wen make one road in da middo da Red Sea, One place fo da Israel peopo go Inside da danger watta.

Isaiah 44:27

I da One tell da deep ocean, ‘Come dry! I goin make yoa channels all dry.’

Isaiah 51:10

You da One wen make da ocean dry up, No matta stay deep, an get plenny watta. Was you wen make one road Inside all da deep place, Fo yoa peopo go ova da odda side Afta you get da ones outa Egypt dat you wen free up.

Isaiah 54:6

Befo time, you guys come real sad, Jalike you one wife yoa husban wen dump, An you stay sad inside. Jalike you was young An one guy wen marry you, Den he dump you. But now, jalike yoa husban call you fo come back.” Dass wat Da One In Charge tell.

Isaiah 59:1

Fo shua, Da One In Charge get plenny powa Fo get us guys outa trouble. Fo shua, he can hear good.

Isaiah 59:16

Da One In Charge, he see dat no mo nobody Stay go agains da bad kine stuff. He no can believe No mo nobody even pray fo his peopo! Dass why him da one do um An use his own powa Fo get his peopo outa trouble. Cuz he do da right ting erytime, He no need nobody fo help him.

Isaiah 63:13

Who wen lead da peopo Thru da deep open place on da ocean bottom?! Da peopo no fall down dea, Jalike one horse go fas thru da boonies An dey no fall down,

Isaiah 64:6

All us guys wen come Jalike somebody dat do pilau kine stuff An no can come in front you, Da One In Charge, cuz a dat. All da tings we do fo show we stay do da right ting, Jalike pilau an dirty kine rags. We all lose fight, jalike one dry up leaf. An da bad kine stuff we do, wipe us out Jalike wen da wind blow away da leaf.

Isaiah 65:12

I tell you guys wass goin happen bumbye! All you guys goin go down on yoa knees, An da army guys dat kill da prisonas wit dea swords Goin kill you guys da same way! Cuz I wen yell to you guys, but you neva ansa. I wen talk, but you guys neva lissen. You guys wen do wass bad, Da way I see um. An you guys wen pick da kine stuff Dat I no like fo you do, an you still do um.”

Isaiah 66:4

So den me too, I goin do um my way an punish dem! I goin make tings happen to dem Dat dey stay sked awready goin happen. I goin do all dat, Cuz wen I wen call dem, No mo nobody dea fo ansa me. An wen I wen talk to dem, No mo nobody lissen. Dey do stuff dass bad, da way I see um. Dey pick da kine stuff fo do, Dat I no like!”

Jeremiah 14:9

How come you ack Jalike you donno wass happening?! How come you ack Jalike one army guy dat no can get us outa trouble?! You stay right hea wit us, Da One In Charge. Erybody know dat us guys yoa peopo. So no leave us!”

Jeremiah 35:14

Long time befo time, Jonadab, Rekab boy, wen tell his boys fo no drink wine. Dey no drink even today, cuz dey wen lissen wat dea ancesta guy tell dem fo do. But me, I tell you guys ova an ova, an still yet you guys no lissen.

Jeremiah 35:15

Plenny times, I tell all my worka guys dat talk fo me fo go by you guys. Dey tell you: All you guys, one by one, no do da bad kine stuff you guys stay do no moa. You gotta start fo do wass right. No follow da odda gods an work fo dem. Den fo shua you guys can come back fo live on top da land I wen give you guys an yoa ancesta guys. But you guys still no use yoa ears fo lissen me.

Jeremiah 5:1

“Run up an down da streets inside Jerusalem town. Look aroun an tink hard. Look inside all da open places. If you guys can find one guy dea Dat can tell wass right an wass wrong, One guy dat fo real kine like know wass true, Den I goin let go all da peopo inside Jerusalem Fo da bad tings dey wen do, An hemo dea shame.

Jeremiah 7:13

Still yet, you guys stay do all da bad kine stuff I stay talk bout. Me, I Da One In Charge, fo talk to you guys ova an ova, but you guys no lissen. I wen call you guys, but you guys no ansa.

Jeremiah 7:27

“Wen you tell dem all dis stuff, dey no goin lissen you. Wen you yell to dem, dey no goin ansa.

Jeremiah 8:6

I lissen real good, But wat dey tell, not right. No mo nobody stay sorry fo da bad kine stuff dey wen do. Dey tell, ‘Wat I wen do, I neva do notting wrong!’ Dey all go da way dey like, Dey jalike one army horse running fas fo fight.

Daniel 3:15

Now, wen you guys hear da soun from da music one mo time, if you guys stay ready fo go down an show respeck fo da statue dat I wen put up, az good. But if you guys no go down in front um, my guys goin throw you guys inside da real hot fire inside da big oven. Den wat kine god goin help you guys get outa my powa, aah?! No way!”

Daniel 3:29

Az why I make dis rule now: No matta wat peopo o wat country somebody come from, an no matta wat language dey talk, if dey talk an no show respeck fo da God dat Shadrak, Meshak, an Abednego pray to, I goin tell my worka guys fo cut off dea arms an legs, an make dea house come one big rubbish pile. Cuz no mo anodda god dat can get peopo outa trouble da way dea god can!”

Daniel 6:20

Wen he come nea da lion hole, he call Daniel wit one sad kine voice. “Daniel, da worka guy fo da God dat stay alive! Yoa God, da One you work fo erytime, he wen get you outa dis, o wat?!”

Daniel 6:27

He get his peopo outa trouble. He do awesome stuff an stuff you no tink az fo real he can do um Inside da sky an on top da earth. He wen get Daniel outa trouble So da lions neva hurt him.”

Hosea 11:2

But no matta how plenny I wen call dem, Dey go da odda way, mo far away. Dey wen make sacrifice fo da Baal gods, An dey burn incense fo da idol kine gods.

Hosea 11:7

My peopo go all out fo tell ‘Laytas’ to me. Even wen dey call me Da Mos Importan God, Dey no mo respeck fo me.

Nahum 1:4

He can talk strong to da ocean, an make um come dry. He make all da rivas come dry. Da green grass all ova Bashan an Carmel come no good too. Da flowas inside Lebanon come no good an mahke.

Habakkuk 3:8

Da One In Charge, you wen wack da rivas dat time, Az cuz you huhu, o wat?! You mad at da streams? Da time you wen ride yoa horses, An yoa war wagons, an you win, Az cuz you wen come piss off wit da ocean, o wat?!

Census 11:23

Da One In Charge tell Moses, “Wassamatta you?! Me, Da One In Charge, an you tink I no mo enuff powa fo do dat?! Now you goin see if wat I tell goin happen fo you, o not!”

Mark 4:39

Jesus get up, an scold da wind an da waves. He tell, “Quiet! Come calm!” Den da wind die down an da watta come calm.

John 1:11

He come his country, but even his peopo neva come tight wit him.

John 3:19

“God wen sen da light inside da world. Da light show erybody how dey stay inside. But da peopo like stick wit da dark an dey hate da light, cuz dey stay do bad kine stuff. Dass why God goin punish da peopo.

Joshua 3:16

Right den an dea, da watta dat come from mo high up in da riva stop. Make one pile far away mauka side, by one town name Adam, one side Zaretan. All da res a da riva watta dat go down to da Big Salt Lake go dea. So da riva bottom come dry up. Az how da Israel peopo go across da riva to da odda side nea Jericho.